首爾 18 大出色餐廳

首爾美食熱點

    無論係創意美食定係正宗風味,首爾嘅餐廳都贏得咗遊客同食評家嘅一致好評!貴為韓國首都,首爾到處都係美食,由新鮮海產、素食、美味牛扒、暖心飯麵,到歐洲同西方高級料理都有。

    試過人參雞湯泡菜同韓式燒肉等正宗韓國料理,您嘅首爾之旅先至算圓滿。先唔理您嘅旅遊預算同餐飲喜好係點,都不妨睇下我哋嘅首爾最熱門餐廳精選,搵個地方大飽口福啦!

    1

    首爾新羅大酒店羅宴 (La Yeon) 餐廳

    首爾新羅大酒店嘅羅宴 (La Yeon) 餐廳以高級餐飲形式供應韓國傳統美食,主廚金成一屢獲殊榮,擅長用最優質嘅當地時令食材,炮製出各種各樣嘅高級韓式料理。

    餐廳位於 23 樓,可以俯瞰首爾繁華市中心,而且內部裝潢高檔精緻,配襯白色傢俱以及木製擺設,相當賞心悅目。羅宴餐廳備有 4 款套餐菜單,按季節供應,每款都包含主菜、甜品以及韓國茶;而食客亦可以選配葡萄酒。

    地點: 韓國首爾中區獎忠洞東湖路 249 號首爾新羅大酒店

    開放時間: 每日 12:00 至 14:30 及 18:00 至 22:00

    電話: +82-2-2230-3367

    • 品嚐美食
    • 豪華住宿
    2

    定食 (Jungsik)

    定食 (Jungsik) 餐廳位於江南區,對韓國料理有獨特嘅演繹,服務無微不至,私人空間十足,所以絕對係浪漫晚餐嘅熱門場所。店內試菜餐牌嘅價格由 KRW150,000 起,

    你可以食到海膽韓式拌飯 (bibimbap;即傳統肉類以及蔬菜拌飯)、燒五花肉 (samgyeopsal;即香脆五花肉配各式泡菜以及小蘑菇) 以及濟州脆皮鯛魚,各種美食等你嚟試!至於甜品方面,定食餐廳嘅招牌朱古力慕斯絕對不容錯過。呢款甜品放喺傳統嘅小泡菜罐中奉客,配上蛋糕屑以及可食用花卉,既好味又好睇。

    地點: 韓國首爾江南區宣陵路 158 街 11 號

    開放時間: 每日 12:00 至 15:00 及 17:30 至 22:00

    電話: +82-2-517-4654

    地圖
    • 品嚐美食

    相片由 Stephanie 提供 (CC BY 2.0) 經修改

    3

    Pierre Gagnaire a Seoul 餐廳

    Pierre Gagnaire a Seoul 餐廳位於首爾樂天酒店 35 樓,係間頂級法國餐館,坐擁北漢山以及首爾市中心嘅壯麗景色,有 4 間私隱十足、風格時尚嘅用餐室,而餐區裝潢就參考凡爾賽宮嘅秘密花園嚟設計,瑰麗堂皇。

    食物方面,Pierre Gagnaire a Seoul 供應別富藝術感嘅法國菜,其中又以醃鱸魚配芹菜以及豆芽、豬腰肉配奶油梨、蜂蜜香醋雪葩絕對不容錯過。餐廳另備有嚟自勃艮第 (Bourgogne)、盧瓦爾 (Loire) 以及阿爾薩斯 (Alsace) 地區嘅 250 多種法國葡萄酒,任你品嚐。

    地點: 韓國首爾中區小公洞 1 號首爾樂天酒店 35 樓

    開放時間: 每日 12:00 至 15:00 及 18:00 至 22:00

    電話: +82-2-317-7181

    地圖
    • 品嚐美食
    • 豪華住宿
    4

    Ryunique 餐廳

    Ryunique 餐廳主打融合了法國、日本、西班牙以及意大利風格嘅韓式美食,選擇多樣,令人口水直流!呢間屢獲殊榮嘅餐廳以淺色木桌配襯鮮花裝潢,自然光線充足,處處散發住樸實不華嘅高級餐飲風格。

    店內嘅五道菜午餐以及晚餐菜單價格喺 KRW38,000 到 KRW120,000 之間,菜式採用現代化方式烹製,擺盤別具先鋒派藝術感,精選菜式包括大豆醬醃蝦 (配綠芥末葉乾與炸甘露子) 以及烤豬腩肉配真空低溫煮大蝦。

    地點: 韓國首爾江南區新沙洞 520-1

    開放時間: 星期二至日 12:00 至 23:00 (逢星期一休息)

    電話: +82-2-546-9279

    地圖
    • 品嚐美食
    5

    豆豆 (Congdu) 餐廳

    豆豆 (Congdu) 餐廳喺傳統韓式料理中加入現代化口味,引人入勝!呢間餐廳位於德壽宮 (Deoksugung Palace) 後方嘅首爾歷史博物館內,由於無告示牌嘅關係,所以都幾難搵到。不妨留意美國以及英國大使館之間嘅傳統韓式建築,正係博物館嘅所在之處。

    豆豆餐廳嘅美食風味精妙,擺盤無可挑剔,值得一試嘅菜式包括慢烤 48 小時嘅濟州黑豬肉、大麥韓式拌飯 (bibimbap) 配棕豆醬,以及豬腩肉配醃蠔以及羽衣甘藍捲。甜品方面,豆豆餐廳嘅豆腐忌廉提拉米蘇配濃縮咖啡以及松子醬可謂不容錯過!

    地點: 韓國首爾中區小公洞德壽宮街 116-1

    開放時間: 每日 11:30 至 15:00 及 17:30 至 22:00

    電話: +82-2-722-7002

    地圖
    • 品嚐美食
    6

    土俗村 (Tosokchon)

    土俗村 (Tosokchon) 嘅招牌菜人參雞湯 (samgyetang) 屬韓國數一數二,同時亦正係韓國人夏季最常食嘅菜式之一。由景福宮站行 10 分鐘就會搵到呢間餐廳,而佢亦都係韓國已故總統盧武鉉最喜愛嘅食店,難怪會成為首爾地標。

    土俗村嘅人參雞湯全部都係用慢火熬製幾個鐘而煮成,帶有甜味以及堅果香氣;湯內有一隻雞齡不超過 49 日嘅春雞,裡面塞滿栗子、大蒜、乾棗、人參、糯米以及銀杏果仁,味道相當有層次。土俗村仲提供烤雞 (tongdak)海鮮蔥餅 (hae-mool pajeon) 以及紅燒香辣安康魚 (agu-jjim) 等菜式。

    地點: 韓國首爾鐘路區紫霞門路 5 街 5 號

    開放時間: 每日 10:00 至 22:00

    電話: +82-2-737-7444

    地圖
    • 品嚐美食

    相片由 Wei-Te Wong 提供 (CC BY-SA 2.0) 經修改

    7

    한추 (Han Chu) 韓式炸雞

    炸雞係首爾嘅傳統「收工小食」,而位於江南區嘅한추 (Han Chu) 韓式炸雞餐廳正係品嚐呢款酥脆美食嘅最佳去處!呢間平實嘅餐廳位於狎鷗亭站附近嘅街路樹街高檔時裝專區,

    店內嘅招牌炸雞 (價格從 KRW17,000 起) 肉汁豐富,外層嘅薄身炸粉令每一啖都同樣鬆脆美味,配埋冰凍啤酒就更加滋味!其他大熱菜式包括炸釀豬肉青椒及惹味蜆肉麵。

    地點: 韓國首爾江南區新沙洞 549-9

    開放時間: 每日 17:00 至 03:00

    電話: +82-2-3446-5778

    地圖
    • 品嚐美食

    相片由 Jumi Kang 提供 (CC0 1.0) 經修改

    8

    N 首爾塔 N Grill 餐廳

    N Grill 餐廳位於地標 N 首爾塔入面,係一間旋轉餐廳,食客可喺店內一邊品嚐全套晚餐,一邊欣賞首爾都市璀璨景色。餐廳位於頂層,氣氛獨特,私隱十足,有唔少夫妻情侶都會嚟享用浪漫晚餐,尤以大時大節更特別受歡迎。

    N Grill 主打種類繁多嘅葡萄酒及優質法國菜,招牌菜式包括炸醃羊扒配熟芝麻菜及小茴香原汁、鱸魚配櫛瓜及茴香沙律,以及烤原隻龍蝦配新鮮意粉及蔬菜沙律。

    地點: 韓國首爾龍山區龍山 2(i) 街洞南山公園街 105 號

    開放時間: 每日 11:00 至 14:00 及 17:00 至 23:00

    電話: +82-2-3455-9297

    • 品嚐美食
    9

    楓樹屋

    楓樹屋係韓式燒烤餐館,喺首爾設有多間分店,而梨泰院 (Itaewon) 門市就以肉汁豐富嘅烤肉馳名,大受歡迎。餐廳採用酒吧風格設計,配上和暖燈光、木製傢俱、質樸裝飾以及落地玻璃窗,

    菜式包括正宗韓式料理,例如朝鮮冷面 (naengmyeon) 以及泡菜燉鍋 (kimchi jjigae)、烤牛肉、豬肉以及海鮮,而招牌菜天夾 (cheongyeop) 更加係必食推介。將豬肉用炭火燒烤,然後再以發酵芝麻葉包裹,洋溢住地道風味!

    地點: 韓國首爾龍山區梨泰院路 27 街 116-1 咸美頓酒店 2 樓

    開放時間: 星期日至四 11:30 至 22:30;星期五至六 11:30 至 00:00 (逢星期一休息)

    電話: +82-2-790-7977

    地圖
    • 品嚐美食
    10

    娜麗食堂 (Na Ri Sik Dang)

    娜麗食堂 (Na Ri Sik Dang) 位於梨泰院 (Itaewon),以廉價而正宗嘅韓國燒烤菜式大受當地人歡迎!呢間小區食肆距離漢江鎮 (Hangangjin) 火車站 2 分鐘步程,位置相當隱蔽,因此食客大多係梨泰院附近嘅居民。

    與首爾大多數燒烤餐廳相比,娜麗食堂價錢相當實惠,招牌燒烤豬腩肉價格約為 KRW11,000;大醬燉肉就索價僅 KRW7,000。

    地點: 韓國首爾梨泰院路 49 街 8 號

    開放時間: 每日 11:30 至 22:00

    電話: +82-2-793 4860

    地圖
    • 品嚐美食
    • 經濟實惠
    11

    가온 (Gaon) 餐廳

    가온 (Gaon) 係首爾最高級嘅餐廳之一,樓高 3 層,經過精心設計,每層樓都有唔同嘅圖案以及設計風格,一面牆身用彩色光棒拼成,另一面用舊報紙鋪製,第三面就以裝滿豆子嘅透明膠盒拼砌,別樹一格。

    菜式方面,店內餐牌羅列韓國最優質嘅經典佳餚,招牌菜係朝野蘿蔔泡菜配蠔,以及海鮮煎餅 (hae-mool pajun;即加入滿滿嘅扇貝、魷魚以及章魚嘅厚煎餅)。餐廳另有提供各款葡萄酒以及傳統韓式飲品。

    地點: 韓國首爾江南區新沙洞島山大路 317 號

    開放時間: 星期一至六 17:30 至 23:00 (逢星期日休息)

    電話: +82-2-545-9845

    地圖
    • 品嚐美食
    12

    廣藏市場 (Gwangjang Market)

    廣藏市場 (Gwangjang Market) 係韓國首批常設街頭市場之一,鄰近鐘路街 (Jogno-ga) 站 8 號出口,以場內多不勝數嘅傳統韓式美食而聞名。

    除了購物之外,你仲可到一樓嘅數十個小食檔以及餐廳,享用正宗韓式料理;而二樓設有多間裁縫店,令你可以用合理嘅價格購買民族服裝。

    地點: 韓國首爾鐘路區昌慶宮路 88

    開放時間: 每日 08:30 至 23:00 (營業時間因應商店而異)

    • 購物
    • 拍照
    • 品嚐美食

    相片由 ChongDae 提供 (CC BY-SA 3.0) 經修改

    13

    弘益碳烤排骨 (Hongik Sootbul Kalbi) 餐廳

    弘益碳烤排骨 (Hongik Sootbul Kalbi) 係鄰近弘益大學嘅韓國燒烤餐廳,食品價格經濟實惠,以優質牛肋骨 (galbi) 為招牌菜。餐廳用炭火而非電爐來燒烤,風味十足,

    店員通常都會為你完成大部分烹調工序,但其實烤肉方法很簡單,只須將肉片放在灼熱炭爐上,煮熟後用生菜包裹,配以自選配菜品嚐,一口咬落去,即刻美味無窮!離開餐廳嘅時候,你一定會成身烤肉味,足以證明啲烤肉有幾香!

    地點: 韓國首爾麻浦區西橋洞諧以及廣場路 146-1

    開放時間: 每日 15:30 至 04:00

    電話: +82 2-334-3354

    地圖
    • 品嚐美食
    • 經濟實惠
    14

    南大門刀切麵巷 (Namdaemun Kalguksu Noodle Alley)

    南大門市場 (Namdaemun Market) 嘅刀切麵巷 (Kalguksu Noodle Alley) 有好多食檔出售韓式刀切湯麵 (kalguksu)燉太刀魚 (galchi-jorim) 以及蔥餅 (pajeon)。呢條狹窄嘅小巷成立於 1988 年,係首爾最繁忙嘅美食街之一,上午以及下午都會擠滿肚餓嘅旅客,建議你早啲前往。

    地點: 韓國首爾中區南倉洞 60-3

    開放時間: 星期一 23:00 至 00:00;星期二至星期六 23:00 至 17:00;星期日 00:00 至 17:00

    地圖
    • 品嚐美食
    • 經濟實惠
    15

    明洞咸興麵屋 (Myeongdong Hamheung Myeonok)

    明洞咸興麵屋 (Myeongdong Hamheung Myeonok) 餐廳係喺首爾享用便餐嘅好地方,歷史可以追溯到 1980 年代,位於明洞大教堂附近,以北韓風格朝鮮冷面 (naengmyeon;即冷蕎麥麵) 為招牌菜;你亦可以喺辛辣嘅麵上加入薄切生肉片,一同享用。

    地點: 韓國首爾中區明洞 10 街 35-19

    開放時間: 每日 09:30 至 21:30

    電話: +82-2-776-8430

    地圖
    • 品嚐美食

    相片由 Jens Ohlig 提供 (CC BY-SA 2.0) 經修改

    16

    山村 (Sanchon) 餐廳

    想享用佛廟風格嘅素菜?山村 (Sanchon) 餐廳正係你嘅不二之選!呢間簡樸嘅餐廳由前佛教僧侶創建,飾有佛教藝術品、傳統陶器以及紙燈籠,裝修得唔似食肆,反而比較似係佛舍。

    店內設有單點菜單,而 16 道菜午餐以及晚餐菜單亦都非常受歡迎,菜式會隨季節而變化。每晚 20:00,餐廳仲會有韓國舞蹈表演助興,等你邊食邊睇,帶嚟雙重享受。

    地點: 韓國首爾鐘路區寬勳洞仁寺洞街 30-13

    開放時間: 每日 11:30 至 22:00

    電話: +82-2-735-0312

    地圖
    • 品嚐美食
    17

    Smokey Saloon 餐廳

    Smokey Saloon 餐廳係梨泰院站 (Itaewon Station) 2 號出口附近嘅美式漢堡店,非常受旅客歡迎,為喺首爾旅途中掛念多汁漢堡包嘅食客「止止癮」!餐廳喺首爾嘅狎鷗亭 (Apgujeong)、大峙 (Daechi) 以及二村 (Ichon) 地區設有多間分店,菜式種類繁多,基本上都採用以鹽以及胡椒調味嘅厚牛肉餅製作,

    招牌漢堡「Smoky Burger」喺兩塊漢堡包之間放有 2 塊煙肉、燒烤醬、醃菜以及車打芝士;另一款必試之選就係「Ambulance Burger」,包裡夾有煎蛋、薯餅、3 塊煙肉、美式芝士以及蛋黃醬,滋味無窮。

    地點: 韓國首爾龍山區梨泰院洞 123-5

    開放時間: 星期日至四 11:30 至 22:00;星期五至六 11:30 至 02:00 (逢星期一休息)

    電話: +82-2-795-9019

    地圖
    • 品嚐美食
    18

    서울서두지제로잘하집 (Seoulsuh Duljjaero Jalhaneun Jip) 餐廳

    서울서두지제로잘하집 (Seoulsuh Duljjaero Jalhaneun Jip) 餐廳自 1976 年以嚟一直供應韓國茶以及甜點,以傳統茶室形式經營,係你喺首爾享用甜紅豆粥 (danpatjook) 嘅最好去處。甜紅豆粥內加入甜年糕、栗子以及銀杏果仁,非常美味!食完甜品之後,不妨喝返一杯清爽嘅水正果茶 (sujeong-gwa;即薑肉桂茶),而呢款茶品亦係서울서두지제로잘하집餐廳嘅另一道招牌名物。

    地點: 韓國首爾鐘路區三清路 122-1

    開放時間: 星期二至日 11:00 至 21:00

    電話: +82-2-734-5302

    地圖
    • 家庭
    • 品嚐美食
    Penny Wong | 旅遊常客

    開始計劃行程

    Maps