我哋羅列出最佳新加坡遊覽之旅,幫你玩盡獅城!呢個國家處處都係一流嘅景點同有趣嘅活動,而且當地嘅大街小巷更可以俾你感受全球最多種族、最多元化嘅人文風情。所以一定要趁機會快閃半日遊或者一日遊,探索呢個精彩之地!

    新加坡遊覽之旅部分集合咗當地絕大多數嘅標誌性景觀、地標同景點,方便分秒必爭嘅遊客飽覽新加坡嘅不同面貌。只要參考呢份清單,你一定可以玩得更開心盡興!想深入了解新加坡嘅話,不妨睇睇以下嘅最佳新加坡遊覽之旅清單。

    1

    聖淘沙島遊覽團

    聖淘沙島

    聖淘沙島 (Sentosa) 係個人工島,距離新加坡市中心唔遠。島上有好多精彩有趣嘅景點,包括幾個水清沙幼嘅熱帶沙灘、好玩嘅纜車之旅、刺激嘅無舵雪橇,仲有規模全球數一數二、有 800 幾種海洋生物嘅水族館 SEA Aquarium。呢趟旅程會帶你體驗以上所有景點同聖陶沙嘅其他精彩點滴,一定會令你樂而忘返!

    地圖
    2

    新加坡環球影城

    聖淘沙島

    環球影城 (Universal Studios) 係舉世知名嘅遊樂場,將「電影發燒友」嘅夢想活現眼前。你可以乘坐過山車、同最鍾意嘅電影角色見面,並喺超級有趣嘅餐廳品嚐美食。由史力加嘅「驢友」、死亡特技表演、精彩豐富嘅節目以至最好玩有趣嘅景點,全部盡在聖淘沙島新加坡嘅環球影城。

    位置: 8 Sentosa Gateway, Sentosa Island, Singapore 098269, Singapore

    開放時間: 星期日至星期四 10:00 至 19:00;星期五至星期六 10:00 至 22:00

    電話: +65 6577 8888

    地圖
    3

    新加坡市內遊覽團

    新加坡

    踏上新加坡市內遊覽之旅,你可以盡情探索新加坡豐富而璀璨嘅歷史,並感受當地朝氣勃勃、活力四射嘅日常生活。新加坡最著名嘅景點包括植物園 (Botanical Gardens),同埋歷史最悠久嘅華麗印度教寺廟馬里安曼興都廟 (Sri Mariamman Temple)。你亦可以一睹身為獅城象徵嘅經典地標魚尾獅 (Merlion) 雕像、一家大細同遊博物館,亦可以由濱海灣金沙 (Marina Bay Sands) 俯瞰令人為之驚豔嘅景色。

    4

    濱海灣花園、濱海灣金沙 + 河上游船之旅

    濱海灣

    呢趟遊船之旅會帶你探索濱海灣花園 (Gardens by the Bay)、濱海灣金沙 (Marina Bay Sands) 同克拉碼頭 (Clarke Quay) 等新加坡最受歡迎嘅景點,以獨特嘅角度欣賞呢座城市新舊交融嘅一面,包括喺新加坡最優質嘅酒店餐廳享用美味嘅午餐!

    5

    新加坡景點通行證

    新加坡

    • 團體

    用新加坡景點通行證 (See Singapore Attractions Pass) 喺新加坡觀光期間就可以參觀更多地方、玩得更盡興!通行證物超所值、方便易用,有效期為 24 小時同 48 個鐘頭,仲禮遇多多!你可以憑證參加多個活動,例如參觀新加坡摩天觀景輪 (Singapore Flyer)、新加坡徒步導覽 (The Original Singapore Walks®) 同參加新加坡河遊船之旅 (Singapore River Cruises) 等。

    6

    新加坡夜遊團

    市中心

    每逢夜幕垂下,新加坡市中心一啲地區就會染上迷人色彩,處處都係精彩街頭生活!不妨踏上呢個歷時 3.5 個鐘頭嘅夜遊行程,由新加坡河 (Singapore River) 河口嘅萊佛士登陸點 (Raffles Landing) 出發,登上傳統帆船前往克拉碼頭 (Clarke Quay),沿河欣賞醉人美景。你可以參觀武吉士村 (Bugis Village) 嘅水手定居地,然後再轉到萊佛士酒店 (Raffles Hotel),欣賞數一數二華麗嘅新加坡殖民時期地標。

    7

    牛車水美食 + 徒步探險之旅

    牛車水

    新加坡嘅牛車水 (Chinatown) 係個有趣迷人嘅地區,無論日頭定係夜晚都充滿歷史魅力同令人垂涎三尺嘅街頭美食。呢個觀光團將會帶你徒步遊覽呢個繁華地區,到各個街頭小食攤檔同當地餐廳品嚐美食,同埋參觀多代相傳嘅茶葉店同傳統商店。

    地圖
    8

    馬來西亞樂高樂園 (包接送服務)

    新山

    到底要用幾多塊 Lego,先可以砌成一個樂園?以馬來西亞樂高樂園 (Legoland Malaysia) 為例,答案係 3,000 萬塊!樂園位於馬來西亞南部新山 (Johor Bahru),鄰近新加坡邊境,由新加坡前往車程大約個幾鐘頭。呢個親子互動主題樂園將Lego 磚砌成嘅世界奇觀活現大家眼前,絕對可以俾全家人玩個痛快!另外,樂園亦有提供往返酒店嘅接送服務,相當貼心!

    地圖
    Paul Smith | 旅遊常客

    開始計劃行程

    旅遊提示

    新加坡政府有規定可接待休閒旅客的酒店。

    查看詳情
    返回頁首

    Maps