釜山資料

釜山交通資料

    釜山係韓國嘅繁華港口城市,而我哋專誠為你整理咗呢個城市嘅交通資料,包括點樣去同喺裡面點樣搭車。釜山擁有豐富嘅歷史,主要景點包括溫泉、瀑布同自然保護區,同時亦因為一年一度嘅國際電影節而出晒名,吸引咗世界各地嘅名人明星嚟到呢度。

    釜山有開辦渡輪同船舶航線,定期來往日本,另外仲有嚟自泰國同菲律賓等國家嘅航班。同韓國大多數城市一樣,釜山嘅公共交通系統都係超有效率。

    1

    前往釜山嘅交通

    搭渡輪同船到釜山

    釜山係韓國最出名嘅海港之一,包括大阪、九州等等嘅國際城市都有定時班次嘅渡輪,直達釜山;當中最經濟嘅選擇係關釜夜間渡輪 (Kanpu Ferry),接載乘客穿梭釜山同日本下關市。

    此外,區內亦都有船往來釜山同九州島,一星期仲有 3 班當地經營嘅渡輪,行駛釜山同濟州之間,單程船程大約需要 12 個鐘。

    釜山火車

    釜山有好多火車站—其中,極盡現代化嘅釜山站位於南浦洞 (Nampodong) 同西面 (Seomyeon) 之間。地鐵 1 號線輕鬆易搭,而車站附近以至周邊地區仲開設咗唔少民宿同酒店,任你揀住邊都得!

    另一個鄰近地鐵 3 號線嘅車站就係龜浦站 (Gupo),喺正龜浦地鐵站旁邊,係喺釜山搭乘火車時較便利嘅車站之一。從龜浦站搭乘火車,還有其他好處:此站前往首爾的車票價格便宜近 KWD1,000,且站內人流較釜山大多數車站相對稀疏,不甚擁擠;唯一缺點在於車站同主要城市之間距離較遠。

    韓國高速鐵道 (KTX) 亦係釜山數一數二嘅熱門交通工具,往來釜山同首爾之間,你可以用自動售票機嚟購買車票。

    釜山巴士

    釜山設有東部城際巴士總站 (Dongbu Intercity Bus Terminal) 同西部城際巴士總站 (Seobu Intercity Bus Terminal) 呢 2 個主要巴士站,另外仲有一啲較小型嘅站點。縱觀韓國,幾乎每個主要城市或州縣都有往來釜山嘅固定巴士班次,服務便捷周到。

    乘搭飛機前往釜山

    乘坐飛機前往釜山好方便,大多數國際航空公司都有開辦定期航班,往返金海國際機場 (Gimhae Airport);而該機場內亦有航線穿梭韓國境內城市,同首爾之間更加係聯繫緊密。

    2

    釜山市內交通

    釜山設有地鐵,要到處遊覽相對簡單!地鐵係市內最廣泛使用嘅交通工具之一,設有 3 條線 (紅色、綠色和啡色線),連接各大巴士站和市內主要熱點;大部分標示均以韓文同英文雙語顯示,以便外國人輕鬆乘搭,四處觀光。

    地鐵站內設有自動售票機,方便你購買車票;如果你預計會喺特定日期多次乘坐地鐵,不妨購買一日通行證。要數市內最常用、最便宜嘅選擇,就非 Hanaro 卡莫屬—呢張卡可以俾你節省時間同金錢,同時送上地鐵同巴士票價折扣。想要遊訪地鐵服務不到達嘅偏遠地區?你仲可以乘坐巴士或的士。

    相片由 Minseong Kim 提供 (CC BY-SA 4.0) 經修改

    開始計劃行程

    Maps