新加坡知新館 (Singapore Discovery Centre) 絕對係了解新加坡歷史同未來嘅好地方!呢座寓教育於娛樂嘅展館集藝術畫廊、科學博物館同戶外遊樂區於一身,珍藏咗好多簡明互動嘅展覽,既可以俾較年幼嘅小朋友玩半日,就連大人都會覺得饒有趣味!

    館方推出咗多種入場套票選擇,其中包括 SGD10 嘅成人票同 SGD6 嘅兒童票,包埋知新館入場費、新加坡軍事學院 (Singapore Military Institute) 觀光巴士之旅同 3D 短片費用。新加坡知新館同新加坡陸軍博物館 (Army Museum of Singapore) 位於同一區,你可以喺一日之內參觀哂兩個景點。

    新加坡知新館 (Singapore Discovery Centre)名列新加坡 14 大最佳主題公園和遊樂設施 (閱讀有關新加坡的資料)

    相片由 Glen Bowman 提供 (CC BY-SA 2.0) 經修改

    知新館裡面嘅部分互動展品專為團體設計,建議參加由館方安排嘅導賞團。每日 10:30 至 16:30 之間,每個鐘都有一團成行—第一節行程會帶你了解新加坡歷史發展嘅來龍去脈,俾你更加明白呢個城市同城中居民;

    呢度仲有個幾得意嘅新加坡式英文測試、一張展示島國傳統同和諧嘅精緻織被,同埋一齣名為「十足新加坡 (So Singapore)」嘅短片,專門探索構成新加坡人性格嘅各種特性及行為。嚟到主廳,巨型彩色圓拱屋頂就好似個萬花筒咁,展現新加坡市內周圍嘅地標,配合新加坡居民好熟悉嘅音效—而對於唔係住喺新加坡嘅遊客嚟講,估下呢啲係咩聲,都夠好玩啦!

    相片由 Glen Bowman 提供 (CC BY-SA 2.0) 經修改

    喺知新館周圍行下,互動展品仲有大把:你可以喺電視錄影室裡面扮新聞主播,報導新加坡重大新聞;你亦可以擔任危機處理團隊成員,防禦新加坡免受襲擊;你仲可以喺模擬戰地指揮遊戲裡面做指揮官,發號司令—而你需要嘅耳機同電腦控制設施,都已經準備妥當。

    行出去新加坡知新館主廳外面,有趣體驗同樣數之不盡—iWERKS 擁有全市數一數二嘅大銀幕,播放最新 2D 同 3D 大片,主打小朋友市場;年紀大少少嘅細路一般都比較鍾意 4D 模擬遊樂設施,又或者喺室外彩彈射擊場上互相搏鬥。

    相片由 Glen Bowman 提供 (CC BY-SA 2.0) 經修改

    你屬意比較平靜、又啱哂全家人嘅活動?不妨去旁邊嘅大湖踩下船仔;你亦都可以搭巴士遊覽新加坡軍事學院—不過呢個行程可能比較吸引對武裝部隊有興趣嘅人 (笑)。喺知新館裡面走上走落,都應該覺得肚餓喇啩?展館裡面設有美食廣場,仲有幾間快餐店,幫你醫肚!

    新加坡知新館位於裕廊路上段,距離裕群地鐵站約 10 分鐘步程,而揸車由市區出發,車程大約 30 分鐘。

    新加坡知新館 (Singapore Discovery Centre)

    位置: 638365 新加坡裕廊路上段 510 號

    開放時間: 星期二至日 09:00 至 18:00 (星期一休館)

    電話: +65 6792 6188

    Paul Smith | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首