昌德宮 (Changdeokgung Palace) 係南韓 5 大皇宮中保存得最好嘅一座，喺正北岳山腳嘅景福宮東面，所以又叫做「東闕」(東宮)。250 年嚟，昌德宮曾經被朝鮮多位皇帝用嚟做主要宮殿，
宜家仍然保留喺 1405 年就有嘅韓國正宗建築物，必遊景點包括大臣值班從政嘅外朝、皇帝處理朝政嘅治朝，同埋皇室成員起居生活嘅燕朝。
昌德宮 (Changdeokgung Palace)名列首爾 21 大玩樂活動 (閱讀有關首爾的資料)
如果要講昌德宮最獨特嘅建築物，就一定係「後苑」嘅秘密花園—呢度係皇室成員玩樂同宴會嘅場地，大約佔成個昌德宮嘅六成面積，建有多個古雅嘅涼亭，園裡面種咗超過 56,000 棵植物同樹木，其中一棵樹嘅樹齡更加超過 300 年，同手工精緻嘅石雕同荷花池相映成趣。
昌德宮成人入場費大約 KRW3,000，學生 (7-8 歲) 就要 KRW1,500；遊客亦可以參加導賞團 (設有英語、中文同日語)，參觀「後苑」秘境—90 分鐘嘅導賞團收費係成人 KRW8,000，長者 (65 歲以上) KRW5,000，學生 KRW4,000。
昌德宮距離首爾地鐵 3 號線安國站 3 號出口 5 分鐘路程，距離地鐵 1 號線、3 號線同 5 號線嘅鐘路三街站 6 號出口 10 分鐘路程。