大邱 14 大最好玩嘅活動

大邱最出名嘅係啲嘜嘢?

    大邱係韓國最大嘅城市之一,傳承咗豐富嘅古老文化,同時坐擁好多風景名勝同好靚嘅山脈—不妨嚟欣賞八公山同前山嘅靚景,同埋欣賞歷史可追溯到新羅時代同朝鮮王朝嘅古蹟;環顧市內,仲可以睇到秀麗嘅公園,特別係春天同秋天嘅景色最迷人。

    有時間嘅話,你仲可以探索下當地獨樹一格嘅博物館,睇盡嚟自遠古時代嘅文物展品。歡迎睇下以下嘅「大邱景點指南」,搵下度假觀光玩樂活動嘅靈感,好好規劃行程!

    1

    不老洞古墳公園 (Bullo-dong Ancient Tomb Park)

    不老洞古墳公園 (Bullo-dong Ancient Tomb Park) 係一片大型古墳遺址,位於大邱市北面大約 5 公里外,佔地 330,000 平方米,橫跨山谷裡面嘅 200 幾個草丘—呢啲草丘又叫做「墓丘」,歷史可以追溯到 2 世紀同 6 世紀,專為韓國三國時期嘅貴族同平民而建造。

    地點: 韓國大邱東區不老洞山 1-17

    • 伴侶
    • 家庭
    2

    頭流公園 (Duryu Park)

    頭流公園 (Duryu Park) 既係韓國最高嘅天文台之一—大邱塔 (Daegu Tower) 所在之處,亦係熱門嘅休閒同文化景點,園內嘅五色噴泉不容錯過,泉水據聞具有治療功效架!參觀公園途中,你仲可以順道探索園內嘅頭流圖書館、大聖寺 (Daeseongsa Temple) 同金蓉寺 (Geumyongsa Temple)。

    春天正值櫻花盛放,頭流公園通常都最熱鬧,望落去林木葱鬱,有 133 種樹木同植物散發綠意。公園裡面嘅設施包括柔道中心、溜冰場、泳池同網球場。

    地點: 韓國大邱達西區公園順環路 36 號

    電話: +82-53-625-1949

    • 伴侶
    • 家庭

    相片由 Chris Anderson 提供 (CC BY-SA 2.0) 經修改

    3

    大邱國立博物館

    大邱國立博物館係市內最大型嘅博物館之一,展示大邱嘅獨特歷史遺產,仲有慶尚北道嘅佛教文化。館內珍藏咗大約 30,000 件源自新石器時代同朝鮮王朝嘅文物,同埋佛教工藝品、雕塑同雕像;

    而館外就有一片造景花園,屹立咗幾個石碑,全都由大邱考古遺址出土。大邱國立博物館嘅必睇景點仲包括歷史追溯到高麗王朝嘅 5 層高石塔、青銅時代住宅遺址,以及源於三國時期、經過修復嘅窯。

    地點: 韓國大邱壽城區青湖路 321 號

    開放時間: 星期二至五 09:00 至 18:00;星期六至日 09:00 至 19:00 (逢星期一休息)

    電話: +82-53-768-6051

    • 伴侶
    • 家庭
    • 歷史文化`

    相片由 Trainholic 提供 (CC BY-SA 3.0) 經修改

    4

    桐華寺 (Donghwasa Temple)

    桐華寺 (Donghwasa Temple;意思係冬天有桐花盛開嘅寺廟) 係八公山南側嘅一座古刹,歷史可以追溯到公元 493 年,係由叫做「極達」嘅僧人喺炤知王統治期間嘅第 15 年建造,

    以寺內所種嘅開花梧桐樹而命名。桐華寺嘅誦經殿堂同亭閣都有神話動物同佛教神靈嘅石像作為裝飾;而 17 米高嘅藥師如來佛石像就由信衆所建,目的係向神明祈求國家統一,絕對不容錯過!

    地點: 韓國大邱東區桐華寺 1 街 1 號

    電話: +82-53-980-7900

    • 歷史文化`
    • 經濟實惠
    5

    禪本寺 (Seonbosa Temple)

    禪本寺 (Seonbosa Temple) 建於 9 世紀,位處大邱市東北大約 20 公里嘅八公山山頂,好多當地人都會行足 3 個鐘嚟參拜—適逢佛教慶典期間、以及每個月嘅第 1 天,親臨寺廟嘅信衆就為數更多。

    要數禪本寺最受歡迎嘅地標之一,笠岩佛祖定必榜上有名,佢嘅歷史可以追溯到 9 世紀,據聞仲會幫你實現至少一個願望添!

    地點: 韓國慶尚北道慶山市江鶴街 35 號

    地圖
    • 歷史文化`
    • 經濟實惠
    6

    桂山天主教堂 (Gyesan Catholic Church)

    桂山天主教堂 (Gyesan Catholic Church) 建於 1900 年,係嗰段時間唯一留存落嚟嘅建築,揉合羅馬式同歌德式風格,配有彩色玻璃窗同尖塔。

    呢座教堂係大邱嘅主要天主教堂區,神父寓所裡面展出咗教堂創始人嘅幾尊雕像,另外仲設有紀念館,擺放 65 位天主教殉道烈士嘅遺骸。大邱桂山天主教堂係嶺南地區第 1 座歌德式教堂,亦係全韓國第 3 座歌德式教堂。

    地點: 韓國大邱中區西城路 10 號

    地圖
    • 歷史文化`
    • 經濟實惠
    7

    把溪寺 (Pagyesa Temple)

    把溪寺 (Pagyesa Temple) 由新羅王朝嘅興德王於公元 804 年創建,位於大邱市東北大約 20 公里嘅八公山西麓。當地人認為朝鮮王朝嘅英祖特別鍾意把溪寺;而韓國民間故事就相傳:英祖係喺寺內一位佛教法師誦禱咗 100 日之後,先至出世!

    呢座寺廟為大邱嘅佛教社區提供服務,寧靜幽麗,周圍環繞住鬱鬱蔥蔥嘅樹木。行入把溪寺嘅主要建築群之前,你會先經過鎮洞樓 (Jindong-nu Hall),大樓裡面全年都有重要嘅佛教儀式舉辦;另一個不容錯過的景點則是鐘樓,內裡展出的傳統敲擊樂器定會讓你眼界大開!

    地點: 韓國大邱東區中大洞 7 號

    地圖
    • 歷史文化`
    • 經濟實惠

    相片由 Ken Eckert 提供 (CC BY-SA 4.0) 經修改

    8

    符仁寺 (Buinsa Temple)

    大邱符仁寺 (Buinsa Temple) 嘅歷史可以追溯到 7 世紀,係桐華寺嘅附屬寺廟,亦稱為「新羅王朝善德女王紀念寺廟」,裡面有一座專為女王而建造嘅祠堂,每逢農曆 3 月都會舉辦紀念儀式。

    符仁寺內最受歡迎嘅景點之一係西寶塔,相傳佢喺國家統一嘅新羅時代建造。符仁寺全年免費入場,亦都歡迎你酌量捐啲香油錢。

    地點: 韓國大邱東區八公山路 967-28

    地圖
    • 歷史文化`
    • 經濟實惠
    9

    大邱溫泉谷 (Daegu Spa Valley)

    嚟到大邱溫泉谷 (Daegu Spa Valley),你可以放鬆身心,享受溫泉體驗。呢座綜合建築群嘅室內大樓一樓設有健身俱樂部同手信店,二樓配置咗好多個溫泉池、蒸汽浴室、草藥浴池、兒童泳池同汗蒸幕 (jjimjilbang;韓式桑拿房);

    而室外嘅水上樂園就由青年泳池、水球池、波浪池、滑水道同跳水池所組成。大邱溫泉谷成日都吸引希望試下韓國傳統水療護理嘅旅客湧至—無他,皆因桑拿式汗蒸幕一向都以改善血液循環同肌膚氣色而聞名!

    地點: 韓國大邱達城郡嘉昌面嘉昌路 891 號

    開放時間: 營業時間因應季節而異

    電話: +82-1688-8511

    地圖
    • 伴侶
    • 家庭

    相片由 Shawn Perez 提供 (CC BY 2.0) 經修改

    10

    八公山自然公園 (Palgonsan Natural Park)

    八公山風光不殊,而八公山自然公園 (Palgonsan Natural Park) 喺正山上,鬱鬱蔥蔥,園內有壯麗嘅花崗岩石堆、交織嘅岩層、茂密嘅森林同秀麗嘅山谷。呢片公園坐落於大邱市東北 20 公里,有風景怡人嘅步行徑蜿蜒其中,吸引無數登山客湧至,漫步行去桐華寺 (Donghwasa Temple)、禪本寺 (Seonbosa Temple) 同把溪寺 (Pagyesa Temple) 等佛教聖地。

    八公山自然公園一年四季都值得遊覽—春風送暖,你會欣賞到杜鵑花盛開;秋意漸濃,你就可以沿住園內全長 15 公里嘅小路靜賞秋葉;隆冬及至,你仲可以沉醉於純淨雪景之中。

    地點: 韓國大邱東區笠岩路 229 號

    地圖
    • 伴侶
    • 家庭
    • 經濟實惠

    相片由 adam nicholson 提供 (CC BY 2.0) 經修改

    11

    大邱方字古銅器皿博物館 (Daegu Bangjja Brassware Museum)

    大邱方字古銅器皿博物館 (Daegu Bangjja Brassware Museum) 展出方字 (bangjja;手工鍛造) 古銅器;而呢種器皿往日曾經用嚟盛載韓國宮廷食品,歷史可以追溯到青銅器時代,延至全段高麗同朝鮮王朝年間,都廣為使用。

    博物館裡面有兩層專門舉辦展覽、文化體驗同數據研究—喺古銅器文化大廳度,你可以細賞方字古銅器真品,透過資訊豐富嘅展品,更加深入了解韓國嘅銅器歷史;嚟到古銅器製作重現室,裡面嘅展品就重現咗第一次生產同交易銅器嘅地方,令人眼界大開!

    地點: 韓國大邱東區道藏街 29 號

    開放時間: 4 至 10 月:星期二至日 10:00 至 19:0011 月至 3 月:星期二至日 10:00 至 18:00 (逢星期一休息)

    電話: +82-53-606-6171

    地圖
    • 伴侶
    • 家庭
    • 歷史文化`
    12

    瑜伽寺 (Yugasa Temple)

    瑜伽寺 (Yugasa Temple) 位於琵瑟山嘅西麓山谷,係大邱最隱秘嘅景點之一,由叫做「道成國師」嘅佛教法師於公元 827 年建成,因為位處鄉間,所以深受鍾意冥想靜修嘅人士歡迎。

    寺廟四周圍都係岩石峭壁同埋山峰,風光不殊;附近嘅石佛塔歷史就可以追溯到朝鮮王朝;仲有道成庵 (Doseongam) 同修道庵 (Sudoam) 兩座佛教庵院,喺正寺廟後邊。

    地點: 韓國大邱達城郡瑜伽面陽里 144 號

    地圖
    • 歷史文化`
    • 經濟實惠
    13

    大邱文化藝術中心 (Daegu Culture and Arts Center)

    大邱文化藝術中心 (Daegu Culture and Arts Center) 全年都有各類現場節目上演,為戶外舞台、展覽廳同 2 座表演劇院添賦精彩!其中,主劇院會用嚟舉辦歌劇、音樂會同舞蹈活動;另一個劇院就主要舉辦戲劇表演同個人演奏會;

    戶外舞台可以容納超過 25,000 位觀衆,規模屬全韓國數一數二。大邱文化藝術中心嘅世界級音樂劇、戲劇、音樂會同歌劇節目年中無休,如果你鍾意藝術同音樂,呢度就係你嘅必遊之地,記得提前訂飛啊!

    地點: 韓國大邱達西區公園順環路 201 號

    開放時間: 開放時間因應表演及展覽而異

    電話: +82-53-606-6114

    地圖
    • 家庭
    • 歷史文化`
    14

    琵瑟山自然休養林 (Biseulsan Recreational Forest)

    琵瑟山自然休養林 (Biseulsan Recreational Forest) 廣納著名嘅奇岩結構、純淨嘅溪流同埋壯麗嘅懸崖峭壁,位處達城郡嘅兩座山峰之間,設有兒童水上遊樂場,仲有露營場地同森林小屋可以租用,絕對算得上係「合家歡旅遊勝地」。

    每年春天,遊客都可以喺呢度欣賞粉紅色嘅杜鵑花絢麗盛開;到咗冬季,琵瑟山自然休養林旋即化身戶外主題公園,有冰柱山、雪橇、冰園同冰窟,樂趣紛呈!

    地點: 韓國大邱達城郡瑜伽面休養林街 230 號

    電話: +82-53-659-4400

    地圖
    • 伴侶
    • 家庭
    • 經濟實惠
    Stephan Audiger | 旅遊常客

    開始計劃行程

    Maps