新加坡濱海灣金沙購物商城 (The Shoppes at Marina Bay Sands) 係濱海灣金沙酒店 (Marina Bay Sands) 傳奇綜合建築群嘅旗艦購物中心,世界各地好多高級品牌都有喺度進駐,舖頭數量多達幾百間,另外仲有高級餐廳、Cafe、酒吧同得意景點,帶俾一眾「豪客」獨一無二嘅滿足感。

    要數商城裡面嘅時尚名牌,又點少得 Alexander McQueen、Armani、Dior、Hugo Boss、Bottega Veneta,同埋 Bvlgari、Chopard 等一系列頂級珠寶手錶品牌?就算你對行商場冇乜興趣,都依然值得嚟新加坡濱海灣金沙購物商城一趟,欣賞呢度嘅壯觀建築設計同特色—

    濱海灣金沙購物商城 (The Shoppes at Marina Bay Sands)名列濱海灣 (Marina Bay) 7 大購物好去處 (閱讀有關新加坡的資料)

    商場裡面嘅大型玻璃窗、寬敞開放式中庭同中央水景統統令人賞心悅目,盡顯貴氣;貫流其中嘅室內運河特別令人印象深刻,你可以預約坐仿古舢舨船,喺商場裡面兜一圈。舢舨上有專屬船夫,都幾似威尼斯嘅貢多拉船架!

    夠鐘開餐?呢度嘅餐廳選擇琳瑯滿目,環球美食包羅萬有,由粵式點心到印度咖哩、意大利 Pizza、日式壽司以至現代法式美食,都一應俱全,明顯主打國際客路。

    相片由 Bahnfrend 提供 (CC BY-SA 4.0) 經修改

    而且,世界各地嘅星級名廚都有喺商城裡面開設分店,當中包括英國名廚 Gordon Ramsey 主理嘅 Bread Street Kitchen,為客人送上經典英國菜式;而 David Thompson 係倫敦同曼谷知名品牌 Nahm 嘅始創人,都喺度開設咗 Long Chim 泰國餐廳。

    相片由 Bahnfrend 提供 (CC BY-SA 4.0) 經修改

    濱海灣金沙購物商城同綜合建築內嘅其他部分相連,你可以順道行勻賭場、SkyPark 觀景台同天台酒吧等等奢華景點。濱海灣金沙酒店直通海灣舫站,搭地鐵就可以嚟到。

    濱海灣金沙購物商城 (The Shoppes at Marina Bay Sands)

    位置: 018956 新加坡灣景道 10 號濱海灣金沙

    開放時間: 每日 10:30 至 23:30

    電話: +65 6688 8868

    Paul Smith | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首