新加坡市政區最好玩活動

市政區喺新加坡嘅核心地帶，以政府機關大樓、博物館、受保護公園同紀念園地而舉世聞名，呢度有好多必睇景點；如果你未去過全世界出晒名嘅萊佛士酒店 (Raffles Hotel)，就唔算真正嚟過市政區參觀啦！

市政區佔地只係幾平方英里，但坐擁咗超多迷人嘅博物館、重要歷史建築，仲有新加坡中部最正嘅景點。由市政廳地鐵站出發，可以好輕鬆咁嚟到呢一區，然後行前去到北部嘅武吉士區 (Bugis)。另一方面，新加坡河就喺南面，濱海灣 (Marina) 亦只喺行幾步就到。

點解唔睇下我哋精選嘅新加坡市政區最正景點，了解更多有關嘅資訊？

新加坡酒店

1. 萊佛士酒店 (Raffles Hotel)

推介： 歷史文化, 拍照, 豪華住宿

萊佛士酒店 (Raffles Hotel) 在新加坡最享負盛名，初於 1887 年開業，當時只設幾間平房；但到咗今日，呢間酒店晉身新加坡引以為榮嘅地標，坐擁咗超過 100 間豪華套房、65 間精品店，同埋遍佈酒店各處嘅世界級餐廳同酒吧，

當中包括咗供應全新加坡最正司令酒 (Singapore Sling) 嘅 Long Bar 酒吧！與此同時，萊佛士博物館 (Raffles Museum) 亦珍藏咗各種展品，歷史可以追溯到新加坡殖民時期。點解唔喺呢個知名地標逗留一到兩晚，順便參觀下酒吧或博物館，再喺 Facebook 上「曬一曬」旅遊經歷？ 閱讀更多資訊

位置： 新加坡美芝路 1 號

開放時間： 萊佛士博物館開放時間係每日 10:00 到 19:00；購物商場就每天 10:30 到 19:30

電話： +65 6337 1886

探索萊佛士城酒店

2. 新加坡國家博物館 (Singapore National Museum)

推介： 歷史文化, 拍照

新加坡國家博物館 (National Museum Singapore) 喺 120 年前建成，佔地超過 18,000 平方米，喺國內歷史最悠久，規模最大。館內分為「生活廊 (Living Galleries)」同「歷史廊 (History Gallery)」兩大展區—「生活廊」以時尚、電影、美食、攝影同中國戲曲作為核心元素；而「歷史廊」就展出大量文物，記載咗新加坡豐富而迷人嘅過去。

就算你唔太好歷史，博物館本身超特別嘅建築亦都值得一睇，佢嘅經典新古典主義風格結構，融入咗現代設計元素，稱得上係建築奇觀！新加坡國家博物館喺史丹福路嘅福康寧公園 (Fort Canning Park) 後面。

位置： 178897 新加坡史丹福路 93 號

開放時間： 每日 10:00 到 19:00

電話： +65 6332 3659

探索新加坡國家博物館酒店

3. 聖安德烈座堂 (St Andrew’s Cathedral)

推介： Historia

呢座白色大教堂金碧輝煌，瑰麗奪目，由市政廳地鐵站搭電梯就可以到啦，你一定唔可以錯過！聖安德烈座堂 (St Andrew’s Cathedral) 係新加坡第一間聖公會教堂，由羅納德麥克弗森上校 (Colonel Ronald McPherson) 設計，規模冠絕全國。原來嘅座堂曾經遭到雷擊受到損毀，之後喺 1856 年修葺成宜家呢個結構。

你可以隨心行入拱形入口，探索寬敞超大嘅主堂，而且欣賞遊客中心售賣嘅各種紀念品同手工藝品；而附近嘅公園區亦係唔錯嘅免費消閒場所，每逢週末都吸引唔少當地人嚟呢度野餐，飲番杯凍飲消暑。

位置： 178959 新加坡聖安德烈路 11 號

開放時間： 導賞團：星期一到三同星期五 10:30 到 15:00；星期四 15:00

電話： +65 6337 6104

探索聖安德烈座堂酒店

4. 福康寧公園 (Fort Canning Park)

推介： 家庭, 經濟實惠

如果你想遠離都市煩囂，可以去福康寧公園 (Fort Canning Park)，享受新加坡市中心寧靜嘅綠茵。由市政廳站或克拉碼頭站行 1 分鐘，就會被金碧輝煌嘅現代化辦公室同超大嘅購物中心包圍；之後眼前睇到嘅，又係另一番景象—

綠樹林蔭、廣闊嘅草地一眼睇晒，正正係慢跑健將、狗主，甚至想休息一下嘅遊客好去處，塑造出一個休憩場所，可以忘記都市嘅忙碌。另一方面，福康寧公園亦有深遠嘅歷史意義—呢座山頭曾經係 14 世紀馬來統治者嘅居所，喺第二次世界大戰期間仲設有軍事基地！

位置： 179037 新加坡里峇峇利路 70 號

探索福康寧公園酒店

5. 民防與消防歷史博物廊 (Central Fire Station & Civil Defence Heritage Gallery)

推介： Historia

呢間絢麗奪目嘅殖民風格消防局裡面設有超正嘅博物館，珍藏咗各種有趣展覽同展廊，單係館外嘅傳統紅白色外牆就已經令人注目，特色嘅設計令到佢喺當地好多現代化商場同辦公大樓裡面脫穎而出。

走入裡面，民防歷史博物廊都係好引人入勝，可以免費參觀，有助你了解新加坡呢度重要地標嘅豐富歷史。同小朋友一齊嚟？館內亦有好玩嘅活動，一班細路可以攞住消防裝備，坐喺消防車裡面，甚至戴上消防員嘅頭盔「扮下 Cool」！由克拉碼頭或市政廳地鐵站出發，行一段路就可以到新加坡中央消防局。

位置： 新加坡禧街 62 號

開放時間： 每日 10:00 至 17:00

電話： +65 6332 3178

查看附近住宿

6. 亞洲文明博物館 (Asian Civilisations Museum)

推介： 家庭, 歷史文化

亞洲文明博物館 (Asian Civilisations Museum) 係一座好靚嘅英國殖民風格建築，距離克拉碼頭、萊佛士坊同市政廳地鐵站只係幾步路咁，雲集咗新加坡最正嘅一啲收藏品同展覽，為你呈現咗當地悠久多元嘅古今面貌。無論你對歷史有無興趣，都不妨抽番 2 到 3 個鐘，探索一下館內眾多展廊同展覽，一定會好陶醉架！

亞洲文明博物館佔地超過 14,000 平方米，嚟自亞洲各地嘅文物展品多到 1,300 件，將透過鉅細無遺嘅歷史文獻，帶你漫遊新加坡歷史長河，發掘呢個城邦古往今來嘅多元殖民歷史文化。 閱讀更多資訊

位置： 179555 新加坡皇后坊 1 號

開放時間： 每日 10:00 到 19:00 (星期五開到 21:00)

電話： +65 6332 7798

探索亞洲文明博物館酒店

7. 讚美廣場 (Chijmes)

推介： Historia

讚美廣場 (Chijmes) 位居新加坡三大著名地標之一，外面睇落明亮嘅白色經典哥特式設計，令人一眼就認出嚟。呢座廣場曾經係修道院學校兼教堂，宜家已經搖身一變，成為多功能「生活風格」嘅場所，裡面有一排排高級餐廳、精品店同酒吧林立，

佢亦會畀私人租場用，舉辦活動、婚禮，同埋間中仲有現場節目上演！另外，廣場四周圍嘅空地亦係自已探索嘅好去處。

位置： 187996 新加坡維多利亞街 30 號

開放時間： 每日 11:00 到 22:00

電話： +65 6337 7810

8. 國家圖書館 (National Library)

推介： Familias, Historia

呢座 16 層高嘅圖書館喺正市政廳同武吉士地鐵站之間，取代咗 2004 年閉館嘅舊史丹福街新加坡國家圖書館 (National Library of Singapore)。宜家呢座建築裡面就係中央公共圖書館，館藏超過 200,000 冊書，如果你登記咗做會員，就可以借嚟睇啦。

館內仲有李光前參考圖書館，提供 Wi-Fi 連線，可以查閱網上同實體資源，營造咗理想學習環境，但係館藏就唔帶得出外面。

位置： 188064 新加坡維多利亞街 100 號

開放時間： 每日 10:00 到 21:00

電話： +65 6332 3255

查看附近住宿

9. 新加坡美術館 (Singapore Art Museum)

推介： 歷史文化, 拍照

新加坡美術館 (Singapore Art Museum) 喺新加坡市中心勿拉士峇沙路度，距離市政廳地鐵站只係幾個街口—如果想近距離欣賞差唔多有 8,000 件新加坡同東南亞當代到現代藝術品，呢度正正係你必遊嘅地方！成間博物館面積超過 10,000 平方米，設有大約 15 個全面恆溫控制嘅展廳，全部都令人大開眼界。

雖然展廊不斷變化，但總有得意展覽同節目，無論你幾時嚟參觀，都一定滿載而歸—而且，就連悅榕莊嘅博物館商店亦喺館內！

位置： 189555 新加坡奎因街 8 號

開放時間： 星期一到五 09:00 到 18:00 (星期六同日休息)

電話： +65 6589 9580

探索新加坡美術館酒店

10. 最高法院同市政廳

推介： Historia, Foto

最高法院大樓喺 1939 年建成，係市政區內最後一批殖民地建築，佢嘅科林斯式樑柱嘅華麗設計出自意大利藝術家 Cavaliere Rodolfo Nolli 手筆。

嚟到呢度，你可以攞份《最高法院指南 (Guide to the Supreme Court)》嚟睇下，亦可睇下有關新加坡司法制度嘅多媒體演示，同埋參加最高法院開放日同展覽。市政廳前面，有一段好壯麗嘅樓梯，通往大門—而呢度正係日本喺第二次世界大戰結束時正式投降嘅地方。

位置： 178958 新加坡聖安德烈路 3 號

開放時間： 每日 09:00 到 18:00

查看附近住宿

Este artículo incluye opiniones del equipo editorial de Go Guides. Hoteles.com compensa a sus autores por los artículos que se muestran en el sitio. La compensación puede incluir costos de viaje y otros costos.