新加坡牛車水同市內其他地方形成好強烈嘅對比,街上望過去,全部都係矮小建築同文化元素,而傳統美食嘅香氣更喺鮮紅純金色調嘅樓房中間飄晒出嚟!

    呢個地區以傳統自豪,擁有唔少引人注目嘅特色景點,包括咗華麗嘅中式寺院、佛寺同印度教寺廟,另外又有好多唔同珍藏嘅博物館,同埋繁華街道兩邊嘅舊式店屋,真係睇都睇唔晒。

    1

    佛牙寺

    • 歷史文化`
    • 拍照
    • 經濟實惠

    佛牙寺係一座出名嘅四層高寺廟。走入大門果時,超高樓底嘅華麗主廳即刻睇到;而鐘樓同鼓樓亦喺同一層。

    遊客嘅焦點大多數會落喺四樓高 2 米嘅純金佛塔,而果度正正係保存神聖佛牙嘅地方。繼續走上頂樓,你仲會見到一座大型轉經輪寶塔。佛牙寺建築風格以佛教曼陀羅作為基礎,同唐代佛教元素融為一體。

    地點: 058840 新加坡橋南路 288 號

    開放時間: 每日 09:00 到 18:30

    電話: +65 6220 0220

    地圖
    2

    馬里安曼興都廟 (Sri Mariamman Temple)

    • 歷史文化`

    貴為新加坡最古老嘅神廟,馬里安曼廟 (Sri Mariamman Temple) 係當地印度泰米爾教徒嘅人氣參拜聖地之一,拜嘅係防病女神馬里安曼 (Mariamman)。

    呢座寺廟最初喺 1827 年由檳城印度商人 Naraina Pillai 興建,喺 1862 年改建成宜家嘅建築,後嚟亦經過多次翻修,除咗作為參拜場所外,仲會為嚟自南印度泰米爾印度教社區嘅新移民提供庇護。

    地點: 058793 新加坡橋南路 244 號

    開放時間: 每日 07:00 到 12:00 同 18:00 到 21:00

    電話: +65 6223 4064

    地圖

    相片由 Bahnfrend 提供 (CC BY-SA 4.0) 經修改

    3

    達士嶺組屋 (Pinnacle@Duxton Skybridge)

    • 拍照

    新加坡嘅天際靚景多到數唔晒,但達士嶺組屋 (Pinnacle@Duxton Skybridge) 就有啲唔同。呢度位處世上最高嘅住宅樓頂,只要 SGD5 就可以欣賞到大多數時間都清幽寧靜嘅景觀—正因為每日訪客人數設喺上限 200 人,以免打擾當地居民,先至令呢度好有「隱世秘境」嘅氣氛!

    達士嶺組屋傲視四周建築,你仲可以由呢度遠望過去牛車水同聖淘沙島 (Sentosa Island);如果想走上觀景台,你就要有一張易通卡 (EZ Link);呢張卡亦可以用嚟搭公共交通工具,遊覽全市。

    地點: 085301 新加坡廣東明路 1G 號

    開放時間: 每日 08:00 到 17:00 (星期六直到 13:00)

    電話: +65 8683 7760

    地圖

    相片由 Zairon 提供 (CC BY-SA 4.0) 經修改

    4

    新加坡國立大學峇峇住宅 (NUS Baba House)

    • 歷史文化`

    新加坡國立大學峇峇住宅 (NUS Baba House) 建喺 1890 年代,曾經係黃氏家族 (航運大亨黃敏後裔) 嘅祖居,歷史悠久,可以畀遊客探索土生土長嘅華人 (新加坡海峽出生嘅中國人同馬來人/印尼人) 由 20 世紀初到今日嘅文化點滴。呢座建築係少數保留得好好嘅聯排別墅之一,最底果兩層更擺放咗瓷器、傢俱同藝術品等等由土生土長嘅華人擁有嘅古董;三樓宜家已經改建成為展覽同項目主題畫廊,畀到遊客唔同角度咁探索鄰里社區。

    新加坡國立大學峇峇住宅嘅 1 個鐘導賞參觀活動只可以預約參加,建議遊客喺官方網站提早報名參加:babahouse.nus.edu.sg。

    只限預約。
    Heritage Tours in English: 星期二到五 10:00。
    文華遺產之旅:10:00 (每個月第一個星期一)。
    自助遊:星期六 13:30、14:15、15:15 同 16:00。
    星期日同公眾假期休息

    地點: 088883 新加坡尼路 157 號

    電話: +65 6227 5731

    5

    新加坡城市規劃展覽館 (Singapore City Gallery)

    • 家庭
    • 歷史文化`

    俗語有云:「羅馬唔係一日建成嘅」;新加坡亦唔例外。如果你想探索呢個小島國點樣將 580 萬人嘅工作、生活同娛樂串連喺一齊,不妨由新加坡城市規劃展覽館 (Singapore City Gallery) 開始去了解!

    新加坡城市規劃展覽館喺 1999 年開館,喺正舊城區附近,地理位置好正,目的喺要向遊客介紹新加坡現代化嘅生活方式,同埋城市規劃當局點樣制定可持續發展大計。館內珍藏咗超過 50 件互動展品,分別放置喺 3 個樓層,可以畀你睇晒新加坡嘅過去、現在同未來—而且,你仲可為新加坡嘅發展道路同未來走向「作主」,體驗超級特別!環顧呢個館,最令人印象深刻嘅展品一定係中心區域嘅模型,佢嘅比例係 1:400,用 3D 立體形式展示新加坡市中心嘅縮影。

    地點: 069118 新加坡麥士威路 45 號市區重建局中心

    開放時間: 星期一到六 09:00 到 17:00 (逢星期日休息)

    地圖
    6

    紅點設計博物館 (Red Dot Design Museum)

    • 家庭
    • 歷史文化`

    紅點設計博物館 (Red Dot Design Museum) 將會令你對日常物品從此另眼相看!呢間博物館講述創新產品點樣為我哋簡化生活,揭開咗佢地嘅神秘面紗,又引領訪客探索新奇得意嘅小玩意。你喺館裡面,「話咁快」就可以打發一個鐘光陰啦。

    紅點設計博物館規模相當細,但展出咗又多範疇又廣嘅設計產品,由廣告海報、包裝、電腦到家用電器等等,應有盡有。

    地點: 018940 新加坡濱海林蔭道 11 號

    開放時間: 星期一到四 10:00 到 20:00;星期五到日 10:00 到 23:00

    電話: +65 6514 0111

    地圖
    7

    牛車水市集

    • 家庭
    • 購物
    • 品嚐美食
    • 經濟實惠

    呢啲繁忙嘅街道佈滿咗符合遊客期望嘅景點,幾百個攤位售賣各類貨品、由絲綢長袍到招財貓等,應有盡有。標有「中國製造」嘅商品多到數唔晒,當你抬頭一望,即刻見到燈籠喺微風中搖曳,好有一番風情。除咗購物之外,區內到處都係各式各樣嘅街頭美食車,有新鮮點心同脆皮烤鴨等你品嚐。

    如果想用最優惠價錢買晒所有嘢,記住要面帶笑容,殺價一番!牛車水市場日頭會營業,黃昏果時亮起燈,就更加璀璨,而小販嘅叫賣聲肯定會引誘你行過去,睇下商品嘅真面目。

    地點: 新加坡史密斯街 335 號

    開放時間: 每日 11:00 到 23:00

    地圖

    相片由 Marcin Konsek 提供 (CC BY-SA 4.0) 經修改

    8

    天福宮

    • 歷史文化`

    天福宮係新加坡最古老、但最得意嘅中式寺廟,喺 1820 年左右建成,有佛、道兩派一齊共存,專門供奉保祐海員嘅媽祖天后娘娘。呢座寺廟色彩繽紛,喺正牛車水中心嘅直落亞逸街,

    原址為新加坡填海前嘅海濱,經常吸引啲水手同早期定居嘅人士嚟呢度,答謝神明保佑航海安全。呢座寺點綴咗精心繪製嘅大門,仲有裝飾精美嘅橫樑同金箔匾額,睇落就覺得賞心悅目!

    地點: 068613 新加坡直落亞逸街 158 號

    開放時間: 每日 07:30 到 17:30

    電話: +65 6423 4616

    地圖

    相片由 Zairon 提供 (CC BY-SA 4.0) 經修改

    9

    洪林公園 (演講角)

    • 家庭
    • 拍照

    洪林公園係牛車水中央嘅一個小公園,因為係新加坡人唯一可以公開表達個人思想嘅場地而出晒名。要喺呢度演講,你一定要先遵守所有規矩,當中包括:你係新加坡人;你唔會講論宗教議題;你發言之前會先通知警方。

    事實上,公園裡面經常有示威活動,但星期一到五次數就唔多,所以仍然係放鬆身心同透涼嘅好去處。週末果時嚟呢度,你就可以睇到滔滔不絕嘅辯論。

    地點: 059299 新加坡新橋路

    地圖
    10

    阿爾阿布拉回教堂 (Al-Abrar Mosque)

    • 歷史文化`

    呢座清真寺喺1827 年建成,原本規模唔大,好多人叫佢做「小屋清真寺 (hut mosque)」,而呢度亦成為咗清真寺嘅別名。宜家睇到嘅清真寺喺 1850 年代落成,曾經喺 1980 年代進行大型翻新。

    地點: 068635 新加坡直落亞逸街 192 號

    電話: +65 6220 6306

    地圖

    相片由 Marcin Konsek 提供 (CC BY-SA 4.0) 經修改

    11

    牛車水原貌館 (Chinatown Heritage Centre)

    • 歷史文化`

    新加坡設有好多別開生面嘅博物館;如果你想進一步了解以前牛車水嘅豐富歷史,同埋新加坡移民嘅生活狀況,就不妨嚟牛車水原貌館 (Chinatown Heritage Centre) 參觀。呢個館入場費成人 SGD15,小童 (7-12 歲) SGD11。

    地點: 059207 新加坡寶塔街 48 號

    開放時間: 每日 09:00 到 20:00

    電話: +65 6221 9556

    地圖

    相片由 Joyofmuseums 提供 (CC BY-SA 4.0) 經修改

    12

    中國衛理公會教堂

    • 歷史文化`

    牛車水雲集咗好多文化建築,當中包括咗新加坡第一座衛理公會教堂。你可以喺直落亞逸街搵到呢座教堂嘅蹤影,同埋欣賞堂內嘅藝術風格裝飾同中式屋頂等建築特色。

    中國衛理公會教堂嘅星期日禮拜活動喺 09:00、11:00 同 13:30 進行,分別以英語、福建話同印尼話講道。

    地點: 068656 新加坡直落亞逸街 235 號

    電話: +65 6324 4001

    地圖

    相片由 Jacklee 提供 (CC BY-SA 4.0) 經修改

    13

    余仁生中醫堂

    • 歷史文化`

    顧名思義,余仁生中醫堂係新加坡大多數華人買傳統藥材嘅地方,呢間店由華人富商余東旋喺 1910 年興建,由果時起就成為區內嘅重要中樞,另外亦有售賣中國茶同草藥等其他產品。

    地點: 058822 新加坡橋南路 273 號

    開放時間: 星期一、二、四 08:30 到 18:00。星期三同五 08:30 到 20:00;星期六 08:30 到 19:30 (星期日休息)

    電話: +65 6223 5085

    地圖

    相片由 WiNG 提供 (CC BY-SA 3.0) 經修改

    • 遊歷

    G-Max 反轉笨豬跳係新加坡嘅自家笨豬跳設施,刺激快感一定會令你腎上腺素急升!呢度嘅地標喺正克拉碼頭 (Clarke Quay) 嘅著名「夜蒲」勝地,熱心職員會帶你坐進地面的彈跳艙,然後按下按鈕,將你彈到 60 米的高空中!

    閱讀更多資訊

    地點: 179024 新加坡克拉碼頭里峇峇利路 3 號

    開放時間: 每日 17:00 至深夜

    電話: +65 6338 1766

    地圖

    相片由 Schristia 提供 (CC BY-SA 2.0) 經修改

    15

    詹美回教堂 (Jamae Mosque)

    • 歷史文化`

    詹美回教堂 (Jamae Mosque) 係新加坡牛車水區內好多敬拜場所之一,喺 1830 年代由印度科羅曼德海岸嘅穆斯林商家兼放債人機構 Chulia Indians 興建,被視為國內歷史最悠久嘅回教寺廟之一。

    地點: 058767 新加坡橋南路 218 號

    電話: +65 6221 4165

    地圖

    相片由 xiquinhosilva 提供 (CC BY 2.0) 經修改

    • 品嚐美食
    • 經濟實惠

    牛車水區內嘅小販中心真係唔少,而麥士威熟食中心 (Maxwell Food Centre) 就係其中之一,場內售賣嘅地道「街邊檔」小食宜家已經絕跡街頭,只得呢度先可以品嚐到,亦係好得意嘅體驗!

    麥士威熟食中心好似新加坡嘅縮影,受中國、印度同馬嚟西亞文化影響好深;而旅客全部都對呢度嘅美食流晒口水,無論係雲吞豬扒麵、肉骨茶配白飯、參巴醬烤魔鬼魚、沙爹、豉汁螄蚶炒蛋飯等等都各有捧場客,而呢度消費平民化,價錢十分平。

    閱讀更多資訊

    地點: 069184 新加坡卡達耶納盧爾街 1 號

    開放時間: 每日 08:00 到 02:00

    電話: +65 6225 5632

    地圖

    相片由 Fabio Achilli 提供 (CC BY 2.0) 經修改

    17

    納哥德卡殿 (Nagore Durgha Shrine)

    • 歷史文化`

    納哥德卡殿 (Nagore Durgha Shrine) 喺新加坡牛車水嘅直落亞逸街,係當地嘅主要印度教聖地兼地標,呢度有獨特嘅古典模壓拱門同石柱,配埋印度穆斯林圖案,絢麗奪目。

    呢間寺廟由嚟自印度南部嘅穆斯林移民興建,歷史可以追溯到 1828 年,慢慢成為新加坡嘅焦點古蹟之一。只要行到直落亞逸街同文達街交界,就能輕鬆搵到納哥德卡殿嘅蹤影。

    地點: 068604 新加坡直落亞逸街 140 號

    電話: +65 6256 8188

    地圖

    相片由 ZoomanSP 提供 (CC0 1.0) 經修改

    Paul Smith | 旅遊常客

    開始計劃行程

    Maps