韓國首都首爾嘅最好夜生活體驗由屢獲殊榮嘅熱舞夜店、睇晒城市全景嘅獨特咖啡廳,同埋營業到第二日朝早嘅夜市同您呈獻!作為舞曲愛好者最推崇嘅度假勝地,首爾擁有數以百計嘅夜店同酒吧,大部分喺江南同弘大地區;

    市內另外仲有充滿活力嘅購物區,又可以用嚟做文化空間,一年四季都會舉辦時裝展、舞蹈表演同現場音樂會,非常有樂趣。不妨看看我們的首爾夜間好去處和最佳活動攻略,到韓國最精彩的夜生活景點體驗一番!

    1

    N 首爾塔

    N 首爾塔係屹立喺首爾市中心南山上嘅現代化建築,樓高 237 米嘅塔頂上設有觀景台,比你飽覽首爾嘅遼闊全景。塔外全年都有舉辦傳統表演以及展覽,精彩紛呈;而塔內附設數碼觀景台,且紀念品店、餐廳以及咖啡廳林立;

    屋頂露台就係情侶必遊聖地,遊人鐘意掛上鎖頭以及示愛字條,象徵愛情甜蜜永恆。N 首爾塔入場費為成人約 KRW9,000,兒童以及長者約 KRW7,000。

    地點: 韓國首爾龍山區龍山 2(i) 街洞南山公園街 105 號

    開放時間: 星期一至五以及星期日 10:00 至 23:00;星期六 10:00 至 00:00

    電話: +82-2-3455-9277

    地圖
    • 晚間娛樂

    相片由 dconvertini 提供 (CC BY-SA 2.0) 經修改

    東大門夜市 (Dongdaemun Night Market) 佔地極廣,內有購物商場以及專賣店,放眼盡係數之不盡嘅服裝、珠寶、鞋具、手袋、化妝品以及護膚品,另設戶外舞台,不時舉辦舞蹈表演、音樂會以及時裝表演;

    場內仲有個露天市場,以折扣價售賣當地以及國際品牌商品。另一方面,東大門夜市亦都係美食天堂,街邊小攤檔多不勝數,全都以實惠價格出售韓國街頭小食以及飲料,比你大快朵頤。

    閱讀更多資訊

    地點: 韓國首爾中區乙支路 6 街

    開放時間: 星期一至四 06:45 至 03:15;星期五 06:45 至 00:00;星期六 24 小時營業 (逢星期日休息)

    電話: +82-32-1344-4888

    地圖
    • 購物
    • 品嚐美食
    • 晚間娛樂
    3

    漢江嘅賞景咖啡廳

    首爾南部嘅 6 座橋上都設有獨一無二嘅吊臂形咖啡廳,為旅客送上城市璀璨夜景。呢啲橫跨漢江 (Hangang River) 嘅大橋包括廣津橋 (Gwangjingyo)、銅雀大橋 (Dongjak)、漢江鐵橋 (Hangang)、楊花大橋 (Yanghwa)、蠶室大橋 (Jamsil) 以及麻浦大橋 (Mapo)。

    河濱一帶係日間熱門遊樂勝地,而漢江上嘅賞景咖啡廳正好為喺首爾觀光咗成日嘅遊人而設,提供舒適嘅休憩站,比大家放鬆身心。

    開放時間: 每日 10:00 至 02:00 (營業時間因店鋪而異)

    地圖
    • 晚間娛樂
    4

    The Library 酒廊

    首爾新羅酒店嘅 The Library 酒廊採用當代時尚設計,全日營業無間,供應種類繁多嘅飲品,當中包括約 250 款葡萄酒以及 70 款麥芽威士忌,每逢週末更有現場爵士樂表演,環境寫意。店如其名,The Library 酒廊存放咗大量有關藝術、文化以及歷史嘅書籍,顧客安坐梳化上,即可度過寧靜休閒嘅一日。

    地點: 韓國首爾中區獎忠洞東湖路 249 號首爾新羅大酒店 1 樓

    開放時間: 每日 08:00 至 05:00

    電話: +82-2-2230-3388

    地圖
    • 晚間娛樂

    相片由 Maris Teteris 提供 (CC BY 3.0) 經修改

    5

    Club Octagon 夜店

    Club Octagon 係江南 (Gangnam) 嘅頂尖夜店,每每吸引當地名人、精英以及「潮人」前嚟夜蒲,徹夜狂歡!呢間夜店設於新山頂酒店地庫,配備極佳嘅音響系統,另設有貴賓室、寬敞舞池、私人房間以至泳池,更時時邀得世界各地以及韓國本土 DJ 打碟,陣容強勁,主打電子舞曲以及科技音樂。Club Octagon 入場費喺 KRW10,000 到 KRW30,000 之間。

    地點: 韓國首爾江南區論峴洞新山頂酒店 B1/B2 樓

    開放時間: 星期四至日 10:00 至 05:00 (星期一至三休息)

    電話: +82-10-9014-4487

    地圖
    • 晚間娛樂
    6

    B One 酒廊俱樂部

    B One 酒廊俱樂部係梨泰院 (Itaewon) 最熱鬧嘅夜店之一,每逢週末都吸引眾多衣著入時嘅「夜蒲客」以及遊人排隊入場。呢間位處地庫嘅夜店毗鄰哈密爾頓酒店,無論裝飾、磚牆以至鐵門皆極具中世紀風格;

    店內由國際知名 DJ 打碟,展現多元風格嘅音樂,從 hip hop 到電子舞曲等,都應有盡有。B One 入場費由 KRW10,000 起 (視乎活動而定),經常全場爆滿。為免喺場外苦候長達 1 小時,記得提早入場!

    地點: 韓國首爾龍山區梨泰院洞 123-15

    開放時間: 星期一 21:00 至 07:00;星期三及星期日 21:00 至 04:00;星期四 21:00 至 04:30;星期五至六 22:00 至 07:00 (逢星期二休息)

    電話: +82-2-749-6164

    地圖
    • 晚間娛樂
    7

    Paradise Walker Hill 賭場

    想喺逗留韓國期間試試賭運?Paradise Walker Hill 賭場定能吸引你!呢間賭場位於首爾華克山莊大酒店內,客人可以一邊享用酒精飲品,一邊欣賞漢江 (Hangang River) 嘅秀麗景色。

    此店設計靈感嚟自拉斯維加斯嘅奢華賭場,內有提供百家樂、21 點、輪盤、大細等博彩遊戲,另亦都有賭桌遊戲以及博彩機,任你選玩。作為一間只服務外國人嘅賭場,店內員工精通多種語言,滿足客人需求;而由於當地人嚴禁賭博,所以只有持外國護照嘅旅客先至可內進。

    地點: 韓國首爾廣津區廣藏洞華克山莊路 177 號

    開放時間: 24/7

    電話: +82-2-2204-3430

    地圖
    • 晚間娛樂
    8

    明洞亂打秀劇場 (Myeongdong Nanta Theatre)

    明洞亂打秀劇場 (Myeongdong Nanta Theatre) 演出以廚房為背景,上演無台詞喜劇,結合韓國傳統音樂元素,如歌樂 (garak;即節奏) 以及四物놀이 (samullori;即傳統韓國打擊樂四重奏) 等。

    5 個主要角色 (廚房職員) 一邊準備豪華婚宴,一邊喺深鍋以及平底鍋等廚房工具上敲打出錯綜複雜嘅節奏,趣味盎然!貴賓席門票價格約為 KRW60,000,普通席門票就為 KRW50,000。

    地點: 韓國首爾中區明洞街 26 號

    開放時間: 星期一至五 17:00 以及 20:00;星期六 11:00、14:00、17:00 以及 20:00;星期日 14:00、17:00 以及 20:00

    電話: +82-2-739-8288

    地圖
    • 晚間娛樂
    9

    Once in a Blue Moon 俱樂部

    Once in a Blue Moon 俱樂部係間地道嘅藍調爵士俱樂部,頗有芝加哥或新奧爾良酒吧嘅情調,呢度以其豐富多樣嘅飲品選擇而聞名,提供超過 100 款紅酒、21 款蘇格蘭威士忌 (當中包括已有 30 年歷史嘅百齡罈蘇格蘭威士忌) 以及約 20 個威士忌品牌嘅酒品。

    自 1998 年嚟,Once in a Blue Moon 俱樂部每晚均有韓國頂尖爵士樂手表演,曾喺此登台嘅國際知名表演者包括恰克·曼吉歐尼 (Chuck Mangione)、溫頓·馬沙利斯 (Wynton Marsalis) 以及羅比‧拉吉陶 (Roby Lakatos)。Once in a Blue Moon 俱樂部入場費用全免。

    地點: 韓國首爾江南區清潭洞 85-1

    開放時間: 星期一至二 18:00 至 01:00;星期三至六 18:00 至 02:00;星期日 18:00 至 00:00 (音樂會於 19:00 開始)

    電話: +82-2-549-5490

    地圖
    • 伴侶
    • 晚間娛樂
    Penny Wong | 旅遊常客

    開始計劃行程

    Maps