濱海灣金沙酒店 (Marina Bay Sands) 係新加坡好有特色嘅地標,見證城市天際線發展不斷。呢間五星級豪華酒店由三座摩天大廈組成,頂樓望落似一艘遊輪,搖搖欲墜咁,事實上係天台泳池,亦都係濱海灣金沙酒店嘅賣點之一:置身泳池裡面,你可以欣賞到新加坡嘅壯闊景色,仲可以行下觀景台同高檔嘅天台夜店添!

    除咗 2,500 幾間客房,呢度仲有附設人工運河同意大利貢多拉船遊樂設施嘅高級購物中心、全新加坡最大嘅溜冰場、兩間夜店、好多間一流餐廳,同埋全世界最豪嘅賭場之一。

    濱海灣金沙酒店另外一個優點,就係好近地鐵站,住客可以行去新加坡幾個出名景點,包括濱海灣花園 (Gardens by the Bay)、魚尾獅公園 (Merlion Park) 同藝術科學博物館 (ArtScience Museum)。濱海灣金沙酒店嘅詳盡旅遊指南就喺呢度。

    濱海灣金沙酒店 (Marina Bay Sands)名列濱海灣 (Marina Bay) 16 大最好玩活動新加坡最佳娛樂場 (閱讀有關新加坡的資料)

    金沙酒店空中花園 (Marina Bay Sands SkyPark)

    金沙酒店空中花園 (Marina Bay Sands SkyPark) 處處散發高檔生活品味,遊客可以由好高嘅地方欣賞到新加坡嘅壯麗景色。呢度有一個大型木製甲板區,望哂 360 度全景,得一塊玻璃隔住,除左幾條電線,無敵靚景盡在眼前。

    相片由 Jack at Wikipedia 提供 (CC BY-SA 2.0) 經修改

    濱海灣金沙賭場 (Marina Bay Sands Casino)

    濱海灣金沙賭場 (Marina Bay Sands Casino) 喺 2010 年開張,造價 USD55 億,係全新加坡第二間賭場,實際面積 15,000 平方米,佔綜合度假村總建築面積都唔夠 3%,其他設施包括好多間餐廳、數都數唔哂嘅舖頭,同埋會議場地。外國遊客可以免費入賭場玩。

    濱海灣金沙購物商城 (The Shoppes at Marina Bay Sands)

    濱海灣金沙購物商城 (The Shoppes at Marina Bay Sands) 係濱海灣金沙酒店 (Marina Bay Sands) 傳奇綜合建築群嘅旗艦購物中心,世界各地好多高級品牌都有喺度進駐,舖頭數量多達幾百間,另外仲有高級餐廳、Cafe、酒吧同得意景點,帶俾一眾「豪客」獨一無二嘅滿足感。要數商城裡面嘅時尚名牌,又點少得 Alexander McQueen、Armani、Dior、Hugo Boss、Bottega Veneta,同埋 Audemars Piguet、Bvlgari 同 Chopard 等一系列珠寶同手錶品牌?

    Bread Street Kitchen

    由英國名廚 Gordon Ramsey 主理嘅 Bread Street Kitchen 喺 2015 年登陸濱海灣金沙酒店 (Marina Bay Sands),主打現代歐洲美食,用餐環境輕鬆隨意,由 Ramsey 旗下一班米芝蓮星級名廚為你炮製招牌名菜。雖然 Ramsey 話呢間餐廳格局「唔似餐廳」,但勝在喺正濱海灣金沙酒店裡面,入得嚟食嘢,點都算係尊尚享受!店內鋪設時尚嘅黑白瓷磚地板,配合明架天花板同舒適皮革卡位,成功營造出「紐約式 High Class」氛圍。Bread Street Kitchen 嘅單點菜式價格好合理,喺新加坡嘅星級名廚餐廳之間相當罕見,絕對係「食客佳音」!

    新加坡 CE LA VI 酒吧

    嚟到 CE LA VI 酒吧,新加坡無敵靚景一眼望哂!CE LA VI 餐廳喺正濱海灣金沙酒店 (Marina Bay Sands) 57 樓,可以飽覽市內同海灣嘅迷人景色,裡面出售嘅雞尾酒價錢同濱海灣金沙觀景台入場費差唔多,但勝在酒吧位置仲要高啲,景色仲靚,所以好快就成為咗新加坡最熱門嘅頂樓餐廳之一。就算你今次咁啱唔係住濱海灣金沙酒店,都可以去 CE LA VI 酒吧豪飲一晚,享受呢座建築地標帶嚟嘅完美高級體驗。

    相片由 Basile Morin 提供 (CC BY-SA 4.0) 經修改

    新加坡藝術科學博物館 (ArtScience Museum Singapore)

    新加坡藝術科學博物館 (ArtScience Museum Singapore) 嘅外型似一隻打開咗嘅手 (仲有少少似一梳蕉),喺正濱海灣金沙酒店 (Marina Bay Sands) 附近嘅海濱地帶,展出市內好多嘅珍藏品,由達利 (Dali) 以至哈利波特 (Harry Potter),主題要幾多有幾多,一定可以令大人細路都興致勃勃!嚟到呢度參觀,你會探索到藝術同科學之間嘅聯繫,既富娛樂性,又有教育意義。藝術科學博物館喺著名濱海灣金沙酒店嘅海邊行人步道上面,一眼就可以認得出。由呢度行路去海灣舫地鐵站,只需 10 分鐘。

    濱海灣金沙酒店 (Marina Bay Sands)

    位置: 018956 新加坡灣景道 10 號

    電話: +65 6688 8888

    Paul Smith | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首