濱海灣花園 (Gardens by the Bay)

新加坡嘅未來綠色空間

    濱海灣花園 (Gardens by the Bay) 係新加坡海濱地區嘅公園,佔地大,色彩繽紛,充滿未來動感,又以鼎鼎大名嘅擎天樹 (Supertree) 建築最有特色—呢度景點設有景觀壯麗嘅架空天橋;而超大嘅貝殼形溫室就重現咗好凍山區嘅氣候,

    又種咗幾百種樹木同植物,您想睇嘜都得,亦令到濱海灣花園成為老少咸宜嘅旅遊勝地,你可以喺壯麗景色前面放鬆身心。

    濱海灣花園嘅擎天樹

    濱海灣花園 (Gardens by the Bay) 佔地 250 英畝,喺正海濱地區;由正對面嘅濱海灣金沙 (Marina Bay Sands) 頂樓望過去,你會一眼睇晒呢片公園嘅廣闊。沿住酒店行人路向前行,你可以輕鬆咁嚟到濱海灣花園,居高臨下欣賞到沿途景色;你亦可以行到路程比較長啲嘅河邊長廊,由 2 個圓頂附近行入公園。

    喺公園四周散步完全免費;但如果你想走入恆溫溫室,或喺擎天樹之間散步,就要另外比錢先得。「樹態」鋼架聳立喺濱海灣花園裡面,肯定係成個花園嘅矚目亮點;中央樹林裡面仲有 12 棵大型金屬「鋼樹」,而園內其他地方仲有另外 6 棵「鋼樹」,壯觀宏偉。

    花園外面就覆蓋咗超過 200 種植物同花卉,綠意盎然。每晚 19:45 同 20:45,園內會有燈光同音樂表演,光芒四射,一定會畀到你有種置身喺現代童話故事嘅感覺。

    鍾意睇風景嘅你,點解唔去全長 25 米、連接 3 棵大樹嘅壯麗行人路行下?園裡面中央嘅 50 米巨樹就將花園到濱海灣全景 360 度睇晒,都係唔可以錯過。

    濱海灣花園嘅溫室

    如果你需要降降溫,雲霧森林 (Cloud Forest) 就係唔錯嘅選擇—呢座貝殼形建築規模比較細,裡面有 35 米高嘅山丘,到處覆蓋咗熱帶高原常見嘅植物。唔想一步步行上山?有一條電梯可以帶你飛入雲霧裡面,由高向下欣賞由植物同蘭花組成嘅花牆。

    花穹 (Flower Dome) 亦比出面涼爽,重現咗加州同地中海等地區嘅乾燥氣候。企喺呢間巨型溫室裡面,你就會好似環遊世界一樣,可以一次過睇晒嚟自非洲嘅猴麵包樹、嚟自西班牙嘅橄欖樹,同埋嚟自澳洲嘅袋鼠爪花。

    參觀兩間溫室嘅入場費係成人 SGD28,小童 SGD15。行到肚餓點算?花穹裡面嘅 Pollen 地中海餐廳採用溫室種植嘅香草同蔬菜烹調菜式,令人流晒口水!

    花園其他區域

    如果你選擇搭地鐵,又喺海灣舫站落車,就要先行過蜻蜓湖 (Dragonfly Lake) 同翠鳥湖 (Kingfisher Lake)。時間充裕嘅話,你可以沿住木板路一直咁行,沿途搵下喺度棲息嘅鳥類同昆蟲身影。

    為咗向多年嚟喺新加坡定居嘅唔同國籍人士致敬,園裡面四個相連嘅花園種植咗嚟自印度、中國、馬來西亞同殖民地嘅各種植物同樹木。

    除咗 Pollen,以下休閒餐廳亦都值得一試:Cafe Crema 供應三文治同小食,Satay By The Bay 專售沙嗲同各種燒烤食品,另外亦有 Supertree Food Hall 可供選擇。

    濱海灣花園位置優越,自然成為遊客暫離新加坡繁忙交通同摩天大樓嘅避世勝地,亦會畀到你一個好玩嘅空間,可以探索世界各地嘅園藝文化。更「抵讚」嘅係擎天樹、雲霧森林同花穹統統都係你前所未見嘅,將植物融入生活裡面,為都市增添綠意!

    濱海灣花園 (Gardens by the Bay)

    地點: 018953 新加坡濱海灣花園大道 18 號

    開放時間: 每日 09:00 到 21:00;戶外花園每日 05:00 到 02:00 開放

    電話: +65 6420 6848

    Paul Smith | 旅遊常客

    開始計劃行程