慶州 14 大最好玩嘅活動

慶州最出名嘅係啲嘜嘢?

    如果講到韓國慶州最正嘅活動,當然係要遊覽歷史考古遺址,欣賞呢座城市以前嘅風光!慶州又叫做「無牆博物館」,曾經係舊時新羅王國嘅首都—7 到 9 世紀果時,韓國正係由新羅王國統治。如果你對歷史有興趣,就絕對唔可以錯過睇下遺蹟嘅機會;鍾意自然風光嘅話,慶州亦係你必遊之地!

    仲要請你一定要提早規劃行程,記低你想遊覽嘅所有名勝。因為呢度景點多到數唔晒,如果你只係短途旅行,可能無辦法睇晒各大歷史遺跡…為咗令你嘅行程更加輕鬆簡單,我哋專誠編制咗「慶州著名景點」名單。

    1

    月池 (Wolji Pond)

    月池 (Wolji Pond) 係東宮 (Donggung Palace) 嘅一部分,而東宮就係新羅時代嘅建築群,建於公元 674 年文武王統治期間。呢個人工池塘周圍環繞住造景花園,同埋當年用於宴會同皇室活動嘅重建亭閣。

    你可以參觀展覽大廳,細賞由月池周邊區域出土嘅 700 幾件矚目文物,當中包括陶器同青銅佛像,仲有源自新羅時期嘅珠寶同配飾添!參觀東宮同月池嘅門票票價如下:成人大約係 KRW2,000,青少年 (13-18 歲) KRW1,200,兒童 (7-12 歲) KRW600。

    地點: 韓國慶州慶尚北道慶州市源花路 102 號

    開放時間: 每日 09:00 至 22:00

    • 歷史文化`
    2

    佛國寺 (Bulguksa Temple)

    佛國寺 (Bulguksa Temple) 位於慶州東南大約 15 公里嘅吐含山山坡上面,獲列入聯合國教科文組織世界文化遺產,亦都有「佛土之廟」嘅稱號,歷史可以追溯到新羅王國時期嘅 528 年。

    環顧佛國寺,源遠流長嘅寶塔同地基係唯一留存嘅原有建築,而寺廟其餘部分都係重建而成;講係咁講,你都仲可以喺呢度睇勻哂多不勝數嘅歷史遺跡,當中包括石窟庵 (Seokguram Grotto)、金銅毘盧遮那佛坐像同多寶塔 (Dabotap Pagoda)。

    地點: 韓國慶州慶尚北道慶州市佛國路 385 號

    開放時間: 2 月:每日 07:30 至 17:303 至 9 月:每日 07:00 至 18:0010 月:每日 07:00 至 17:3011 月:每日 07:00 至 17:0012 月至 1 月: 每日 07:30 至 17:00

    • 歷史文化`
    3

    瞻星台 (Cheomseongdae Observatory)

    瞻星台 (Cheomseongdae Observatory) 係亞洲最古老嘅天文觀測台之一,歷史可以追溯到 7 世紀善德女王統治期間!呢座 9.17 米高嘅天文觀測台當年主要用嚟預測天氣,台上嘅方形柱座由 362 塊石頭堆疊而成,代表農曆年嘅 362 天。

    對於天文學發燒友嚟講,瞻星台絕對係必到景點;夜幕低垂,人造燈飾映照瞻星台,份外璀璨。

    地點: 韓國慶州慶尚北道慶州市瞻星路 140-25

    開放時間: 每日 09:00 至 21:30

    • 歷史文化`
    4

    慶州歷史遺址區

    慶州歷史遺址區完美體現出新羅王國古都嘅文化同歷史—呢個聯合國教科文組織世界文化遺產分為 5 個專區,任你探索宮殿遺跡、亭閣,以及蒼翠山丘上面嘅堡壘。

    其中,南山 (Namsan) 有超過 40 件佛教文物和寶塔;月城 (Wolseong) 坐擁新月形的半月城堡 (Banwolseong Fortress)、月池 (Wolji Pond) 和東宮 (Donggung Palace);皇龍寺 (Hwangnyongsa) 則是昔日皇龍寺和芬皇寺石塔 (Bunhwangsa Stone) 的舊址。

    地點: 韓國慶州慶尚北道慶州市太宗路 757 號

    地圖
    • 歷史文化`
    5

    慶州國家公園

    慶州國家公園裡面有好多個文化保護區,歷史可以追溯到新羅王朝!呢片公園位於慶州市附近,被譽為「韓國唯一歷史國家公園」,

    總面積達 137 平方公里,係新羅王朝嘅重要古蹟。不妨喺園內沿步行徑前往南山 (Namsan)—踏足唔同嘅小徑,你將會喺登峰之前經過望月寺 (Mangwolsa Temple) 同三陵古墓 (Samneung Royal Tomb)。

    地點: 韓國慶州慶尚北道慶州市

    • 伴侶
    • 家庭
    6

    鮑石亭遺址 (Poseokjeongji Pavilion)

    鮑石亭遺址 (Poseokjeongji Pavilion) 位於慶尚北道一條小溪旁邊嘅岩石上,曾經係新羅王朝嘅皇室別墅。時至今日,別墅已經唔存在,但就仍然保留住一條貝殼形嘅石造水道。

    相傳,呢座亭用咗 63 種唔同嘅岩石建造而成,係新羅國王帶住貴族同官員嚟遊玩作樂嘅地方。鮑石亭遺址嘅入場費如下:成人大約係 KRW1,000,青少年 (13-18 歲) KRW600,兒童 (7–12 歲) KRW400。

    地點: 韓國慶州慶尚北道慶州市南山循環路 816 號

    開放時間: 每日 09:00 至 18:00

    地圖
    • 歷史文化`

    相片由 Steve46814 提供 (CC BY-SA 3.0) 經修改

    7

    石窟庵 (Seokguram Grotto)

    石窟庵 (Seokguram Grotto) 係吐含山上嘅一座石廟,獲聯合國教科文組織列為世界文化遺產,歷史可以追溯到 751 年景德王統治年間。喺圓形嘅石室裡面,擺放咗一尊 3.5 米高嘅本尊菩薩像—佢面露笑容,坐喺刻有蓮花嘅寶座上。

    石窟庵同位於山坡上嘅佛國寺 (Bulguska Temple) 同時建造,寺廟所在之處可以欣賞到日出靚景,風光不殊,令人嘆為觀止。石窟庵嘅入場費如下:成人大約 KRW5,000,青少年 (13-18 歲) KRW3,500,兒童 (7-12 歲) KRW2,500。

    地點: 韓國慶州慶尚北道慶州市佛國路 873-243

    地圖
    • 歷史文化`
    8

    普門湖旅遊區 (Bomun Lake Resort)

    普門湖旅遊區 (Bomun Lake Resort;又名「普門觀光園區」) 將會帶你體驗韓國豐富文化,玩盡一系列精彩活動!普門湖旅遊區位於慶州市中心以東大約 10 公里,擁有高爾夫球度假村、購物中心、美術館同民俗村,全部都採用韓國傳統建築風格建造。

    區內嘅戶外劇院俯瞰住普門湖,全年有戲劇表演、傳統舞蹈同音樂會無間斷上演—4 月至 1 月,你仲可以喺普門湖旅遊區嘅劇院免費欣賞國樂 (gugak;傳統韓國音樂) 添!

    地點: 韓國慶州慶尚北道慶州市薪坪洞

    電話: +82-54-745-7601

    地圖
    • 伴侶
    • 家庭

    相片由 myllissa 提供 (CC BY 2.0) 經修改

    9

    體驗寺廟生活

    如果你想了解唔同嘅文化傳統,就一定要體驗寺廟生活!你可以選擇適合外國遊客嘅寺廟住宿計劃,試下早課儀規、冥想課程、社區工作、茶道同武術訓練等等,而呢啲活動喺慶州大多數寺廟住宿計劃裡面都有涵蓋。

    早喺新羅時期,骨窟寺 (Golgulsa Temple) 已經係皇室衛隊「花郎 (Hwarang)」成員聚集受訓嘅地方,亦係禪武道 (Seonmudo) 嘅中心—禪武道係早期訓練僧侶嘅方法之一,透過冥想嚟達到自我實現境界。

    地點: 韓國慶州慶尚北道慶州市陽北面衹林路 101-5

    電話: +82-54-744-1689

    地圖
    • 歷史文化`

    相片由 Jirka Matousek 提供 (CC BY 2.0) 經修改

    10

    踩單車遊歷

    身處慶州,人人都可以享受踩單車嘅樂趣,市中心度度都有單車出租,而呢個亦都係遍覽市內風光嘅實惠途徑。不過,記住一定要著舒適嘅服裝,帶備充足食水,先好出發啊!

    慶州嘅單車觀光團多不勝數,大多由慶州市中心起步,帶你遊覽石冰庫 (Seokbinggo)、慶州國家博物館 (Gyeongju National Museum)、瞻星台 (Cheongseongdae Observatory) 同芬皇寺 (Bunhwangsa Temple) 等必到景點。

    • 伴侶
    • 家庭

    相片由 Chelsea Marie Hicks 提供 (CC BY 2.0) 經修改

    11

    南山 (Namsan Mountain)

    南山 (Namsan Mountain) 坐擁好多條風景秀麗嘅遠足小徑,可以通往慶州嘅歷史遺跡,難怪吸引戶外運動「發燒友」湧至!南山大約 500 米高,喺新羅時期曾經被視為神聖之境,山邊各個角落都綴有數以百計嘅佛像、寺廟同寶塔,不妨預先 Plan 定行程,盡享一段充實之旅。

    為安全起見,遠足人士應該喺朝早出發,仲要帶備充足嘅水同小食。一般嚟講,遊覽南山大約需要 5 個鐘,視乎你停步嘅次數而定。

    地點: 韓國慶州慶尚北道慶州市南山洞

    地圖
    • 伴侶
    • 家庭

    相片由 theaucitron 提供 (CC BY-SA 2.0) 經修改

    12

    慶州鄉村俱樂部

    想在高爾夫球場內享受寧靜輕鬆時光?慶州鄉村俱樂部定必吸引你注目!這間俱樂部位於普門國際旅遊區內,可欣賞到普門湖的絕佳景致,

    另外設有燈火通明嘅高爾夫球場,你一天光就可以開始盡情揮桿。此外,俱樂部仲設有餐廳同酒廊,你除咗細賞慶州自然風景、打下高爾夫球之外,仲可以休閒消磨全日。

    地點: 韓國慶州慶尚北道慶州市普門路 182-98

    開放時間: 每日 04.30 至 18:00

    電話: +82-54-745-2228

    • 伴侶
    • 家庭
    13

    아사가찻집 (Ah Sa Ga) 茶室

    如果你係茶藝鑑賞家,就一定要去 아사가찻집 (Ah Sa Ga) 茶室享受慶州正宗品茶體驗!呢間茶館位處傳統韓屋 (hanok;韓國木屋) 裡面,純樸嘅廂房用手工紙、木製工藝品同書法裝飾,

    特色食品包括抹茶同雨前綠茶,配搭米糕等等嘅傳統小食,別有一番地道風味。아사가찻집 茶室仲有出售瓷器茶具同手工藝品,當做手信一流!

    地點: 韓國慶州慶尚北道慶州市中部洞 9-2

    開放時間: 每日 09:00 至 19:00

    電話: +82-54-741-1218

    地圖
    • 伴侶
    • 家庭
    14

    兜率村 (도솔마을) 餐廳

    兜率村 (도솔마을) 係慶州少數唔多起眼、但係大受歡迎嘅餐廳之一,喺傳統韓屋裡面經營,店內氛圍舒適親切,你話唔定會有置身韓國古老時代嘅感覺!

    如果你喺夏天幫襯,仲可以選擇喺戶外用餐添!兜率村餐廳備有英文餐牌,難怪成為遊客品嚐正宗本地菜餚嘅熱門去處。店內 2 人套餐索價大約係 KRW10,000,包括 2 道主菜、海帶湯、時令伴菜同泡菜煎餅。

    地點: 韓國慶尚北道慶州市皇南洞 71-2

    開放時間: 星期三至日 11:00 至 21:00 (星期一至二休息)

    電話: +82-54-748-9232

    地圖
    • 品嚐美食
    Penny Wong | 旅遊常客

    開始計劃行程

    Maps