嚟到聖淘沙島 (Sentosa Island) 一日遊,親子活動多不勝數,而新加坡兒童職業體驗館 (KidZania) 就一定可以令成個行程更加開心難忘!呢座綜合特色設施專為細路仔提供「寓教於樂」嘅活動,裡面設有好多個唔同區域,豐富嘅互動學習站分佈喺室內「孩童城市」周圍,

    有成 80 種角色扮演活動,俾小朋友喺一比一波音 737 客機、仿制銀行同迷你醫院裡面玩轉各行各業,仲可以親自「操刀」,試做「三重冠狀動脈搭橋手術」添!

    新加坡兒童職業體驗館 (Kidzania)名列新加坡 10 大最佳親子活動 (閱讀有關新加坡的資料)

    新加坡兒童職業體驗館最大賣點,就嘅深入淺出咁介紹環球經濟概念,細路仔可以試下賺人工 (用體驗館嘅官方貨幣「kidZos」出糧),然後俾錢買商品同服務,甚至開銀行戶口。兒童職業體驗館喺墨西哥、泰國、印尼同菲律賓等全球十幾個國家都有分館,搞得有聲有色;而新加坡館嘅「寓學習於玩樂」概念,亦都係借鏡姊妹館嘅成功經歷。

    小朋友可以選擇唔同嘅職業,試勻哂建築工人、警察、醫生同護士等工作,自食其力,再學習下環球經濟學嘅基本概念,從而提高信心、建立團隊同溝通技巧,同時亦培養邏輯同創造性思維。

    另一方面,新加坡兒童職業體驗嘅「人類更美好生活六大基本權利」亦值得一提,呢六大權利分別係:「擔當」、「知情」、「關懷」、「玩樂」、「創造」、「分享」,都幾好記,而且仲有各自嘅「權利守護者 (RightZkeepers)」代表卡通人物,叫做 Urbano、Vita、Cheeka、Beebop 同 Bache,細路哥就更易「入腦」啦!下次嚟到新加坡兒童職業體驗館果陣,不妨深入了解每個角色。

    就算你唔係住喺聖淘沙,都可以輕鬆嚟到位於島上嘅兒童職業體驗館—只要搭地鐵到怡豐城站,然後轉搭島上嘅聖淘沙捷運就到,又方便又平;島上亦都有免費接駁巴士服務,乘客喺巴拉望海灘落車,即刻可以搵到體驗館。

    新加坡兒童職業體驗館 (Kidzania)

    位置: 098008 新加坡灘景路 31 號 #01-01/02

    開放時間: 每日 10:00 到 18:00

    電話: +65 6653 6888

    Ben Reeves | 旅遊常客

    開始計劃行程

    透過 Hotels.com 預訂的好處

    旅遊提示

    新加坡政府有規定可接待休閒旅客的酒店。

    查看詳情
    返回頁首