濟州 4 大最正購物好去處

濟州購物攻略

    濟州嘅最正購物熱點就係你選購韓國商品同手信嘅不二去處!市內嘅市集出名係價錢實惠嘅優質產品,當中嘅地道手工藝品絕對係送禮畀親友嘅好選擇;而地下購物廊開咗幾百間舖頭,無論你想買啲嘜,都可以喺呢度搵得到。

    由於遊客人數每年都增加,濟州繼續發展當地零售選擇,國際品牌、免稅店同購物中心等等開始進駐嚟各個熱門地區。如果你認為「購物」絕對係旅遊果時唔能夠無嘅活動,咁樣濟州就可能係最適合你嘅理想度假勝地!

    1

    濟州中央地下購物中心 (Jeju Jungang Underground Shopping Center)

    濟州中央地下購物中心 (Jeju Jungang Underground Shopping Center) 擁有超過 250 間商舖,專賣時裝、首飾同時尚珠寶,貨色琳瑯滿目!呢座地下購物商場位於濟州市中心,可以俾你遠離城市繁忙交通,喺天氣欠佳嘅日子繼續盡情 Shopping,

    難怪成為島上最熱鬧嘅購物場所之一,成日都吸引唔少人嚟「血拚」,搜羅韓國其他地方搵唔到嘅濟州名物。濟州中央地下購物中心嘅店舖多達幾百間,商品數量數之不盡,行足一日都未必行得完!

    地點: 韓國濟州島濟州市中央路 60 號

    開放時間: 每日 10:00 至 22:00

    電話: +82-64-752-8776

    地圖
    • 購物
    2

    五日場 (O-il Jang)

    濟州嘅五日場 (O-il Jang) 每 5 日喺島上幾個地方舉辦一次,當中包括濟州市 (Jeju)、西歸浦 (Seogwipo) 同翰林邑 (Hallim);場入面嘅當地商販會出售特別鑲嵌產品,例如手工藝品、雕塑、服裝以及家居用品。

    一場嚟到,記得要試吓濟州出產嘅農產品,特別係舉世知名嘅濟州蜂蜜、海鮮以及橘子 (當造嘅話)。呢度嘅商品價格比島上大多數地方都平,最大嘅優點在於顧客仲可以嘗試「講價」添!

    地圖
    • 購物

    相片由 Jjw 提供 (CC BY-SA 4.0) 經修改

    3

    中正路 (Jungjeong-lo)

    中正路 (Jungjeong-lo) 林立迷人商舖,另外設有一向以街頭食品同地道產物而聞名嘅當地市場。如果你比較鍾意喺商場裡面 Shopping,就可以去東面百貨公司 (Dongmyeon Departmental Store),搜羅國際名牌時裝、首飾同珠寶。

    西歸浦偶來每日市集 (Seogwipo Maeil Olle Market) 係每日都會舉辦嘅露天市集,有當地商販喺街頭展示各種各樣嘅商品,而你更加可以喺場內搵到設計精美嘅刺繡女裝服飾!難得嚟到,梗係唔好錯過琳瑯滿目嘅小食檔啦—舉凡泡菜煎餅、紫菜包飯 (gimbap)辣炒年糕 (tteokbokki) 等美食,統統都值得一試。

    地點: 韓國濟州島西歸浦西歸洞中正路 73 街 22 號

    地圖
    • 購物

    相片由 Florian Bausch 提供 (CC BY-SA 2.0) 經修改

    4

    塔洞街 (Tap-dong Street)

    濟州市中心嘅塔洞街 (Tap-dong Street) 正正係你享受夜間購物同休閒活動嘅好去處,街頭朝氣勃勃,到處都係唔錯嘅商舖,專售當地手工藝品、時裝同化妝品,而且仲會舉辦各式活動,令購物體驗更添趣味!當地人都鍾意嚟塔洞街嘅幾家餐廳食宵夜,之後轉到酒吧飲返兩杯,再喺木板路上面漫步。

    地點: 韓國濟州島三徒二洞 12-16

    地圖
    • 購物
    Penny Wong | 旅遊常客

    開始計劃行程

    Maps