烏節路 (Orchard Road) 以購物商場出晒名;但係,如果你想一嘗購物之外嘅其他體驗,都唔晒擔心,因為呢度仲有超多好玩選擇,等你嚟發掘!今時今日,購物中心已經唔只係「血拚場地」,仲有數唔晒嘅娛樂活動,任你嚟到探索:電影院、保齡球場同遊戲中心等等,都係其中夠晒型格嘅景點。

    如果想細味一下地道文化氣息,不妨去烏節路周邊地區嘅新加坡國家博物館 (National Museum of Singapore)、新加坡美術館 (Singapore Art Museum) 同新加坡總統府 (Istana;即前總督府)。觀光成日之後,以翡翠山路上面嘅瑰麗古老建築作為旅程嘅句號,咁就夠晒完美。我哋精心搜羅咗烏節路同周邊地區嘅最正景點,一站式送晒畀你!

    1

    翡翠山路 (Emerald Hill Road)

    烏節路沿途設有好多間大型購物中心,亦都坐擁全市最迷人嘅街道之一:翡翠山。翡翠山位於烏節中央後方,曾是土生華人 (中國和馬來移民後代) 的高檔住宅區,大多數樓房建於 1900 至 1920 年間,就好似凝止時空一樣,值得你到此一遊!

    呢條街嘅建築融合裝飾藝術同中式巴洛克風格,景致如畫,同烏節路嘅現代化「石屎」高樓形成鮮明對比,令人驚艷;除此之外,呢度仲有唔少出色酒吧,提供 Happy Hour 優惠,正好俾你飲返杯、抖返陣!

    地點: 新加坡翡翠山路

    地圖

    相片由 Nicolas Lannuzel 提供 (CC BY-SA 2.0) 經修改

    2

    新加坡美術館 (Singapore Art Museum)

    新加坡美術館 (Singapore Art Museum) 位於新加坡百勝路嘅主要購物區內,珍藏咗近 8,000 件新加坡以至東南亞嘅現代同當代藝術品,值得你細意欣賞。館內展覽空間佔地超過 10,000 平方米,設有符合國際標準嘅博物館設施,同埋 14 間冷氣展廳,

    唔單止展出油畫,仲有攝影同裝置藝術作品,俾你慢慢睇。難得有機會靜心領悟區內藝術家所表達嘅各種訊息,都算係賞心樂事!而且,呢間展館嘅展覽設置清晰,有助你深入了解東南亞國家;館內仲有一間小店、Cafe 同餐廳,幾好行架!

    地點: 189555 新加坡奎因街 8 號

    開放時間: 星期一至五 09:00 至 18:00

    電話: +65 6589 9580

    地圖

    相片由 ProjectManhattan. 提供 (CC BY-SA 3.0) 經修改

    3

    新加坡國家博物館 (National Museum of Singapore)

    新加坡國家博物館 (National Museum of Singapore) 除咗擁有冠絕國內展館嘅悠久歷史,仲係呢座城邦裡面最矚目嘅國家古蹟之一,原名為萊佛士圖書館和博物館 (Raffles Library and Museum),於 1849 年至 1887 年期間曾為新加坡學府 (Singapore Institution) 圖書館的一部分,後來由 H.E Mc Callum 爵士上校遷至現有大樓。

    經過 3 年多的翻新工程,博物館終在 2006 年重新對外開放,館內展覽空間廣達 18,400 平方米,規模屬全國第一,展品主要反映新加坡同亞洲嘅豐富歷史。

    地點: 178897 新加坡史丹福路 93 號

    開放時間: 每日 10:00 至 19:00

    電話: +65 6332 3659

    地圖

    相片由 ProjectManhattan 提供 (CC BY-SA 3.0) 經修改

    4

    福康寧公園 (Fort Canning Park)

    福康寧公園 (Fort Canning Park) 鄰近新加坡市中心嘅烏節路,既係令人驚艷嘅綠色空間,亦係國內最重要嘅歷史地標之一。身處公園裡面,你可以暫時逃離都市煩囂,漫步於數之不盡嘅步道上,飽覽珍罕植物。

    與此同時,福康寧公園亦都係英軍地下指揮部嘅所在地,源於二戰年代嘅地下隧道結構繁複,相當有趣!福康寧公園位於史丹福路嘅新加坡歷史博物館後面,可以經由幾條路線入去,當中包括 Park Mall 購物中心嘅地下通道、國家圖書館嘅地下通道、禧街熟食中心同里峇峇利游泳綜合大樓 (River Valley Swimming Complex)。

    地點: 179037 新加坡里峇峇利路 70 號

    地圖

    相片由 Matt Kieffer 提供 (CC BY-SA 2.0) 經修改

    5

    新加坡總統府 (Istana)

    新加坡總統府 (Istana) 前身係總督府 (Government House),位處烏節路上面,係新加坡總統辦公室所在地,別具「皇家風範」!呢座府第由新加坡第一任總督哈里聖喬治奧德爵士 (Sir Harry St George Ord) 於 1867 年至 1869 年興建,

    設計採用新帕拉第英式印度風格建造,環境優美,造景用心,擺放住 105 毫米口徑嘅日本大砲、由西西里大理石雕琢嘅 6 英尺高維多利亞女王雕像、四個池塘同一口舊水井。新加坡總統府每年都設有公眾開放日,慶祝以下節慶:農曆新年屠妖節 (Deepavali)開齋節 (Hari Raya Puasa)勞動節國慶日

    地點: 238823 新加坡烏節路 35 號

    開放時間: 特別假期開放時間由 08:30 至 18:00

    地圖

    相片由 Elisa.rolle 提供 (CC BY 2.0) 經修改

    6

    國泰電影院 (Cinema at The Cathay)

    國泰電影院 (Cinema at The Cathay) 早於 1990 年開放,當時係名為「The Picturehouse」嘅藝術戲院,喺新加坡市中心為訪客帶嚟另類睇戲體驗,而且到而家都仲係全國唯一可以觀賞藝術電影嘅地方,相當獨特!時至今日,國泰電影院已經轉型,每日放映荷里活最新「猛片」,

    亦有舉辦節慶活動、導演分享講座同特別節目。呢間戲院位於國泰大廈 (Cathay Building),距離多美歌地鐵站只有幾步之遙,所屬集團喺新加坡各地仲有經營另外幾間戲院。

    地點: 229233 新加坡漢地路前國泰大廈

    開放時間: 電影放映時間係 12:00 至 23:00

    電話: +65 6337 8181

    地圖

    相片由 Nlannuzel 提供 (CC BY-SA 3.0) 經修改

    Paul Smith | 旅遊常客

    開始計劃行程

    Maps