克拉碼頭 (Clarke Quay) 最好玩活動

克拉碼頭同河畔最出名嘅係啲嘜嘢?

    克拉碼頭 (Clarke Quay) 擁有唔少人氣景點,為旅客帶嚟各種觀光玩樂活動,除咗夜生活之外,仲有唔少選擇。當然,講到克拉碼頭最正嘅地方,就唔可以唔講下令人驚嘆嘅水邊餐廳,同埋熱鬧到不得了嘅酒吧同夜店;但係呢,此區仲有唔少景點,等你嚟發掘!

    克拉碼頭大部分嘅頂級名勝都距離地鐵站只係幾步咁,而我哋嘅精選推介仲包括咗適合一家大細嘅好多活動同文化之旅,絕對適合日頭盡玩。到咗夜晚,你仲會有好多時間,可以享受下扣人心弦嘅克拉碼頭夜生活風情。

    1

    新加坡河

    新加坡河喺克拉碼頭 (Clarke Quay) 嘅中心地帶,流過發展蓬勃嘅夜生活區中央,唔單只為遊客營造風景如畫嘅景點,亦係「飲飲食食」嘅好地方。行上觀光船,你可以喺河嘅上下游泛舟,睇盡沿途各大得意景點,當中包括克拉碼頭同駁船碼頭 (Boat Quay),最後就到濱海灣 (Marina Bay)。

    呢條蜿蜒嘅河流流過克萊蒙梭橋 (Clemenceau Bridge) 同安德森橋 (Anderson Bridge) 等好有歷史意義嘅橋,同埋魚尾獅 (Merlion) 同濱海藝術中心 (Esplanade) 等重點地標,最後流入新加坡海峽。

    地點: 新加坡馬真路 30 號

    地圖
    • 品嚐美食
    • 晚間娛樂
    2

    亞洲文明博物館 (Asian Civilisations Museum)

    亞洲文明博物館 (Asian Civilisations Museum) 係一座好靚嘅英國殖民風格建築,距離克拉碼頭、萊佛士坊同市政廳地鐵站皆只係幾步路,雲集咗新加坡最高級嘅一啲收藏品同展覽,為你呈現當地悠久多元嘅古今面貌。

    無論你對歷史有無興趣,都不妨抽番 2 到 3 個鐘,探索一下館內眾多展廊同展覽,一定會好陶醉架!亞洲文明博物館佔地超過 14,000 平方米,嚟自亞洲各地嘅文物展品多到 1,300 件,將透過鉅細無遺嘅歷史文獻,帶你漫遊新加坡歷史長河,發掘呢個城邦古往今來嘅多元殖民歷史文化。

    地點: 179555 新加坡皇后坊 1 號

    開放時間: 每日 10:00 到 19:00 (星期五開到 21:00)

    電話: +65 6332 7798

    地圖
    • 家庭
    • 歷史文化`
    3

    史丹福萊佛士爵士 (Sir Stamford Raffles) 雕像

    史丹福萊佛士爵士 (Sir Stamford Raffles) 被公認為新加坡開埠鼻祖,而成個城邦有兩尊爵士雕像—黑色青銅像聳立喺維多利亞劇院 (Victoria Theatre) 前面;

    佢純白色嘅聚合大理石「複製品」就放咗喺北駁船碼頭 (North Boat Quay),標誌住佢喺 1819 年第一次登島嘅地點。呢兩個地區都深受當地人歡迎,尤其係好涼爽嘅夜晚,就特別好行。

    地點: 新加坡維多利亞劇院 (Victoria Theatre) 同北駁船碼頭 (North Boat Quay)

    地圖
    • 家庭
    • 拍照

    相片由 Altopian1 提供 (CC BY-SA 4.0) 經修改

    4

    福康寧公園 (Fort Canning Park)

    福康寧公園 (Fort Canning Park) 位處新加坡中部嘅細小綠丘上面。從地鐵站步行 1 分鐘,你即會被金碧輝煌的現代化辦公室和龐大購物中心所包圍;接下來呈現眼前的,卻是另一番景象—

    綠樹林蔭、無垠草地映入眼簾,恰為慢跑客、狗主,以至想稍息一番的遊人塑造出休憩場所,忘卻都會忙碌。福康寧公園位於克拉碼頭嘅酒吧餐廳區後面,可以由克拉碼頭同市政廳地鐵站輕鬆直達。

    地點: 179037 新加坡里峇峇利路 70 號

    地圖
    • 家庭
    • 歷史文化`
    • 拍照

    相片由 Matt Kieffer 提供 (CC BY-SA 2.0) 經修改

    5

    萊佛士坊 (Raffles Place)

    萊佛士坊 (Raffles Place) 同埋佢嘅周邊地帶正正位於萊佛士坊地鐵站入口出面,今時今日林立咗大華廣場 (UOB Plaza) 同大華大廈 (UOB Building) 等摩天大樓,算得上係新加坡嘅商業同金融核心,又有「中央商務區」之稱。

    其中,大華廣場一期 (UOB Plaza One) 28 樓嘅觀景室有向公眾開放,俾你欣賞新加坡河、市政區、殖民建築以至駁船碼頭嘅壯觀景色,同時細探新加坡昔日作為繁華殖民地嘅點點痕跡。

    地點: 048616 新加坡萊佛士坊 1 號

    地圖
    • 伴侶
    • 家庭
    • 購物
    • 拍照

    相片由 Ramir Borja 提供 (CC BY-SA 3.0) 經修改

    6

    民防與消防歷史博物廊 (Central Fire Station & Civil Defence Heritage Gallery)

    難得度假,參觀中央消防局 (Central Fire Station) 都好似有啲奇怪…不過,只要再望多眼新加坡呢間歷史最悠久嘅消防局,你就會發現佢引人入勝之處,單係館外嘅傳統紅白色外牆已經夠哂矚目,特色設計令到佢係當地一眾現代化商場同辦公大樓之中脫穎而出。

    行入局內,民防歷史博物廊同樣有趣精彩,可以免費遊覽,帶你了解新加坡呢處重要地標嘅得意歷史。同小朋友一齊嚟?館內亦都有唔少好玩活動—細路哥可以拎住消防裝備,坐喺消防車入面,甚至戴埋消防員嘅頭盔「扮下 Cool」!由克拉碼頭或市政廳地鐵站出發,行一陣就會直達新加坡中央消防局。

    地點: 新加坡禧街 62 號

    開放時間: 每日 10:00 至 17:00

    電話: +65 6332 3178

    地圖
    • 歷史文化`
    • 拍照

    相片由 Marcin Konsek 提供 (CC BY-SA 4.0) 經修改

    7

    駁船碼頭

    駁船碼頭係橋北路同安德森橋 (Anderson Bridge) 之間嘅水域,距離克拉碼頭站只有幾步之遙。無論你沿住河邊悠閒漫步,定係安坐周圍餐館,細賞壯麗景色,呢度都係區內焦點地標,

    又以喺克拉碼頭站渡河嘅橋北路段為重點推介—由嗰度向南望,東邊就係新加坡高樓聳立嘅中央商業區,而宏偉嘅濱海灣沙灘 (Marina Bay) 喺你嘅正前方,每日 20:00 同 21:30 都會舉行璀璨耀目嘅激光表演。之後,你可以喺水邊巷仔物色任何一間色彩繽紛嘅酒吧同餐館,抖返一陣。

    地點: 新加坡駁船碼頭

    地圖
    • 歷史文化`
    • 拍照
    8

    鳳山寺

    鳳山寺係擁有百年歷史嘅中式廟宇—如果你咁啱身處克拉碼頭 (Clarke Quay) 地區,又鍾意文化體驗多過「夜蒲」Shopping,呢度就會係你嘅理想好去處!鳳山寺位於穆罕默德蘇丹路,由一系列建築物、庭院同雕像組成,為佛教徒營造寧靜嘅敬拜場地,亦都為人數日增嘅過路遊客提供有趣嘅攝影景點。

    事實上,呢座寺廟喺國內同國際都廣獲認可,1978 年被指定為「新加坡國家古蹟」,2010 年仲獲得聯合國教科文組織亞太文化遺產保護獎嘅「優秀獎」添!克拉碼頭地鐵站距離呢座佛寺最近,行 10 分鐘就到。

    地點: 新加坡穆罕默德蘇丹路 31 號

    開放時間: 每日 08:00 至 18:00

    電話: +65 6737 3683

    地圖
    • 歷史文化`
    • 拍照

    相片由 Terence Ong 提供 (CC BY-SA 3.0) 經修改

    9

    藝術館放映室 (The Arts House Screening Room)

    藝術館放映室 (The Arts House) 係設有 75 座位嘅出色戲院,距離克拉碼頭橋北路只有幾步之隔,建築設計流露華麗嘅殖民地風格,而且每日都會放映本地同國際獨立電影,仲會定期舉辦藝術展覽,為你介紹新加坡最有前途嘅新晉藝術家添!

    除此之外,戲院裡面有一間叫做「Earshot」嘅 Cafe 兼書店,你可以喺度睇下當地優秀小說,再歎返杯 Cappuccino。無論係文學定係視覺創作領域,呢度每個落角都係為咗促進當地人才發展而設,好有意義!

    地點: 179429 新加坡舊國會里 1 號

    開放時間: 每日 10:00 至 22:00

    電話: +65 6332 6900

    地圖
    • 歷史文化`

    相片由 Smuconlaw 提供 (CC BY-SA 4.0) 經修改

    10

    G-Max 反轉笨豬跳

    G-Max 反轉笨豬跳本身已經係克拉碼頭 (Clarke Quay) 嘅地標,碩大宏偉,夜晚著燈之後格外璀璨,亦都係旅客追求刺激嘅不二之選,可以令你腎上腺素急升!

    14:00 打後,一班「挑戰者」開始蜂擁而至 (夜晚排隊嘅人龍會短啲),喺每小時 200 公里嘅速度之下,飛越 60 英尺天際。

    地點: 179024 新加坡克拉碼頭里峇峇利路 3 號

    開放時間: 每日 17:00 至深夜

    電話: +65 6338 1766

    地圖
    • 晚間娛樂
    • 遊歷

    相片由 Schristia 提供 (CC BY-SA 2.0) 經修改

    11

    新加坡密室逃脫中心 (Lockdown Singapore)

    嚟到新加坡密室逃脫中心 (Lockdown Singapore),有真實版逃脫遊戲上演—玩家會被「安置」喺上咗鎖嘅房裡面,要合作搵出逃生路線。每間房都有新嘅謎題,有啲非常簡單、有啲相對複雜—如果你真係苦無頭緒,可以隨時向熱心嘅工作人員攞下線索。萬一真係走唔甩,場內仲有緊急逃生門,俾患有幽閉恐懼症、又或者冇辦法喺限時內逃脫嘅玩家離開。

    密室逃脫遊戲適合一家大細,亦係喺新加坡落雨嗰陣打發時間嘅好玩意。新加坡密室逃脫中心位於克拉碼頭 (Clarke Quay) 嘅「The Central」購物中心入面,遊戲費用大約係每人每小時 SGD20。

    地點: 238858 新加坡 #02-02 烏節路 277 號克拉碼頭 The Central 購物中心

    開放時間: 每日 11:00 至 22:00

    電話: +65 6677 8478

    地圖
    • 家庭
    • 遊歷
    • 團體
    Paul Smith | 旅遊常客

    開始計劃行程

    Maps