新加坡老巴剎美食廣場 (Lau Pa Sat Hawker Centre)

以正宗地道嘅美食出名嘅新加坡美食廣場

    老巴剎美食廣場 (Lau Pa Sat market) 係新加坡金融區中心地帶最受歡迎嘅大排檔之一,喺當地又有「熟食中心」之稱,被高聳入雲嘅建築包圍住,成就咗呢個美食天堂。歡迎嚟呢度睇下,品嚐雞飯、沙嗲同咖央 (kaya) 多士等地道美食,感受下獅城多姿多彩嘅飲食文化!

    無錯,市內好多地方都可以食到上面提過嘅菜式,但老巴剎美食廣場將所有嘢都集中咗喺「同一屋簷下」,豈唔係更方便快捷嘛?另一方面,呢度嘅環境亦公認係比市內其他熟食中心更加「浪漫」—夜幕低垂,沙嗲攤販喺戶外「擺檔」,另有一番風光。

    老巴剎美食廣場喺正文達街轉角位,距離萊佛士坊地鐵站只係 5 分鐘路程。由外面睇去,呢個美食廣場好似維多利亞時代嘅海邊小屋,有華麗嘅鑄鐵柱支撐住附設獨特鐘樓嘅赤土屋頂,雖然比唔上周圍嘅摩天大樓咁顯眼,但就更加可愛悅目。

    走入去老巴剎,攤位連成一排,指向呢座六角形建築嘅中心。如果你好彩,食嘢果時或者會睇到樂隊喺廣場裡面表演,可以有音樂伴奏,大大啖咁食餐勁—而我哋就喺旅途上剛好撞正爵士樂隊嘅表演尾聲,有幸聽到 80 年代經典金曲!

    老巴剎場內嘅攤位超多,你可以四圍行下,睇下周圍賣嘜嘢美食,望望其他人喺度吃緊啲嘜,就可以避免之後覺得「隔離飯香」啦!老巴剎美食廣場嘅食品價錢合理,菜式起價大約 SGD5;場裡面中心位置嘅指示牌寫咗美食推介,又印咗平面圖,幫助你識路去搵正嘅食肆。

    一場嚟到,當然要品嚐地道海南雞飯,喺黃埔南翔 (52 號攤位) 等攤檔都有供應,雞肉同米飯嘅配搭簡單,味道竟然超級豐富,肉味濃郁,係大多數人都接受到嘅口味。要數市內最受馬來人歡迎嘅食物,首推印度煎餅 (roti prata),你可以喺穆罕默德餐廳 (Mohamed Restaurant;61 號攤位) 買嚟試下。

    雖然用辣鷹嘴豆入味嘅普拉塔咖哩 (prata curry) 配搭新鮮印度麵餅通常只喺早餐先至有供應,但晚餐果時食亦都相當唔錯。另外,辣椒蟹、紅蘿蔔蛋糕同喇沙 (以咖哩醬製成嘅麵食) 亦係令食客流晒口水嘅美食。

    各個攤檔都係全日營業,你可以一早嚟到,試下吃咖央多士當早餐;呢款多士重新演繹咗殖民地多士同果醬嘅定義,用椰子同雞蛋糊炮製嘅沾醬搽滿烘麵包片,同馬嚟風味 kopi-O 咖啡配搭真係絕妙—所以喺 18 號碼頭嘅 Kopitiam 攤檔喺日間果時人氣極旺,夜晚都有唔少人嚟買多士當做甜品。

    想吃啲零食?不妨試下 Power Puff (24 號攤位) 嘅咖哩角,又或者由 Visa Fortune (50A 號攤位) 好開心嘅店員炮製嘅蕃薯小食!19:00 之後,沙嗲街 (Satay Street) 就會開始營業,又係嚟老巴剎美食廣場嘅好時間—沙嗲街就喺美食廣場大樓後面,每晚禁止車輛駛入,方便攤販設置燒烤架,又用木籤串住美味烤肉,誘惑你嘅味蕾!

    沙爹肉串未必係頂級肉類菜式,但坐喺膠桌前面,一啖沙爹,一啖啤酒,就絕對可以令老巴剎搵食之旅劃個圓滿句號。雖然當地人無將老巴剎視為嘆新加坡菜式嘅最好地方,但呢度仍然係大多數遊客嘅首選,

    場內氣氛歡樂,菜式新鮮好食,直頭無嘜嘢可以挑剔。老巴剎美食廣場睇喺出面落就似幅畫,唔通唔係你探索新加坡地道美食嘅理想起點嘛?同時,呢度 24 小時開放,配合任何行程都好靈活。

    新加坡老巴剎美食廣場 (Lau Pa Sat Hawker Centre)

    地點: 048582 新加坡萊佛士連道 18 號

    電話: +65 6276 0521

    Penny Wong | 旅遊常客

    開始計劃行程