新加坡市政區最好玩活動

新加坡市政區最出名嘅係啲嘜嘢?

    市政區喺新加坡嘅核心地帶,以政府機關大樓、博物館、受保護公園同紀念園地而舉世聞名,呢度有好多必睇景點;如果你未去過全世界出晒名嘅萊佛士酒店 (Raffles Hotel),就唔算真正嚟過市政區參觀啦!

    市政區佔地只係幾平方英里,但坐擁咗超多迷人嘅博物館、重要歷史建築,仲有新加坡中部最正嘅景點。由市政廳地鐵站出發,可以好輕鬆咁嚟到呢一區,然後行前去到北部嘅武吉士區 (Bugis)。另一方面,新加坡河就喺南面,濱海灣 (Marina) 亦只喺行幾步就到。

    點解唔睇下我哋精選嘅新加坡市政區最正景點,了解更多有關嘅資訊?

    1

    萊佛士酒店 (Raffles Hotel)

    萊佛士酒店 (Raffles Hotel) 在新加坡最享負盛名,初於 1887 年開業,當時只設幾間平房;但到咗今日,呢間酒店晉身新加坡引以為榮嘅地標,坐擁咗超過 100 間豪華套房、65 間精品店,同埋遍佈酒店各處嘅世界級餐廳同酒吧,

    當中包括咗供應全新加坡最正司令酒 (Singapore Sling) 嘅 Long Bar 酒吧!與此同時,萊佛士博物館 (Raffles Museum) 亦珍藏咗各種展品,歷史可以追溯到新加坡殖民時期。點解唔喺呢個知名地標逗留一到兩晚,順便參觀下酒吧或博物館,再喺 Facebook 上「曬一曬」旅遊經歷?

    地點: 新加坡美芝路 1 號

    開放時間: 萊佛士博物館開放時間係每日 10:00 到 19:00;購物商場就每天 10:30 到 19:30

    電話: +65 6337 1886

    地圖
    • 歷史文化`
    • 拍照
    • 豪華住宿
    2

    新加坡國家博物館 (Singapore National Museum)

    新加坡國家博物館 (National Museum Singapore) 喺 120 年前建成,佔地超過 18,000 平方米,喺國內歷史最悠久,規模最大。館內分為「生活廊 (Living Galleries)」同「歷史廊 (History Gallery)」兩大展區—「生活廊」以時尚、電影、美食、攝影同中國戲曲作為核心元素;而「歷史廊」就展出大量文物,記載咗新加坡豐富而迷人嘅過去。

    就算你唔太好歷史,博物館本身超特別嘅建築亦都值得一睇,佢嘅經典新古典主義風格結構,融入咗現代設計元素,稱得上係建築奇觀!新加坡國家博物館喺史丹福路嘅福康寧公園 (Fort Canning Park) 後面。

    地點: 178897 新加坡史丹福路 93 號

    開放時間: 每日 10:00 到 19:00

    電話: +65 6332 3659

    地圖
    • 歷史文化`
    • 拍照
    3

    聖安德烈座堂 (St Andrew's Cathedral)

    呢座白色大教堂金碧輝煌,瑰麗奪目,由市政廳地鐵站搭電梯就可以到啦,你一定唔可以錯過!聖安德烈座堂 (St Andrew's Cathedral) 係新加坡第一間聖公會教堂,由羅納德麥克弗森上校 (Colonel Ronald McPherson) 設計,規模冠絕全國。原來嘅座堂曾經遭到雷擊受到損毀,之後喺 1856 年修葺成宜家呢個結構。

    你可以隨心行入拱形入口,探索寬敞超大嘅主堂,而且欣賞遊客中心售賣嘅各種紀念品同手工藝品;而附近嘅公園區亦係唔錯嘅免費消閒場所,每逢週末都吸引唔少當地人嚟呢度野餐,飲番杯凍飲消暑。

    地點: 178959 新加坡聖安德烈路 11 號

    開放時間: 導賞團:星期一到三同星期五 10:30 到 15:00;星期四 15:00

    電話: +65 6337 6104

    地圖
    • 歷史文化`

    相片由 Someformofhuman. 提供 (CC BY-SA 3.0) 經修改

    4

    福康寧公園 (Fort Canning Park)

    如果你想遠離都市煩囂,可以去福康寧公園 (Fort Canning Park),享受新加坡市中心寧靜嘅綠茵。由市政廳站或克拉碼頭站行 1 分鐘,就會被金碧輝煌嘅現代化辦公室同超大嘅購物中心包圍;之後眼前睇到嘅,又係另一番景象—

    綠樹林蔭、廣闊嘅草地一眼睇晒,正正係慢跑健將、狗主,甚至想休息一下嘅遊客好去處,塑造出一個休憩場所,可以忘記都市嘅忙碌。另一方面,福康寧公園亦有深遠嘅歷史意義—呢座山頭曾經係 14 世紀馬來統治者嘅居所,喺第二次世界大戰期間仲設有軍事基地!

    地點: 179037 新加坡里峇峇利路 70 號

    地圖
    • 家庭
    • 經濟實惠
    5

    民防與消防歷史博物廊 (Central Fire Station & Civil Defence Heritage Gallery)

    呢間絢麗奪目嘅殖民風格消防局裡面設有超正嘅博物館,珍藏咗各種有趣展覽同展廊,單係館外嘅傳統紅白色外牆就已經令人注目,特色嘅設計令到佢喺當地好多現代化商場同辦公大樓裡面脫穎而出。

    走入裡面,民防歷史博物廊都係好引人入勝,可以免費參觀,有助你了解新加坡呢度重要地標嘅豐富歷史。同小朋友一齊嚟?館內亦有好玩嘅活動,一班細路可以攞住消防裝備,坐喺消防車裡面,甚至戴上消防員嘅頭盔「扮下 Cool」!由克拉碼頭或市政廳地鐵站出發,行一段路就可以到新加坡中央消防局。

    地點: 新加坡禧街 62 號

    開放時間: 每日 10:00 至 17:00

    電話: +65 6332 3178

    地圖
    • 歷史文化`

    相片由 CEphoto, Uwe Aranas 提供 (CC BY-SA 3.0) 經修改

    6

    亞洲文明博物館 (Asian Civilisations Museum)

    亞洲文明博物館 (Asian Civilisations Museum) 係一座好靚嘅英國殖民風格建築,距離克拉碼頭、萊佛士坊同市政廳地鐵站只係幾步路咁,雲集咗新加坡最正嘅一啲收藏品同展覽,為你呈現咗當地悠久多元嘅古今面貌。無論你對歷史有無興趣,都不妨抽番 2 到 3 個鐘,探索一下館內眾多展廊同展覽,一定會好陶醉架!

    亞洲文明博物館佔地超過 14,000 平方米,嚟自亞洲各地嘅文物展品多到 1,300 件,將透過鉅細無遺嘅歷史文獻,帶你漫遊新加坡歷史長河,發掘呢個城邦古往今來嘅多元殖民歷史文化。

    地點: 179555 新加坡皇后坊 1 號

    開放時間: 每日 10:00 到 19:00 (星期五開到 21:00)

    電話: +65 6332 7798

    地圖
    • 家庭
    • 歷史文化`
    7

    讚美廣場 (Chijmes)

    讚美廣場 (Chijmes) 位居新加坡三大著名地標之一,外面睇落明亮嘅白色經典哥特式設計,令人一眼就認出嚟。呢座廣場曾經係修道院學校兼教堂,宜家已經搖身一變,成為多功能「生活風格」嘅場所,裡面有一排排高級餐廳、精品店同酒吧林立,

    佢亦會畀私人租場用,舉辦活動、婚禮,同埋間中仲有現場節目上演!另外,廣場四周圍嘅空地亦係自已探索嘅好去處。

    地點: 187996 新加坡維多利亞街 30 號

    開放時間: 每日 11:00 到 22:00

    電話: +65 6337 7810

    地圖
    • 歷史文化`

    相片由 edwin.11 提供 (CC BY 2.0) 經修改

    8

    國家圖書館 (National Library)

    呢座 16 層高嘅圖書館喺正市政廳同武吉士地鐵站之間,取代咗 2004 年閉館嘅舊史丹福街新加坡國家圖書館 (National Library of Singapore)。宜家呢座建築裡面就係中央公共圖書館,館藏超過 200,000 冊書,如果你登記咗做會員,就可以借嚟睇啦。

    館內仲有李光前參考圖書館,提供 Wi-Fi 連線,可以查閱網上同實體資源,營造咗理想學習環境,但係館藏就唔帶得出外面。

    地點: 188064 新加坡維多利亞街 100 號

    開放時間: 每日 10:00 到 21:00

    電話: +65 6332 3255

    • 家庭
    • 歷史文化`

    相片由 Nlannuzel 提供 (CC BY-SA 3.0) 經修改

    9

    新加坡美術館 (Singapore Art Museum)

    新加坡美術館 (Singapore Art Museum) 喺新加坡市中心勿拉士峇沙路度,距離市政廳地鐵站只係幾個街口—如果想近距離欣賞差唔多有 8,000 件新加坡同東南亞當代到現代藝術品,呢度正正係你必遊嘅地方!成間博物館面積超過 10,000 平方米,設有大約 15 個全面恆溫控制嘅展廳,全部都令人大開眼界。

    雖然展廊不斷變化,但總有得意展覽同節目,無論你幾時嚟參觀,都一定滿載而歸—而且,就連悅榕莊嘅博物館商店亦喺館內!

    地點: 189555 新加坡奎因街 8 號

    開放時間: 星期一到五 09:00 到 18:00 (星期六同日休息)

    電話: +65 6589 9580

    地圖
    • 歷史文化`
    • 拍照

    相片由 ProjectManhattan. 提供 (CC BY-SA 3.0) 經修改

    10

    最高法院同市政廳

    最高法院大樓喺 1939 年建成,係市政區內最後一批殖民地建築,佢嘅科林斯式樑柱嘅華麗設計出自意大利藝術家 Cavaliere Rodolfo Nolli 手筆。

    嚟到呢度,你可以攞份《最高法院指南 (Guide to the Supreme Court)》嚟睇下,亦可睇下有關新加坡司法制度嘅多媒體演示,同埋參加最高法院開放日同展覽。市政廳前面,有一段好壯麗嘅樓梯,通往大門—而呢度正係日本喺第二次世界大戰結束時正式投降嘅地方。

    地點: 178958 新加坡聖安德烈路 3 號

    開放時間: 每日 09:00 到 18:00

    地圖
    • 歷史文化`
    • 拍照
    Paul Smith | 旅遊常客

    開始計劃行程

    Maps