新加坡牛車水 9 大購物好去處

新加坡牛車水購物攻略

    新加坡嘅牛車水係中式用品嘅集中地,一路延伸到區內嘅商店同購物中心。呢條街售賣嘅貨物大多數都喺中國製造,由傳統古老玩意、進口玩具到稀有古董,都係應有盡有!如果要數我哋喺新加坡牛車水嘅首選購物熱點,當然就係牛車水地鐵站附近嘅特色市場;

    另一方面,購物中心亦係不錯嘅購物好去處,裡面嘅中國商品物超所值。除咗購物外,又點少得美食?「血拚」一番之後,不妨喺呢度品嚐下各種小食,休息一陣!為咗幫你了解新加坡好玩有趣、又令人困惑嘅地方,歡迎睇下呢份「新加坡牛車水購物攻略」,睇下區內各種特色。

    1

    牛車水市集

    想了解牛車水市集,最快嘅方法就係行下寶塔街、丁加奴街、西谷巷、史密斯街同廟街等街道嘅商舖同檔攤。呢啲繁忙嘅街道佈滿咗符合遊客期望嘅靚景,幾百個攤位售賣各種貨品、由絲綢長袍到招財貓等等,應有盡有。

    除咗購物之外,區內到處都係各式各樣嘅街頭美食車,有新鮮點心同脆皮烤鴨等你品嚐。如果想用最優惠價錢買晒所有嘢,記住要面帶笑容,殺價一番!牛車水市場日頭會營業,黃昏果時亮起燈,就更加璀璨,而小販嘅叫賣聲肯定會引誘你行過去,睇下商品嘅真面目。

    地點: 050005 新加坡寶塔街同丁加奴街

    開放時間: 每日 09:30 到 20:00

    地圖
    • 家庭
    • 購物
    • 經濟實惠
    2

    安祥路

    喺牛車水購物之後,呢條開滿咗古老店舖嘅迷人街道就係另一個好去處!安祥路有唔少精品小店;同新加坡出晒名嘅大型購物中心相比,呢度嘅貨品更加與別不同,

    又以服裝店最多—其中,Umbrella 售賣世界各地嘅時尚女裝品牌產品;部分精品店專賣嚟自亞洲地區嘅彩色派對禮服同獨立品牌出品,等你發掘;想訂製醒神嘅男裝恤衫同西裝,去 Aston Blake 行番轉就啱啦!

    地點: 新加坡牛車水安祥路同客納街

    開放時間: 大多數商舖每日 10:00 到 17:00 營業

    地圖
    • 購物
    • 歷史文化`

    相片由 Terence Ong 提供 (CC BY-SA 3.0) 經修改

    3

    丹戎巴葛廣場 (Tanjong Pagar Plaza)

    呢座奶油色嘅建築外觀睇落一般,但如果你想搵平嘢,呢度就係你嘅最好選擇!丹戎巴葛廣場 (Tanjong Pagar Plaza) 設有 130 間商舖,入口果度被美容院、美甲店同理髮店「霸佔」,其他位置就係買電子產品、文具甚至紡織品嘅好地方。

    如果你自認係「美食達人」,不妨去多姿多彩嘅二樓美食廣場,品嚐下特色菜之一:魚湯 (場內五個攤檔都有賣架)!丹戎巴葛廣場以當地人為主要客路,由貨品價錢可以睇得出—如果你預算有限,但又鍾意購物,呢度一定會畀到你難忘嘅體驗。

    地點: 081006 新加坡丹戎巴葛廣場

    開放時間: 星期一到六 08:00 到 20:00 (逢星期日休息)

    地圖
    • 購物

    相片由 Terence Ong 提供 (CC BY-SA 3.0) 經修改

    4

    BooksActually 書店

    BooksActually 肯定係新加坡最正嘅獨立書城,書本種類超多,仲有同新加坡新晉作家合作,出版自家讀物。由小說、歷史書、詩集、兒童圖書,到學科補充練習等等,種類超多嘅「書海」一定會令你眼前一亮!

    呢間書店除咗藏書豐富,仲有賣周邊商品同文具,你會不知不覺咁陶醉喺呢度。成個書城,每本圖書、每件商品都經過店主精心挑選,難怪咁受歡迎!

    地點: 168645 新加坡中峇魯區永錫街 9 號

    開放時間: 星期日到一 09:00 到 18:00;星期二到六 09:00 到 19:00

    電話: +65 6222 9195

    地圖
    • 購物
    5

    裕華國貨

    裕華國貨喺正一座瑰麗嘅中式立面建築裡面,呢座建築喺本世紀初興建,稱得上係新加坡出名地標;裡面嘅商品嘜都有,包括咗茶業、草本中藥、絲綢、旗袍、手工藝品同古董等正宗中式產品,

    質素肯定比市面上搵到嘅其他商品好,而價錢亦只係多少少,相當合理。另一方面,裕華國貨成日都有節日推廣優惠,尤其喺農曆新年等佳節前夕,總有月餅、專運進口海鮮等數唔晒嘅美食,任你選購!裕華國貨佔地七層,每層都有專賣嘅商品,一眼睇晒。

    地點: 059805 新加坡余東旋街 70 號

    開放時間: 星期一到五 09:00 到 18:00 (逢星期六同日休息)

    電話: +65 6538 4222

    地圖
    • 購物

    相片由 Terence Ong 提供 (CC BY-SA 3.0) 經修改

    6

    牛車水大廈

    牛車水大廈係新加坡牛車水區內最大型嘅時尚購物熱點,裡面有市場、熟食中心,仲有好多間特色小店。

    裡面嘅街市以售賣新鮮食品出名;熟食中心裡面嘅街頭小食款式超多,而且大多數好平。

    地點: 050335 新加坡史密斯街 335 號

    開放時間: 每日 08:00 到 00:00

    電話: +65 6372 0478

    地圖
    • 購物

    相片由 The Erica Chang 提供 (CC BY-SA 3.0) 經修改

    7

    OG 百貨公司同人民公園中心 (People's Park Centre)

    OG 百貨公司聳立喺牛車水地鐵站上蓋,裡面售賣新加坡家傳戶曉嘅時尚、珠寶、化妝品、腕錶同玩具品牌商品,充滿現代化國際特色,亦吸引咗體育用品、韓國化妝品同進口商品品牌進駐。

    OG 百貨公司鄰近經過翻新嘅人民公園中心 (People’s Park Centre),當地人經常嚟呢度買衫、針織衣料、電器同電子產品、街頭服飾、盥洗用品同行李箱,款款商品都係價錢實惠。呢座購物商場嘅內部裝潢雖然有啲殘舊,但貨品都好平,亦屬「吸客」賣點之一;佢喺正公寓大樓裡面,你可以跟住指示牌,搭電梯到 3 樓就到啦。如果你想搵個地方調劑一下,購物中心裡面仲有好多按摩店,任君選擇。

    地點: 058360 新加坡克羅士街上段 100 號 OG 大廈

    開放時間: 每日 11:00 到 21:30

    電話: +65 6535 8888

    地圖
    • 購物

    相片由 Terence Ong 提供 (CC BY-SA 3.0) 經修改

    8

    唐城坊 (Cio Chinatown Point)

    唐城坊 (Cio Chinatown Point) 樓高 6 層,裝潢好現代化,總共設有 200 幾間商舖,場裡面嘅手工藝品中心、店舖同攤檔成巷成市,專售紀念品、鞋類、化妝品、服裝同旅行袋等好平嘅貨品,另外仲有餐廳同 Cafe,等你嘆一下。

    唔講唔知,呢度嘅手工藝術品遠近馳名!假如你係古董收藏家,遠到明朝年代嘅各種歷史文物一定會令你大開眼界,但係貨品大多數唔平。想搵比較實惠嘅手信?手工藝品中心 (Handicraft Centre) 正正就係你嘅理想之選!

    地點: 059413 新加坡新橋路 133 號

    開放時間: 每日 10:00 到 22:00

    電話: +65 6535 2846

    地圖
    • 購物
    9

    中國廣場中心跳蚤市場

    平日嘅中國廣場無嘜太大噱頭,但一到星期日,呢度即刻會搖身變成你必到嘅地方!攤位檔主一大早就會準備開舖;而呢度啲攤檔設喺冷氣開放嘅廣場裡面,但賣嘅商品種類就同露天市集一樣豐富,

    放眼睇去都係玩具同漫畫書店,店外面逢星期日仲放滿晒枱同架,陳列咗多姿多彩嘅貨品。除此以外,中國廣場中心仲設有唔少古董店,專賣中式名器、古典時鐘同電話,仲有二手書。跳蚤市場分佈喺兩層之間,貨架上面放滿晒多姿多彩嘅商品,一定可以為你送上獨特有趣嘅「牛車水購物體驗」!

    地點: 048423 新加坡克羅士街 18 號

    開放時間: 星期日 10:00 到 22:00

    電話: +65 6327 4473

    地圖
    • 購物
    • 經濟實惠
    Paul Smith | 旅遊常客

    開始計劃行程

    Maps