首爾 5 大街頭市場

首爾最受歡迎嘅街頭市場

    想體驗韓國地道生活方式、同好客嘅當地人交流,同埋睇下各種商品?首爾嘅街頭市場就係好去處!呢 D 市場大多全年開放,搭地鐵同巴士都可以輕鬆到達;

    場內商品既適合當地人,又可以滿足到旅客嘅特殊購物需要。其中嘅東大門市場主要售賣時尚服飾、珠寶同配飾;廣藏市場供應各種韓式暖心食品;而鷺梁津魚市場就主打新鮮海產。如果您初次遊覽韓國,就一定要行下首爾嘅大熱街頭市場啦!

    1

    南大門市場 (Namdaemun Market)

    南大門市場 (Namdaemun Market) 創於 1400 年代初,係韓國最繁華嘅市集之一,滿載傳統風尚,以首爾南大門命名,而南大門正是古代人出入城區的主要門戶。身處市場內,你可用實惠價格買到優質皮具、服裝、工藝品、進口商品、餐具、電子產品以及傳統東方藥品;

    而當地人日間更會嚟到呢度購買雜貨以及家居用品,為呢個名勝增添「貼地」特色!南大門市場嘅批發手工藝品以及食品特別出名;每逢 23:00 至 04:00,呢度就會化身成充滿活力嘅夜市,相當好行。

    地點: 韓國首爾鐘路區昌慶宮路 88

    開放時間: 每日 08:30 至 23:00 (營業時間因應商店而異)

    • 購物
    • 經濟實惠

    相片由 Adrián Pérez 提供 (CC BY-SA 2.0) 經修改

    2

    東大門市場 (Dongdaemun Market)

    東大門市場設有約 26 間商場、30,000 間專賣店以及 50,000 間製造商,係韓國最大型嘅批發零售購物區之一,貨色從紡織品、服裝、鞋具、珠寶,以至皮革製品、玩具、電子產品以及辦公用品等,都應有盡有。

    另一方面,東大門市場都係個美食天堂,入面有條「吃巷子 (Mukja Golmok)」美食街,專門售賣韓國街頭小吃以及零食。夜幕低垂,購物區依舊人頭湧湧,全年更有慶典、時裝表演、音樂以及舞蹈節目等精彩活動上演,樂趣紛呈。

    地點: 韓國首爾中區乙支路 6 街

    • 購物
    • 品嚐美食
    3

    廣藏市場 (Gwangjang Market)

    廣藏市場嘅歷史可以追溯到 1905 年,係韓國首批常設街頭市場之一,雖然呢度以布料以及紡織品選擇眾多而聞名,但你都可以喺場入面搵到廚具、進口產品、蔬果及乾貨。好多當地人都會嚟到廣藏市場,購買韓國典儀用品以及傳統婚禮用品,例如韓服 (hanbok;即韓國傳統服裝) 以及幣帛 (pyebaek;即準新娘為未來夫家準備嘅婚禮食物)。

    市場地面樓層設有數十個小食檔以及餐廳,比你喺購物之餘,可以享用到正宗韓式料理;而一樓就開設了好多裁縫店,你可以用合理價格購得民族服裝。

    地點: 韓國首爾鐘路區昌慶宮路 88

    開放時間: 每日 08:30 至 23:00 (營業時間因應商店而異)

    • 購物
    • 拍照
    • 品嚐美食

    相片由 ChongDae 提供 (CC BY-SA 3.0) 經修改

    4

    鷺梁津水產批發市場 (Noryangjin Fisheries Wholesale Market)

    由首爾火車站乘搭火車,15 分鐘即可抵達鷺梁津水產批發市場 (Noryangjin Fisheries Wholesale Market)!要數參觀市場嘅最佳時份,非日出之際莫屬。到時,入面將會進行海鮮拍賣,而場入面約有 800 個商販,皆以極其實惠嘅價格出售新鮮捕獲嘅海產;市場上層尚設幾間供應韓國菜以及日本料理嘅餐廳,比你大快朵頤。

    地點: 韓國首爾銅雀區鷺梁津洞鷺德路 674 號

    開放時間: 24/7

    電話: +82-2-2254-8000

    • 購物
    • 拍照
    • 品嚐美食
    5

    京東市場 (Gyeongdong Market)

    京東市場 (Gyeongdong Market) 入面有 1,000 多個攤位,出售自製藥品、根莖植物、香草以及香料,別具特色!呢個街頭市場位於東大門 (Dongdaemun),因以合理價格專售亞洲草藥以及藥品,所以特別受中國以及日本遊客歡迎。

    行入市場,你就會感受到濃郁嘅草藥香氣;而呢度最受歡迎嘅商品包括回復血氣嘅紅參、改善血壓問題嘅梅實,以及可沖製清涼飲料嘅菊花。

    地點: 韓國首爾東大門區旺山路 147 號

    開放時間: 每日 04:00 至 19:00 (營業時間因應商店而異)‬

    電話: +82-2-967-8721

    • 購物

    相片由 Gaël Chardon 提供 (CC BY-SA 2.0) 經修改

    Penny Wong | 旅遊常客

    開始計劃行程

    Maps