弘大係時尚前衛嘅街區,出名係青春明快嘅氣氛、地下文化同埋「自由自我」風格,喺正首爾市中心,而弘益藝術大學亦喺附近,所以呢區經常迫爆本地年輕人同學生。

    步行街兩邊都係美容店同時裝店,商店價錢有平有貴,好多店舖都係營業到半夜。成個弘大區,有幾條街都開晒夜店同餐廳,另外有主題係首爾現代藝術嘅店鋪,又有古色古香嘅咖啡店、藝術畫廊、爵士咖啡店、茶房 (dabang;即老式咖啡店)、雞尾酒酒廊、酒吧同熱舞夜店。

    KT&G 想象庭院 (KT&G Sangsang Madang) 係弘大嘅著名購物中心,樓高 7 層,裡面嘅商店賣當地設計師打造嘅時裝、工藝品同配飾,仲有展覽空間同藝術畫廊,又可以由好高嘅地方睇晒弘大區風景;嚟到地庫,仲有電影院同現場表演大廳,定期舉辦音樂、舞蹈同戲劇表演。

    弘大嘅賣點之一,就喺弘益兒童公園裡面嘅週末「自由市場」—13:00 到 18:00 果段時間,當地藝術家同工匠會擺賣自家製手工藝品、配飾、文具、油畫同音樂 CD,真係嘜野貨色都有。

    正如遊覽首爾大部分地方,搭地鐵係去弘大最快嘅方法—跟住首爾地鐵 2 號線喺弘益大學站落車,之後喺 9 號出口離站,弘大區就喺眼前。

    弘大區 (Hongdae)

    地點: 韓國首爾麻浦區弘大

    開放時間: 每日 09:00 到 00:00 (營業時間每間商店唔同)

    Penny Wong | 旅遊常客

    開始計劃行程