新加坡科學館 (Science Centre Singapore) 係一個具有教育意義嘅合家歡景點,旨在透過遊戲向小朋友展示科學奇觀,好玩又有新意,話咁快就幫你消磨一日。不過,唔好諗住參觀一次就睇得哂所有展區—話哂館內都有超過 1,000 個互動展品丫!

    新加坡科學館透過獨一無二、息息相關嘅各式展覽,捕捉科學發展嘅演變,從而不斷啟發年輕人嘅思維。呢座堪稱「創意與創新守護者」嘅展館總共設有 14 個展覽廳,展出好多互動展品,主題涵蓋科學、科技同數學領域。

    新加坡科學館 (Science Centre Singapore)名列新加坡 14 大最佳主題公園和遊樂設施新加坡下雨天 10 項必試活動 (閱讀有關新加坡的資料)

    細路哥天生好奇,可以參觀下「生命倫理展 (Bioethics Exhibition)」,深入了解關於複製羊多莉 (Dolly) 嘅故事;又可以去「太空科學展 (Space Science Exhibition)」嚟一趟太空旅行,之後再去「火之展 (Fire Exhibition)」探索有關火焰化學反應嘅知識。新加坡科學館除咗舉辦常設展覽之外,亦不時推出全新嘅短期科學活動,

    其中最吸引青少年嘅焦點,可能就係「水上樂園 (Waterworks)」—呢度嘅噴水迷宮好有特色,入得嚟嘅朋友仔,例必「濕身離場」,冇一個可以「全身而退」!嚟到科學館外佔地 20,000 平方米嘅戶外展覽空間,仲有「動力園 (Kinetic Garden)」同「生態花園 (Ecogarden)」展區,同樣值得一遊。

    新加坡科學館位於裕廊路上段,設計精良,館內其他設施包括幾間食肆 (例如:麥當勞)、投幣式儲物櫃、BB 車租借處同零售店,館方嘅姊妹景點另有新加坡唯一嘅 IMAX 圓頂影院—全天域影院 (Omni-Theatre),同埋新加坡第一個永久室內雪場—雪城 (Snow City) 等等,不妨順道遊覽。

    相片由 mailer_diablo 提供 (CC BY-SA 3.0) 經修改

    新加坡科學館 (Science Centre Singapore)

    位置: 609081 新加坡科學館路 15 號

    開放時間: 開放時間:每日 10:00 至 18:00

    電話: +65 6425 2500

    Ben Reeves | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首