北村韓屋村 (Bukchon Hanok Village) 裡面有幾百間傳統韓屋,歷史可以追溯到朝鮮王朝!呢度歷史景點坐落喺宗廟、同埋景福宮同昌德宮兩座宏麗宮殿之間,裡面好多韓屋宜家已經改建成為私人住宅或者賓館,部分韓屋就改用為文化中心、畫廊、手藝工作坊、餐館、茶館同博物館。

    北村仲有一間傳統釀酒廠,生產韓國酒精飲品,包括馬格利酒 (makgeolli;即生米酒)、藥酒 (yakju;即藥用酒) 同燒酒 (soju;即蒸餾酒);遊客更加可以喺裡面了解宮廷活動專用燒酒「三亥酒 (samhaeju)」嘅釀製過程。

    想認識韓國傳統文化,不妨用 KRW10,000 買一張「北村博物館通行證」,參觀嘉會博物館、韓尚洙刺繡博物館同韓國美術博物館。

    嘉會博物館喺 2002 年開幕,展出超過 250 幅民間繪畫、750 個護身符、150 本典籍同超過 200 件傳統屏風;古代人利用護身符驅走疾病同邪靈,防止惡靈侵擾,又祈求身體健康,心想事成,家人平順。

    韓尚洙刺繡博物館珍藏咗著名工匠韓尚洙巧奪天工嘅刺繡作品、韓國帝王同高官曾佩戴嘅刺繡文物,同埋民間刺繡藝術收藏品。

    韓國美術博物館就收藏咗 6,000 多件佛教繪畫、雕塑、工藝品同祭祀用具,仲會舉辦多個工作坊,介紹韓國民間繪畫藝術同傳統食品烹調方法。

    北村韓屋村無入場費,但係部分韓屋係私人住宅,參觀時就要保持安靜。去果度最簡單嘅方法係乘搭地鐵 3 號線到安國站,由 3 號出口行一陣,就可以行到韓屋村。

    北村韓屋村 (Bukchon Hanok Village)

    地點: 韓國首爾鐘路區桂洞街 37 號

    電話: +82-2-2148-4160

    Penny Wong | 旅遊常客

    開始計劃行程