10 碟韓國菜

韓國大熱必試美食

    首爾充滿活力,由好窄嘅小巷裡面嘅街頭小販,到五星級酒店嘅高級餐廳,到處都係韓式美食,而且好多美食已經存在咗 2,000 幾年,以前只比韓國王室享用。

    宜家,韓國食品變得大受歡迎,無論係當地人或者遊客,都覺得呢 D 美食令人流晒口水,既香辣暖心,又營養豐富,而且早晚任何時間都可以享用。我哋整理咗一份韓國首都頂級韓食清單,您喺逗留首爾期間,一定要去品嚐下!

    1

    泡菜 (Kimchi)

    泡菜 (Kimchi) 屬招牌韓國菜,已經有 2,000 幾年啦,歷史可以追溯到新羅王朝,由韓國捲心菜、蘿蔔、南瓜、洋蔥、薑、蔥、辣椒粉、蒜蓉同鹽醃海鮮發酵製成,

    極具傳統風味,共有超過 200 款,既可單獨食用、配飯同吃,亦可加入粥、湯和年糕中。另一方面,泡菜為韓國美食奠下基石,衍生出多種菜式,如泡菜燉鍋 (kimchi jjigae)、泡菜煎餅 (kimchijeon) 和泡菜炒飯等,都用上了泡菜。

    • 品嚐美食
    2

    韓式拌飯 (Bibimbap)

    喺首爾旅遊,另一款唔可以唔試嘅美食就係韓式拌飯 (Bibimbap)—呢款飽肚又營養豐富嘅菜式喺餐廳、美食廣場同街頭市場到處可見,而且視乎地區同所用食材而定,可以採用肉類或素菜炮製。

    最常見嘅韓式拌飯用咗溫熱米飯配搭雜菜、牛肉或雞肉、同埋生雞蛋混埋一齊,仲會配搭醬油同一堆辣椒醬調味。呢道拌飯菜式仲有個變奏版本,叫做「魚生拌飯 (hoedeopbap)」,用三文魚、金槍魚或章魚等海鮮刺身代替肉類,十分適合鍾意食海鮮嘅人士。

    • 品嚐美食
    3

    韓式炒年糕 (Tteokbokki)

    韓式炒年糕 (tteokbokki) 是韓國傳統街頭食品,做法是將厚片熟年糕 (garaetteok)、魚餅、洋蔥、大蒜粒、鹽、糖和各種蔬菜,加入紅色的甜辣椒醬拌炒,到外觀呈現鮮豔均稱嘅橙紅色,就可以享用。呢款小食十分易認,通常喺街頭攤檔同獨立小食店都有售。

    • 品嚐美食
    4

    韓式烤肉片 (Bulgogi)

    韓式烤肉片 (Bulgogi) 由醃製牛腩肉片製成,與洋蔥片、青椒和大蒜一同放在木炭爐上燒烤,添上獨特煙燻味。燒烤之前,肉片會加入醬油、麻油、黑胡椒、大蒜、洋蔥、薑同糖醃製 2 到 4 小時,令風味更正、肉質更嫩。

    韓式烤肉片仲會配搭生菜同菠菜等多葉蔬菜作為配菜—食果時,用菜葉包住已經煮熟嘅肉片,仲要加上包飯醬 (ssamjang) 同泡菜一齊食,口味就算地道。

    • 品嚐美食

    相片由 stu_spivack 提供 (CC BY-SA 2.0) 經修改

    5

    韓式燉鍋 (jjigae)

    首爾嘅韓式燉鍋 (jjigae) 種類好多,一般係將肉類、海鮮或蔬菜放入用苦椒醬 (gochujang)、發酵味噌 (gaenjang)、大豆醬或鹽漬發酵蝦 (saeujeot) 製成嘅湯裡面燉煮,濃度同西式燉菜相似,可用嚟喺「重口味」嘅菜式之間清清味蕾。

    首爾其中一款最受歡迎嘅韓式燉鍋係部隊鍋 (budae jjigae),裡面有煙肉、香腸、午餐肉、拉麵同年糕,仲加入苦椒醬,帶出辛辣味道。

    • 品嚐美食

    相片由 LWYang 提供 (CC BY 2.0) 經修改

    6

    炸醬麵 (Jajangmyeon)

    炸醬麵 (Jajangmyeon) 係中韓融合菜,用咗粗厚嘅手工小麥麵條製成,上面放咗生青瓜片,配搭混合鹹黑大豆醬、豬肉粒同蔬菜嘅醬料一齊食,售價由 KRW5,000 起,係一款又快又平嘅窩心美食。

    喺正每年 4 月 14 日「黑色日」,喺情人節期間無收到禮物嘅單身朋友都會著住黑色衫,聚首一堂,食下炸醬麵等黑色食物,場面其實好得意。

    • 品嚐美食

    相片由 egg (Hong, Yun Seon) 提供 (CC BY 2.0) 經修改

    7

    燒五花肉 (Samgyeopsal)

    燒五花肉 (Samgyeopsal) 是另一道韓式主食,不甚講究烹飪技巧,只須在餐桌烤架上即席烤製厚厚的五花肉,然後配上蘸醬同配料,例如蘑菇、青辣椒、蔥、生洋蔥、大蒜同泡菜,再用生菜或芝麻葉包住就得。

    燒五花肉好受首爾嘅職青歡迎,佢地仲通常會飲番一兩杯燒酒。

    地點: 首爾麻浦區白凡路 18

    開放時間: 每日 11:00 – 23:00

    電話: +822 719 4848

    • 品嚐美食
    8

    韓式炸雞

    韓式炸雞參考典型美式快餐美食而成,仲加入咗獨特風味。同美式炸雞唔同,韓式炸雞會喺雞塊上面加上甜辣醬 (有 D 餐廳仲會喺麵糊上面加入青椒,食起嚟更加香辣),然後再用植物油煎炸,

    令雞肉裡面多汁,外層嘅薄身炸粉就極其鬆脆,油份好少。韓式炸雞係好受歡迎嘅宵夜小食,通常再飲番杯啤酒。

    • 品嚐美食

    相片由 istolethetv 提供 (CC BY 2.0) 經修改

    9

    香辣冷面 (Bibim Nengmyun)

    香辣冷麵 (bibim nengmyun) 用不銹鋼碗盛載,裡面加入冷湯、青瓜絲、韓國梨片、烚雞蛋和冷牛肉片同吃;而碗裡面嘅幼長麵條由麵粉同蕎麥或蕃薯粉做成,部分變奏款式仲會加入海藻同綠茶。

    麵條象徵長壽健康,傳統係唔會剪斷,但食客可以根據個人喜好,要求侍應代為剪短麵條。

    • 品嚐美食

    相片由 Jinho Jung 提供 (CC BY 2.0) 經修改

    10

    人參雞湯 (samgyetang)

    夏日炎炎,當地人認為必須補充身體能量,所以經常喺 6 月到 9 月頭飲番一碗熱呼呼嘅人參雞湯 (samgyetang)

    炮製呢款營養豐富嘅靚湯,廚師會先準備一隻春雞,喺裡面塞入栗子、大蒜、乾棗、人參、糯米同銀杏果仁等餡料,然後將食材慢煮,直到雞肉變到十分嫩滑,濃稠嘅肉湯滲出帶 D 甘甘哋苦苦哋嘅香味。

    • 品嚐美食
    Penny Wong | 旅遊常客

    開始計劃行程

    Maps