新加坡萊佛士酒店 (Raffles Hotel) 充滿傳奇色彩,喺 1887 年開業時只得寥寥幾間平房,到咗而家設有 103 間套房、65 間精品店同商舖,而酒店商場入面嘅餐飲店都唔少。

    由開幕果日起,呢間超有型嘅殖民地建築風格酒店就經歷唔少艱難時刻,當中包括經濟大蕭條同第二次世界大戰。萊佛士酒店歷年嚟最大型嘅修葺工程係喺 1989 年左右進行,到 1991 年重開,睇落有如早年一樣咁優雅,

    除咗保留好多當年輝煌嘅歷史特色外,仲加設萊佛士博物館 (Raffles Museum),對於住客以至街客嚟講,都係不可多得嘅景點—呢間博物館展出 1880 年至 1939 年間嘅古董,有銀器、瓷器、信件以至好多張 19 世紀新加坡及東南亞嘅相片,令人眼界大開!

    今時今日,萊佛士酒店有提供 Spa 水療中心、庭院、維多利亞風格劇院同活動場地等豪華設施,難怪晉身亞洲區內「Good Taste 豪客」最推崇嘅高檔酒店之一。咁多年嚟,呢間酒店贏得唔少獎項,仲獲得同業合作夥伴嘅高度尊重。

    曾經入住萊佛士酒店嘅名人包括作家毛姆 (Somerset Maugham) 同吉卜林 (Rudyard Kipling),仲有女星伊麗莎白泰萊 (Elizabeth Taylor)、英女王伊利沙白二世 (Queen Elizabeth II),同埋已故流行曲天王米高積遜 (Michael Jackson)。

    好多遊客光顧呢間酒店,都係為了去長樂酒吧 (Long Bar) 品嚐全城最正宗嘅新加坡司令雞尾酒 (Singapore Sling)—話哂呢款大名鼎鼎嘅杜松子酒雞尾酒都係由呢度嘅海南島酒保發明丫!新加坡司令雞尾酒早於 1915 年面世,亦即係話萊佛士酒店調配呢款特飲嘅經驗已經接近 100 年!

    萊佛士酒店及博物館 (Raffles Hotel and Museum)

    位置: 048616 新加坡萊佛士坊 1 號

    開放時間: 萊佛士博物館開放時間係每日 10:00 至 19:00;購物商場嘅營業時間就係每日 10:30 至 19:30

    電話: +65 6337 1886

    Ari Gunadi | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首