釜山 12 大最好玩活動

釜山最出名嘅係啲嘜嘢?

    釜山最好玩嘅活動完美體現咗呢個城市作為亞洲重要海港嘅美譽—呢座城市經常被視為韓國精髓所在,一年四季都接待嚟自唔同國家嘅遊客,市內民族特色同文化氣息好多元化。

    釜山擁有豐富嘅文化歷史,同得意好味嘅美食、超多寺廟、海濱活動,同埋好客民風,樣樣都好,佢最大優點就係:同韓國大多數城市相比,釜山相對寧靜,所以如果你想平靜咁過假期,呢度就係個理想目的地。

    1

    梵魚寺 (Beomeo-sa Temple)

    梵魚寺 (Beomeo-sa) 係韓國最重要嘅神社之一,位於金井山東緣,遠離城市喧囂。寺內嘅大雄殿 (Daeungjeon Hall) 由朝鮮王朝留存到而家,算係完好無缺嘅建築典範;

    而你仲可以參觀一柱門 (Iljoomoon Gate)—呢座 3 層高嘅寶塔源於 9 世紀,歷史悠久!雖然梵魚寺距離城市唔多遠,但係就有種隱居氣氛,吸引想暫離都會、放鬆一下嘅遊客。

    地點: 韓國釜山金井區梵魚寺路 250 號

    • 歷史文化`

    相片由 Simon Desmarais 提供 (CC BY-SA 2.0) 經修改

    2

    釜山市立美術館

    釜山市立美術館係當代藝術發燒友嘅必遊之地,全館分為 5 層,由展覽廳、教育室同檔案館組成;而雕塑公園就位於建築物外面。

    如果你想仔細欣賞同感受韓國現代藝術氣息,不妨預留大約 2 至 3 個鐘,專心漫遊!

    地點: 韓國釜山海雲臺區亞博路 58 號

    開放時間: 星期二至五同星期日 10:00 至 18:00;每月最後一個星期三 10:00 至 21:00 (逢星期一休息)

    電話: +82 51-744-2602

    • 伴侶
    • 家庭

    相片由 Yunji Kim 提供 (CC BY-SA 3.0) 經修改

    3

    太宗台 (Taejongdae)

    太宗台 (Taejongdae) 係市內最受歡迎嘅休閒區之一!呢片自然公園以太宗武烈王命名,昔日係帝王練習射箭嘅休憩區,除咗具有文化意義之外,亦係欣賞韓國偏遠島嶼景色嘅最佳去處。

    太宗台喺岩石峭壁上面設有步道,可以俾旅客俯瞰釜山市同大馬島嘅靚景;而太宗台燈塔底部嘅石面平地配備枱凳,你可以一邊盡覽海景,一邊品嚐新鮮海產。

    地點: 韓國釜山影島區東三洞展望路 24 號

    開放時間: 每日 04:00 至 22:00

    電話: +82 51-405-2004

    • 伴侶
    • 家庭
    • 遊歷

    相片由 InSapphoWeTrust 提供 (CC BY-SA 2.0) 經修改

    4

    龍頭山公園 (Yongdusan Park)

    龍頭山公園 (Yongdusan Park) 位於釜山市中心,坐擁市內幾個最重要嘅地標,你可以由 120 米高嘅釜山塔頂飽覽壯觀景色;而公園裡面設有 2 座博物館:世界民間樂器博物館珍藏咗唔少傳統樂器,世界模型船展覽館就囊括 80 幾艘韓國帆船,任你細賞。

    另一方面,龍頭山公園亦係當地人享受戶外活動嘅好去處,慢跑、踩單車、野餐,以至欣賞青蔥綠樹、亭台樓閣同韓國名人雕像等等,全部都係賞心樂事。由 3 月到 11 月,逢星期六下晝都有傳統節目喺公園上演。

    地點: 韓國釜山中區光復洞 2(i) 街龍頭山街 37-55

    • 伴侶
    • 家庭
    • 經濟實惠

    相片由 LWYang 提供 (CC BY 2.0) 經修改

    5

    海東龍宮寺 (Haedong Yonggungsa Temple)

    海東龍宮寺 (Haedong Yonggungsa Temple) 係位於釜山東北端嘅佛教寺廟,建於 1376 年,屬於韓國少數起喺海邊嘅佛寺之一,一側飽覽東海靚景,另一側就盡攬壯麗山脈風光。

    寺內珍藏咗幾十座雕塑、雕像同畫作,其中又以「學業成就佛」同「得男佛」最出名。適逢農曆新年同佛誕節 (農曆 4 月) 慶祝活動期間,海東龍宮寺建築群嘅各個角落都會點起幾百個紙燈籠,明亮璀璨。

    地點: 韓國釜山機張郡機張邑龍宮街 86 號

    • 歷史文化`
    6

    釜山水族館

    釜山水族館擁有超過 35,000 種魚類同海洋生物,包括藻類、爬行動物同兩棲動物,生機盎然!水族館位處海雲台海灘,坐落喺一棟 3 層高嘅建築裡面,四周就係植物園嘅領地;

    館內 2 樓同 3 樓係展示區,1 樓就有休閒區、餐廳同手信店;地下室設有水底隧道,俾身在其中嘅遊客細賞身邊嘅水生生物,感覺就好似「漫步海床」一樣!

    地點: 韓國釜山海雲臺中洞海雲臺海邊路 266 號

    開放時間: 星期一至四 10:00 至 19:00;星期五至日 09:00 至 21:00

    電話: +82 51-740-1700

    • 家庭

    相片由 Beyond Neon 提供 (CC BY 2.0) 經修改

    7

    松亭海灘 (Songjeong Beach)

    松亭海灘 (Songjeong Beach) 喺釜山市內算係面積比較細,但係就因為水淺沙幼而大受家庭客歡迎。呢片全長 1.2 公里嘅海灘設有一個碼頭,有電動船出租,而夏天亦都有開辦遊輪之旅。

    「松亭」正正係松亭海灘嘅熱門觀景點,黃昏時份可以飽覽日落靚景;另一方面,呢片海灘仲係韓國國內少數允許飲酒嘅公共場所之一,引嚟眾多商販擺檔賣啤酒同小食,全日無休。

    地點: 韓國釜山松亭洞

    • 伴侶
    • 家庭
    • 經濟實惠

    相片由 Andrewssi2 提供 (CC BY-SA 3.0) 經修改

    8

    遠足旅遊

    釜山以坐擁眾多遠足徑而聞名,當中最大優點在於—市內犯罪率偏低,就算小徑相對偏僻,亦都唔使擔心安全問題。你可以喺城市附近嘅山脈一帶,搵到數一數二嘅出色遠足徑;

    而釜山最受歡迎嘅遠足徑就由南門 (搭纜車就去到) 經過北門,以梵魚寺 (Beomeosa Temple) 為終點。

    地圖
    • 遊歷

    相片由 Laurie Nevay 提供 (CC BY-SA 2.0) 經修改

    9

    海雲台海灘 (Haeundae Beach)

    海雲台海灘 (Haeundae Beach) 係釜山水族館同好多個休閒區嘅所在地,每年 6 月至 7 月都會相當擠迫,所以要及早 Plan 定行程!

    海灘沿岸林立商舖、餐廳同住宿,由豪華酒店到賓館都有。皆因海雲台海灘擁有韓國數一數二嘅遊艇碼頭,致令「揚帆出海」成為當地熱門活動之一。

    地點: 韓國釜山海雲臺區海雲臺海邊路 264 號

    • 伴侶
    • 家庭
    • 經濟實惠
    10

    札嘎其市場 (Jagalchi Market)

    札嘎其市場 (Jagalchi Market) 係韓國最大型嘅海鮮市場之一,場外路邊往往堆放住一個又一個木箱,展出各種各樣嘅新鮮魚類同乾貨,當中包括鯖魚、海鞘同蟹等。

    另一方面,釜山魚市場亦係體驗繁華港口小鎮生活嘅好地方,不妨喺呢度同當地人交流下,了解地道文化,再喺留步期間品嚐得意又好味嘅海鮮菜式!

    地點: 韓國釜山中區札嘎其海岸路 52 號

    開放時間: 每日 05:00 至 22:00 (每月第一個及第三個星期二休息)

    • 購物

    相片由 Kok Leng Yeo 提供 (CC BY 2.0) 經修改

    11

    40 階梯文化觀光主題街

    40 階梯文化觀光主題街嘅宗旨係紀念朝鮮戰爭之後嘅釜山文化,成條街長 450 米,飾有數之不盡嘅燈柱、雕塑同銅像,突顯昔日農民嘅艱辛生活。

    呢處名勝又簡稱為「40 階梯」,緊密連接市內其他地方,記得順道去中央洞貿易中心附近,遊覽和平之門—嗰度點咗一盞燈仔,投射光線喺 40 階梯文化觀光主題街上面,象徵和平。

    地點: 韓國釜山中區中央區 40 階梯街

    • 歷史文化`
    • 拍照
    12

    洛東江候鳥棲息地 (Nakdong Estuary Eco-Center)

    洛東江候鳥棲息地 (Nakdong Estuary Eco-Center) 有舉辦體驗計劃同教育講座,仲有展覽介紹洛東江,吸引唔少動物發燒友專誠嚟參觀;而館外周圍嘅濕地區就係候鳥安居嘅地方,一定會令遊客大開眼界,可以好好了解呢個河口!

    洛東江候鳥棲息地仲坐擁合家歡景點,好似野餐空地、遠足徑,以至飽覽綠樹潮灘嘅觀景台等等,各適其適。

    地點: 韓國釜山沙下區下端洞 1207-2 洛東江候鳥棲息地

    開放時間: 星期二至日 9:00 至 18:00

    電話: +82 51-209-2000

    • 家庭
    Penny Wong | 旅遊常客

    開始計劃行程

    Maps