講到新加坡最受歡迎嘅一日遊行程,點可以唔去馬來西亞同印尼呢啲周邊國家同地區行下?新加坡坐落喺東南亞嘅新加坡海峽,係活力四射嘅旅遊勝地,市內到處係宏偉嘅殖民時代建築、錯綜複雜嘅道教寺廟、充滿未來動感嘅摩天大樓,同埋精緻嘅戶外藝術展品,

    仲幾乎可以滿足你所有需要!而且,新加坡附近仲有唔少靚到暈嘅景點,亦到佢魅力沒法擋。如果你喺新加坡旅遊,想要暫時離開一下大都會,就千奇唔好錯過印尼同馬來西亞地區嘅景點,體驗動感十足、又或者輕鬆自在嘅一日遊旅程!

    1

    聖淘沙島 (Sentosa Island) 之旅

    聖淘沙島 (Sentosa Island) 雖然屬於新加坡一部分,但就喺離岸,島上有唔少歡樂景點,一定可以畀全家人度過開心嘅一日!由市中心出發,坐纜車就可到聖淘沙島—當你喺城市嘅天空翱翔果時,望向窗出面,藝術科學博物館 (ArtScience Museum) 同濱海灣花園 (Gardens by the Bay) 等等地標都一眼睇晒。到咗聖淘沙島之後,導遊會帶你參觀亞洲最高嘅獨立觀景台—聖淘沙摩天塔 (Tiger Sky Tower),等你可以喺離地 430 英尺 (131 米) 嘅位置俯瞰令人驚嘆嘅天際線靚景。

    返到地面,點解唔去有 4 條軌道嘅天際線斜坡滑車遊樂園 (Skyline Luge) 果度玩下,試下髮夾彎、隧道同下坡路等精彩車道帶嚟嘅刺激快感?你將會飛越新加坡嘅汪洋、海灘同各種景點!多啲資料…

    • 家庭
    • 拍照
    • 遊歷
    2

    由新加坡出發嘅民丹島 (Bintan Island) 一日遊

    想離開一下城市生活節奏,唞番一下,不妨參加一日遊行程,坐渡輪去印尼廖內群島 (Riau Archipelago) 嘅民丹島 (Bintan Island),細比咁參觀下!呢個度假勝地嘅自然風光唔錯,處處都係熱帶花卉、神秘紅樹林同豐富嘅異國野生動物,令人大開眼界!

    落船之後,你可以參觀當地嘅生態農場,親親好多農場動物,同埋品嚐新鮮採摘嘅農產品;之後,你仲可以繼續去鳥類保護區,同披著鮮明羽毛嘅飛鳥見見面,然後企喺壯麗嘅觀望位置,睇盡島上小鹿同淡水魚嘅身影。最後,導遊將會帶你進入叢林,沿著西班河 (Sebung River) 漫步大自然之中,認識紅樹林綠茵裡安居的本地動植物,然後才登船,優哉悠哉地返回新加坡。

    • 拍照
    • 團體
    3

    馬來西亞樂高樂園 (LEGOLAND® Malaysia) 之旅嘅接送服務

    點解唔帶住全家一齊嚟玩,喺馬來西亞樂高樂園 (LEGOLAND® Malaysia) 度過好玩嘅一天?由新加坡出發,輕輕鬆鬆就可以直接去到樂園,探索園內嘅 7 個主題區同 40 多個景點,睇盡幾百萬塊樂高積木砌成嘅亞洲地標模型,坐坐真人大小嘅樂高火車遍遊公園景色,仲可以參觀埋樂高工作室,為 4-D 展覽讚嘆一番。鍾意歷險嘅你,可以喺樂高王國嘅皇家城堡裡面出征比賽,又或者到探險之地 (Land of Adventure) 搵失落嘅寶藏。玩轉公園一大輪之後,返到新加坡啱啱好係時候享用晚餐。多啲資料…

    • 家庭
    • 拍照
    4

    柔佛州新山市 (Johor Bahru) 私人半日遊

    柔佛州新山巿 (Johor Bahru) 喺馬來西亞接壤新加坡邊境,絕對係值得探索嘅全新旅遊勝地!你可以由蘇丹阿布峇卡清真寺 (Sultan Abu Baker Mosque) 開始旅遊,仲可以喺山頂嘅高聳尖塔上面盡情影相。同時,不妨留步細心睇下清真寺嘅精緻裝飾,當中包括咗色彩繽紛嘅紡織品,同埋充滿咗維多利亞風格嘅大理石裝飾;而場內紡織工匠仲會以一對巧手為布料染上漂亮圖案,叫人嘆為觀止!之後,點解唔去蘇丹阿布峇卡博物館 (Royal Abu Baker Museum),睇下各種傳家寶、文物同皇室歷史記錄,又可以參觀慕迪雅皇家陵墓 (Mahmoodiah Royal Mausoleum),了解皇室成員嘅安葬方式?喺返新加坡嘅途中,當然要一遊當地市集,品嚐傳統馬來西亞街頭美食,又或者搜羅一下手信!

    • 家庭
    • 遊歷

    相片由 Chongkian 提供 (CC BY-SA 4.0) 經修改

    5

    哥打丁宜螢火蟲公園 (Kota Tinggi Firefly Park) 私人之旅

    呢度係馬來西亞哥打丁宜 (Kota Tinggi) 最獨特、最令人讚嘆嘅名勝之一,值得探索!喺私人導遊嘅帶領下,你可以喺夜晚遊覽哥打丁宜螢火蟲公園 (Kota Tinggi Firefly Park),坐住划艇穿過紅樹林,

    沿著柔佛河 (Johor River) 欣賞幾千隻螢火蟲自由咁飛舞、照亮夜晚嘅靚景。導遊一邊划艇,仲會一邊同你講解螢火蟲嘅生態,同埋螢火蟲行為背後嘅含意,叫人眼界大開!多啲資料…

    • 家庭
    • 拍照
    Paul Smith | 旅遊常客

    開始計劃行程

    Maps