首爾 17 大最好購物熱點

首爾購物攻略

    首爾唔使講一定係購物天堂,購物熱點唔單止喺商場裡面,仲遍佈市中心嘅各大購物區!您可以花幾個鐘,盡情選購衣物、電子產品、配飾、珠寶、皮革製品、美容產品、藝術同工藝品,仲有古董。

    首爾嘅熱門購物區設有唔少親子景點,例如水族館、博物館、劇院、藝術畫廊同主題公園等,您仲可以順道欣賞時裝表演、藝術展覽、文化慶典同音樂會。不妨查下呢份首爾最好購物體驗攻略,睇晒購物商場、百貨公司、迷人精品店同街頭市集等各種「血拚」選擇。

    1

    明洞市場 (Myeongdong Market)

    如果您計劃喺留宿首都果時去購物,明洞市場 (Myeongdong Market) 絕對係理想好去處—作為韓國其中一個主要購物區,坐擁數十間百貨公司、商場以及路邊商店,

    熱門商品包括平價衣服、鞋履、首飾、珠寶,以至當地以及國際品牌手袋,裡面仲開設咗超過 1,000 間專售韓國化妝品同護膚品嘅店舖。另一方面,明洞市場亦有觀光景點,出名嘅地標包括明洞天主教堂同明洞亂打秀劇院 (Myeongdong Nanta Theatre)。

    地點: 韓國首爾中區明洞 83-9

    開放時間: 每日 10:00 到 22:30 (營業時間每間商店唔同)‬

    • 購物
    2

    東大門市場 (Dongdaemun Market)

    東大門市場 (Dongdaemun Market) 係韓國最大型嘅批發同零售購物區之一,設有大約 26 間商場、30,000 間專賣店以及 50,000 間製造商,貨品由紡織品、服裝、鞋具、珠寶,以至皮革製品、玩具、電子產品以及辦公用品等都應有盡有。

    覺得肚餓?東大門市場入面有條「吃巷子 (Mukja Golmok)」美食街,專門售賣韓國街頭小吃以及零食,係一眾「吃貨」嘅最愛熱點。夜幕低垂,購物區依然人頭湧湧,到咗夜晚更有慶典、時裝表演、音樂以及舞蹈節目等精彩活動,樂趣非凡。

    地點: 韓國首爾中區乙支路 6 街

    • 購物
    • 品嚐美食
    3

    弘大區 (Hongdae)

    弘大區 (Hongdae) 出名嘅喺青春氣氛、地下文化同「自由自我」喺風格,當地年輕人、同埋附近弘益大學 (Hongik University) 嘅學生都經常嚟呢度,到區內好多咖啡廳、藝術畫廊、時裝店、現場音樂酒吧同夜店玩。弘大區商店林立,貨品由手工製品到奢侈品都有,花多眼亂,

    又以週末 13:00 到 18:00 架設嘅「自由市場」最為吸引—到果時,當地藝術家同工匠都會齊集喺呢度,展示手作工藝、配飾、畫作同二手貨;而您仲可以欣賞現場舞蹈表演、文學展覽、文化活動、街頭節目同節日慶典等等,活動豐富。

    地點: 韓國首爾麻浦區弘大

    開放時間: 每日 09:00 到 00:00 (營業時間各商店唔同)

    • 購物
    • 品嚐美食
    • 晚間娛樂

    相片由 Ken Eckert 提供 (CC BY-SA 4.0) 經修改

    4

    明洞樂天百貨 (Lotte Department Store Myeongdong)

    明洞樂天百貨店 (Lotte Department Store Myeongdong) 賣嘅商品好多,由服裝、首飾、珠寶、美容產品、傢俱、電子產品到運動器材嘜都有,而且更設有免稅店同藝術畫廊,另外仲有美食廣場,供應各種地道同國際美食。

    事實上,您甚至可以要求將購咗嘅商品直接送到機場,又方便又可靠!呢間百貨公司亦同首爾樂天酒店直接相連,方便旅客喺明洞觀光一日遊。

    地點: 韓國首爾中區南大門路 81

    開放時間: 星期一到五 10:30 到 20:00;星期六到日 10:30 到 20:30

    電話: +82-2-772-3008

    • 購物
    • 品嚐美食

    相片由 MD111 提供 (CC BY-SA 2.0) 經修改

    5

    狎鷗亭 (Apgujeong)

    狎鷗亭 (Apgujeong) 係首爾嘅知名購物區,齊集多姿多彩嘅設計名店,又叫做「狎鷗亭路 (Apgujeongp-ro)」,街頭到處都係美容診所、百貨商店、豪華精品店同購物中心,

    仲吸引咗 Goyard、Valentino 同 Saint Laurent 等國際名牌進駐 Galleria 購物商場。狎鷗亭羅德奧街 (Rodeo Street) 就係整容手術同美容護理店嘅集中地,仲有數之不盡嘅高級咖啡廳同高級餐廳,想食嘜都得。

    地點: 韓國首爾江南區狎鷗亭洞

    開放時間: 每日 10:00 到 22:30

    電話: +82-2-3445-0111

    • 購物
    • 豪華住宿
    6

    Starfield COEX 商場

    Starfield COEX 商場雲集 300 多個品牌,由時裝、美容、到電子娛樂產品都應有盡有,而 Starfield 圖書館係場內必到景點,身處喺館中,13 米高嘅書架上擺放咗超過 50,000 本刊物,特別有「書卷味」;

    而細路仔仲可以喺 Bricklive 中心玩色彩繽紛嘅 LEGO 樂高積木,每個細路 (1 歲或以上) 入場費大約 KRW10,000,每個成人入場費就大約 KRW5,000。嚟到地庫果層,仲有 COEX 水族館等您遊覽,探下館內超過 650 種海洋生物。

    地點: 韓國首爾江南區永東大路 513

    開放時間: 每日 10:30 到 22:00 (營業時間各商店唔同)

    電話: +82-2-6002-5300

    • 家庭
    • 購物
    7

    梨泰院 (Itaewon)

    梨泰院 (Itaewon) 設有超過 100 間專營進口時裝品牌、皮具、手袋、鞋具、紀念品同古董嘅商店,衣服尺碼範圍好多,仲有出售當地裁縫度身訂造嘅服裝。

    梨泰院另一種獨特嘅地方,就係區內豐富嘅美食—首爾漢米爾頓酒店後面嘅街道兩邊都係國際餐廳、酒吧同夜店,雲集世界各地嘅美食,包括希臘、巴基斯坦、意大利、印度、泰國、中國、澳洲、法國同墨西哥料理等等,令梨泰院嘅「首爾特別旅遊區」美譽更加名副其實。

    地點: 韓國首爾梨泰院洞

    • 購物
    • 品嚐美食

    相片由 Jongsu Pyeon 提供 (CC BY 3.0) 經修改

    8

    Mecenatpolis 購物商場

    Mecenatpolis 購物商場喺合井站附近,採用露天設計,裡面公共空間佈置得充滿活力,有露台、玻璃橋、獨特水景同屋頂花園,所以成為熱門嘅影相勝地。

    行得餓點算?商場仲開咗唔少快餐連鎖店、咖啡廳、高級餐廳同普通食肆,提供露天餐飲選擇,供應地道同國際美食;而您亦可以喺戶外花園參加各種活動,包括藝術展覽、文化慶典同音樂表演,樂趣無限。

    地點: 韓國首爾麻浦區合井洞楊花路 45 號

    開放時間: 每日 10:00 到 00:00 (營業時間各商店唔同)

    電話: +82-2-2269-7178

    • 購物
    • 拍照
    • 品嚐美食

    相片由 travel oriented 提供 (CC BY-SA 2.0) 經修改

    9

    仁寺洞 (Insa-dong)

    仁寺洞 (Insa-dong) 係個充滿活力嘅地區,大街小巷開咗幾十間古董店、傳統茶館同書店;區內亦有大約 100 間藝術畫廊,吸引咗對韓國傳統美術有興趣嘅人慕名而嚟,當中熱門景點包括展示民間藝術嘅學古齋 (Hakgojae) 美術館,同埋陳列全國各地新晉藝術家作品嘅 Gana 藝術中心。

    不妨喺呢度選購地道原創嘅商品同手信—韓服 (民俗服飾)、韓紙 (傳統紙張)、藝術品、古董玩具、陶器同民間工藝品等都值得去睇!每逢週末,仁寺洞嘅主要街道都會劃做行人專用區;喺呢度嘅話,您仲可以參觀古典音樂會、藝術展覽,同埋品嚐韓國街頭美食。

    地點: 韓國首爾鐘路區仁寺洞街 62 號

    • 購物
    • 品嚐美食
    10

    高速巴士客運站地下街 (Goto Mall)

    高速巴士客運站地下街 (Goto Mall) 係個地下購物中心,連接高速巴士總站 (首爾地鐵 3 號線、7 號線、9 號線) 同盤浦站 (首爾地鐵 7 號線),主要客路係 20 到 40 歲嘅女性,商品由書籍、化妝品到首飾、珠寶同手袋都應有盡有,

    另外仲設有餐廳同咖啡廳,同埋播放最新電影嘅戲院,娛樂同餐飲體驗嘜都有。一場嚟到,您仲可以參觀附近嘅景點,例如新世界百貨 (Shinsegae Department Store)、盤浦漢江公園 (Banpo Hangang Park) 同盤浦橋彩虹噴泉 (Banpo Bridge Rainbow Fountain)。

    地點: 韓國首爾瑞草區新盤浦路地下 200

    開放時間: 每日 10:00 到 22:00

    電話: +82-2-535-8182

    • 購物
    • 品嚐美食
    11

    Galleria 百貨公司

    如果您想選購優質名牌產品,Galleria 百貨公司正係好去處—呢間百貨公司係首爾數一數二嘅高級購物街狎鷗亭 (Apgujeong) 羅德奧街 (Rodeo Street) 上,

    賣喺商品應有盡有,由鞋具、手袋、首飾,到運動服裝同大牌設計師服飾都有,要嘜有嘜,商品價錢偏高,但就深受首爾嘅富豪名人鍾意,您講唔定仲可能喺裡面睇到「星蹤」!

    地點: 韓國首爾江南區狎鷗亭路 343

    開放時間: 每日 10:30 到 20:00

    電話: +82-2-3449-4114

    • 購物
    • 豪華住宿

    相片由 yusunkwon 提供 (CC BY-SA 2.0) 經修改

    12

    廣藏市場 (Gwangjang Market)

    廣藏市場 (Gwangjang Market) 以室內市集形式經營,裡面有超過 5,000 間商店,係購買綢緞、真絲、紡織品、亞麻床單、手工藝品同傳統服裝嘅好地方,銷售嘅產品雖然唔屬於嘜嘢名牌,但勝在價格平,而且質量上乘。

    市場一樓劃為食檔和餐廳專區,讓你在購物之餘,也能享用正宗韓式料理;而二樓則有幾家裁縫店,專售手工製作的韓服 (韓國民俗服裝),售價合理。

    地點: 韓國首爾鐘路區昌慶宮路 88

    開放時間: 每日 08:30 至 23:00 (營業時間因應商店而異)

    • 購物
    • 拍照
    • 品嚐美食

    相片由 ChongDae 提供 (CC BY-SA 3.0) 經修改

    13

    南大門市場 (Namdaemun Market)

    南大門市場 (Namdaemun Market) 係韓國最繁華嘅市集之一,滿載傳統風尚,以首爾南大門命名,而南大門正係古代人出入城區嘅主要門戶。身處市場內,你可用實惠價格買到優質皮具、服裝、工藝品、進口商品、餐具、電子產品以及傳統東方藥品;

    而當地人日間更加會嚟呢度購買雜貨以及家居用品,更添「貼地」特色!每逢 23:00 至 04:00,南大門就會化身為充滿活力嘅夜市,相當好行。

    地點: 韓國首爾中區南大門市場 4 街 21 號

    開放時間: 每日 10:00 至 04:00

    • 購物
    • 經濟實惠

    相片由 Adrián Pérez 提供 (CC BY-SA 2.0) 經修改

    14

    首爾傳統跳蚤市場

    首爾傳統跳蚤市場係古董收藏家必遊勝地,單係黃鶴橋 (Hwanghakgyo) 以及新設洞站 (Sinseol-dong Station) 一帶就設有 900 多個檔位,貨色應有盡有,由裝飾石塊、玩具、手動打字機以至正宗古董陶瓷 (如果你有幸搵到) 都一應俱全!對二手物品以及平價貨物感興趣嘅話,就絕對唔可以錯過首爾傳統跳蚤市場!

    地點: 韓國首爾東大門區千戶大路 4 街 21 號

    開放時間: 每日 10:00 至 19:00 (每月第二個及第四個星期二休息)

    電話: +82-2-2232-3367

    • 購物
    • 經濟實惠

    相片由 Republic of Korea 提供 (CC BY-SA 2.0) 經修改

    15

    通仁商店 (Tong-In Store)

    通仁商店 (Tong-In Store) 係專售傳統工藝品、服裝以及書籍嘅商場,位於仁寺洞街,內有韓國數一數二嘅出色工藝品以及古董店;另一方面,你仲可以喺呢度買到正宗韓國服飾,而且價格通常平過市內大多數精品店。場內另有發售古董工藝品、民間畫作以及珍罕書籍,可惜只能夠透過拍賣形式競投。

    地點: 韓國首爾鐘路區仁寺洞街 32 號

    開放時間: 每日 10:00 至 19:00

    • 購物
    16

    龍山電子市場 (Yongsan Electronics Market)

    龍山電子市場 (Yongsan Electronics Market) 係個批發商場,內設約 3,000 間電子產品店,專售各種各樣嘅小工具,包括辦公室設備、數碼相機、電腦、電子遊戲以及 DVD 不等,而你更可以喺個別店舖測試「講價技巧」,以最優惠價格購買心水產品!場內商品價格比首爾大多數零售店平 15% 至 30%。

    地點: 韓國首爾龍山區漢江路 2(i) 街 15-2

    開放時間: 星期一至五 10:00 至 19:30;星期六至日 10 :00 至 20:00 (營業時間因應商店而異)

    電話: +82-2-707-4700

    • 購物
    17

    D-Cube City 商場

    D-Cube City 商場屬於同名多元綜合大樓嘅一部分,同新道林站相連,可以直達首爾地鐵 (1 號線以及 2 號線),通往首爾衛星城市安山 (Ansan)、水原 (Suwon)、仁川 (Incheon) 以及富川 (Bucheon)。

    D-Cube City 嘅「韓國市場街」係仿照韓屋 (傳統韓國民房) 設計嘅美食廣場,內設數十個攤檔,以實惠價格供應韓國料理。除咗購物之外,你仲可以喺 D-Cube 劇院以及 Space Sindorim 劇院欣賞戲劇、音樂劇以及展覽;而小朋友就可以喺 Pororo 主題樂園暢玩有趣遊樂設施以及遊戲。

    地點: 韓國首爾九老區新道林洞京仁路 662 號

    開放時間: 星期一至五 11:00 至 21:30;星期六至日 11:00 至 22:00

    • 家庭
    • 購物
    • 品嚐美食
    Penny Wong | 旅遊常客

    開始計劃行程

    Maps