新加坡藝術科學博物館 (ArtScience Museum Singapore)

濱海灣金沙酒店 (Marina Bay Sands) 嘅藝術與科學

    新加坡藝術科學博物館 (ArtScience Museum Singapore) 坐落喺濱海灣金沙 (Marina Bay Sands) 海邊,外形好似一隻伸出嚟嘅手,又有啲似一堆香蕉;展館入面展出唔同嘅藏品,由達利 (Salvador Dali) 到《哈利波特》等等,主題種類繁多,

    一定可以令大人細路都興致勃勃!嚟到呢度參觀,你會探索到藝術同科學之間嘅聯繫,既富娛樂性,又有教育意義。藝術科學博物館喺正著名濱海灣金沙酒店嘅海邊行人步道上面,一眼就可以認得出。由呢度行路去海灣舫地鐵站,只需 10 分鐘。

    藝術科學博物館就好似隔嚟嘅地標一樣,已經極速成為新加坡天際線嘅標誌,建築設計充分考慮到周圍環境:每間展廳盡頭都有窗口,引入自然光線;展館底部嘅倒影池會收集雨水,然後送去洗手間循環再用。

    博物館四圍仲有一座大型荷花池,賞心悅目!到咗夜晚,呢座建築會向上空射出燈光,好似連接天與地一樣,特別迷人。藝術科學博物館最多可以容納 21 個展廳空間,視乎展覽內容而變換。館內就好似一塊空白嘅畫布咁,因應展品而佈置;

    相片由 Xiquinho Silva 提供 (CC BY 2.0) 經修改

    常設展覽根據個別主題或者構思劃分,分別喺唔同嘅展廳展出。訪客可以沿住懸浮梯級進入「好奇心 (Curiosity)」展廳,沿途仔細睇睇牆上潦草書寫嘅問題,探討藝術同科學之間嘅關係。入到展廳,有資料講解興建藝術科學博物館時考慮到嘅構思同設計,當中涵蓋工程同美學方面嘅元素。

    再上一層,你會嚟到「靈感 (Inspiration)」展廳;呢間多媒體展室集中介紹 6 件塑造現今世界面貌嘅物品,值得一睇,當中梗係唔少得達文西 (Leonardo da Vinci) 嘅飛行裝置—呢部裝置既係藝術,亦展現出前衛嘅科學概念。「表達 (Expression)」展廳位於成座建築嘅最高處,用影片方式介紹科學同藝術方面嘅偉大成就,涵括建築、飛行、機械人同地圖等範疇。

    相片由 Basile Morin 提供 (CC BY-SA 4.0) 經修改

    另外,藝術科學博物館仲有幾個巡迴展覽,曾經展出鐵達尼號嘅文物、《哈利波特》電影場景嘅道具,同埋向梵高 (Vincent Van Gogh)、達利同安迪華荷 (Andy Warhol) 致敬嘅藝術展品。新加坡藝術科學博物館嘅常設展覽多姿多采又有趣,絕對可以為一家大細帶嚟一段難忘嘅「發現之旅」!

    新加坡藝術科學博物館 (ArtScience Museum Singapore)

    地點: 018956 新加坡灣景道 10 號

    開放時間: 每日 10:00 至 22:00

    電話: +65 6688 8868

    Ari Gunadi | 旅遊常客

    開始計劃行程