新加坡怡豐城 (VivoCity) 係亞洲最大型嘅購物中心之一,位於港灣區,集購物、娛樂同時尚生活於一身,裡面開設咗全新加坡數一數二嘅大型戲院、全國最大嘅玩具店、露天劇場、涉水池同埋 4 個美食廣場,叫佢做 Megamall 絕不為過!

    怡豐城正正係「購物狂」嘅「血拚」天堂,由 Chanel、Giordano 以至 Watches of Switzerland,呢個商場迫滿各式名牌門店,出售多不勝數嘅奢侈品同日常用品,零售空間面積超過 100 萬平方尺!就算你對 Shopping 興趣麻麻,都不妨嚟行下。怡豐城迎合各個年齡層訪客嘅喜好,頂樓仲有專為小朋友而設嘅空中花園。

    新加坡怡豐城 (VivoCity)名列新加坡 10 大最佳購物商場新加坡 10 大購物體驗 (閱讀有關新加坡的資料)

    相片由 Terence Ong 提供 (CC BY-SA 3.0) 經修改

    直銷店分佈喺場內 7 個樓層,囊括你諗得到、諗唔到嘅各大品牌—如果你想搵 Levi's 等等嘅西方牌子,嚟呢度就搵啱地方喇;企喺潮流尖端嘅後生者都好鍾意 Warehouse、Ted Baker 同 Tommy Hilfiger 嘅進口商品;

    都市儷人就會喺 T.M. Lewin、Zara 或者 Marks&Spencer 物色 Smart Casual 返工衫,襯埋靚靚首飾,低調得嚟都可以「Hold 住」全場!爸爸媽媽想買手信俾仔女?喺全新加坡最大型嘅玩具反斗城,就一定搵到心水禮物!怡豐城仲有唔少童裝店,包括 Mothercare 同幾間孕婦裝舖頭,就連準爸媽嘅需要都照顧到。

    相片由 Terence Ong 提供 (CC BY-SA 3.0) 經修改

    除咗時裝店,你都可以行下書店、家居用品店、音樂音響店、藥店、珠寶店同運動精品店,而呢度嘅鞋舖都唔少,你話唔定會搵到想儲好耐嘅絕版鞋。另外,知名百貨公司 Tangs 喺怡豐城開咗間精品店,售賣多個高端品牌時裝、名牌傢俱、高級美容產品同化妝品,女士今次一定大出血喇!

    怡豐城嘅賣點梗係唔止購物—呢度都係繽紛夢幻嘅娛樂場所,仲一下子晉身「新加坡必到景點」行列添。商場裡面嘅大型多功能戲院擁有 15 個銀幕同 2,172 個座位,就連全亞洲其中一個最大嘅電影銀幕都喺呢度,總長度有成 22.4 米!

    相片由 Calvin Teo 提供 (CC BY-SA 3.0) 經修改

    大人行得開心,小朋友都一樣玩得盡興—商場設有露天遊樂場,頂樓就係天空公園同露天劇場所在之處,仲可以俯瞰聖淘沙 (Sentosa) 嘅壯麗景色。怡豐城有娛樂生活相關嘅設施服務,一年四季又會舉辦各種慶典活動,你仲唔嚟玩返轉?

    相片由 William Cho 提供 (CC BY-SA 2.0) 經修改

    新加坡怡豐城 (VivoCity)

    位置: 098585 新加坡港灣道 1 號

    開放時間: 每日 10:00 至 22:00

    電話: +65 6337 6860

    Ari Gunadi | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首