東大門市場 (Dongdaemun Market)

首爾購物區

    東大門市場 (Dongdaemun Market) 係韓國最大型嘅批發同零售購物區之一,設有大約 26 間商場、30,000 間專賣店以及 50,000 間製造商,貨色由紡織品、服裝、鞋具、珠寶,到皮革製品、玩具、電子產品同辦公用品等等都係應有盡有。

    東大門市場相當受歡迎,佢嘅位置好優越,貨品種類齊全,價錢又平,遊客隨時隨地都可以嚟呢度「血拚」。如果要講東大門市場最熱門嘅購物中心,就一定係美利嚟 (Migliore)、Designer's Club 同走高檔路線嘅樂天 Fitin 百貨啦。

    都塔購物中心 (全名「斗山塔」) 就有露天音樂廳,全年舉辦各種時裝表演、音樂會、模特兒大賽同韓國傳統音樂表演;

    書迷就唔可以錯過東大門市場嘅舊書街,可以用好實惠嘅價錢搜購心頭好—街上好多書店都已開咗超過 30 年,售賣絕版刊物、小說、詩歌、散文、雜誌同外國書,非常抵買!

    行到攰啦?鐘路 40 路街嘅「吃巷子」就有各種韓國街頭美食,必食之選包括紫菜包飯 (gimbap;即海苔飯卷)、豬血腸 (sundae;即豬內臟製成嘅香腸)、魚糕同韓式雞湯。夜晚果時,東大門夜市會舉行各種慶祝活動、時裝表演、音樂同舞蹈表演,真系精彩講唔晒。

    東大門市場 (Dongdaemun Market)

    地點: 韓國首爾中區乙支路 6 街

    Penny Wong | 旅遊常客

    開始計劃行程