新加坡環球影城 (Universal Studios Singapore) 喺 2010 年開張,分成 7 個主題園區,設有好多遊樂設施同表演節目,統統同荷里活電影世界嘅大熱「猛片」有關。

    呢個係亞洲繼日本之後嘅第二個環球影城主題公園,新加坡環球影城佔地大約 20 公頃,坐擁 18 個全球獨家嘅專屬遊樂項目,你絕對要用成日時間,休閒咁探索園內每個角落,玩盡各大遊樂設施同景點!多啲資料…

    新加坡環球影城 (Universal Studios Singapore)名列聖淘沙島 (Sentosa Island) 13 大最好玩活動新加坡 9 大最浪漫活動 (閱讀有關新加坡的資料)

    新加坡環球影城嘅觀光同玩樂活動

    精彩旅程,由荷里活開始—漫步荷里活大道 (Hollywood Boulevard) ,你會有身處美國嘅感覺,唔記得咗自己喺遊覽緊亞洲熱帶國家;而呢個專區亦係樂園裡面嘅主要購物熱點。紐約主題區 (New York) 以紐約大都會作為設計基礎,你可以喺呢度同「電影明星」同吉祥物影相留念。

    繼續行前會到科幻城市 (Sci-Fi City) 主題區,你可以走上全球最高嘅雙軌過山車;而喺古埃及主題區 (Ancient Egypt) 裡面,兩座大型嘅守護雕像一定會令你讚不絕口,而呢個區域確實充滿古埃及風情。點解唔挑戰一下木乃伊嘅復仇 (Revenge of the Mummy) 過山車?呢個係成年人一定要試下嘅遊樂設施,對細路仔嚟講就唔好啦。

    之後到嘅失落世界 (The Lost World) 主題區參考咗《侏羅紀公園 (Jurassic Park)》同《未來水世界 (Waterworld)》兩部流行電影設計,好有樂趣,而且經常有巨型「暴龍」現身!《史力加 (Shrek)》粉絲就一定要去遙遠城堡 (Far, Far Away) 主題區,區內嘅瑰麗城堡同史力加沼澤都係唔可以錯過—而你會有大把機會,可以同史力加同費安娜公主影相「打卡」!

    最後一站,我哋嚟到馬達加斯加 (Madagascar) 主題區,區內嘅出名卡通角色、室內坐船體驗、特殊效果同音效包保令大人細路都開心到震。

    遊覽須知

    身處新加坡環球影城,你絕對唔會肚餓,因為裡面有好多餐廳可以選擇。自問「天生購物狂」?咁呢度就有多到數唔到嘅得意潮物,由 T 恤、鎖匙扣到環球影城嘅各種有關商品,應有盡有。

    溫馨提示:新加坡天氣變幻莫測,記得一定要帶把遮或者雨褸!另外,樂園建議你為個別遊樂設施準備多一套後備衫替換,咁樣就算玩到「濕身」都唔怕。園區好多地方都有儲物櫃。

    新加坡環球影城繽紛好玩,家庭旅客同情侶特別推崇。一場嚟到新加坡,點可以唔嚟呢度玩下?

    要去聖淘沙島 (Sentosa Island),請喺怡豐城購物中心 (VivoCity Shopping Mall) 買張聖淘沙捷運 (Sentosa Express) 車票,然後喺海濱坊站落車,直接行去環球影城;你亦可以由怡豐城外面坐巴士去。

    新加坡環球影城 (Universal Studios Singapore)

    位置: 098269 新加坡聖淘沙島聖淘沙大道 8 號

    開放時間: 星期日到四 10:00 到 19:00;星期五到六 10:00 到 22:00

    電話: +65 6577 8888

    Paul Smith | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首