新加坡麥士威熟食中心 (Maxwell Hawker Centre)

牛車水嘅出名美食中心

    麥士威熟食中心 (Maxwell Hawker Centre) 係品嚐新加坡地道菜式嘅好去處,出售嘅菜式都係價廉物美,經典新加坡街頭美食每份只係 SGD3 起,而我哋就最鍾意場內嘅活潑氣氛。

    兩邊長長排開嘅攤檔主打中式餐點。你會最先諗起點心、粥品、魚蛋同麵食?身處新加坡,選擇當然不止呢啲啦!每日 12:00 到 14:00,成棟美食廣場都會被附近嘅白領「淹沒」,你或者要「走為上策」。

    相片由 Sebastian Werner 提供 (CC BY 2.0) 經修改

    天天海南雞飯喺麥士威熟食中心裡面大受歡迎,甚至可能係全新加坡最人氣爆燈嘅雞飯餐廳;愈接近食飯時間,店外就愈會「大排長龍」,特別係呢間舖頭成為咗米芝蓮指南推介嘅第一間街邊檔後,就特別「客似雲來」!

    如果你忽然想食海南雞飯,但無時間或心機排隊等候,可以試試隔離幾個舖頭嘅阿仔海南雞飯。此間舖頭嘅老闆「阿仔」正係隔離攤檔以前嘅伙計。

    相片由 Ypsilon 提供 (CC0 1.0) 經修改

    麥士威熟食中心嘅另一長青之選係囉㘃・薄餅・螄蚶 (Rojak. Popiah & Cockle),專間出售特別有馬來風味嘅囉㘃 (Rojak),由脆皮麵包配搭生果、蔬菜、雞蛋,同埋辛香惹味嘅醬汁醃製而成,味道未必人人可以接受,但就深受當地人鍾意。

    麥士威熟食中心周圍都係牛車水嘅出名景點,而且距離直落亞逸同牛車水地鐵站只係幾步路,每日營業到 22:00,你想嚟食宵夜都得!

    相片由 Fabio Achilli 提供 (CC BY 2.0) 經修改

    新加坡麥士威熟食中心 (Maxwell Hawker Centre)

    地點: 新加坡牛車水卡達耶納盧爾街 1 號

    開放時間: 每日 08:00 到 22:00

    Paul Smith | 旅遊常客

    開始計劃行程