新加坡 G-Max 反轉笨豬跳

克拉碼頭 (Clarke Quay) 反轉笨豬跳挑戰

    你一直都想試下 Bungy Jump 嘅滋味,但係每次行到最高點就腳軟?唔使驚,新加坡 G-Max 反轉笨豬跳一定可以幫你「圓夢」!新加坡版嘅反轉笨豬跳坐落喺克拉碼頭 (Clarke Quay) 多姿多彩嘅夜蒲區內,

    玩家行入去地面嘅發射艙,之後撳一下掣,就即刻會彈上 60 米高空!反轉笨豬跳全程有專人密切監控,極速好玩得嚟,都相當安全。新加坡出名潮濕多雨;遇到咁嘅天氣,反轉笨豬跳會縮短開放時間。

    相片由 Schristia 提供 (CC BY-SA 2.0) 經修改

    G-Max 反轉笨豬跳喺全球 7 個國家都有營運,而新加坡站已經成為克拉碼頭 (繼飲酒之後) 最受歡迎嘅活動。發射艙每次最多可以坐 5 個人—一撳「發射」掣,你就會以高達每小時 200 公里嘅時速,感受 5G 重力嘅速度快感!

    G-Max 公司喺同一個地點仲有「GX-5 極限鞦韆 (GX-5 Xtreme Swing)」,同反轉笨豬跳「本尊」好相似,但就會喺第一下彈出之後「揈」多幾次。你仲可以試下玩彈床笨豬跳,彈到 8 米咁高,隨意打筋斗。

    G-Max 反轉笨豬跳同 GX-5 極限鞦韆嘅門票各為每位 SGD45 (學生 SGD35),如果你自問膽色過人,可以買齊兩種遊戲嘅組合門票,每位 SGD65。玩家必須身高超過 1.2 米,同埋年滿 12 歲。

    想搵到 G-Max 反轉笨豬跳所在地,一啲都唔難—因為,呢度一早就成為咗克拉碼頭嘅地標,直入雲霄嘅白色金屬支架好顯眼,夜晚著燈之後效果仲靚;而你可以搭地鐵到克拉碼頭站落車,行差唔多 3 分鐘就到。

    新加坡 G-Max 反轉笨豬跳

    地點: 179024 新加坡克拉碼頭里峇峇利路 3 號

    開放時間: 每日 17:00 至深夜

    電話: +65 6338 1766

    Ari Gunadi | 旅遊常客

    開始計劃行程