蘇格蘭

出發前須知

    蘇格蘭位於地勢崎嶇嘅英國北部,以雲霧迷濛嘅山脈、廣闊嘅幽谷、華麗嘅哥德式建築而聞名,景色壯觀。首都愛丁堡美侖美奐,格調優雅嘅城市風光猶如電影場景。踏足古老嘅皇家大道 (Royal Mile),你會即刻投入於蘇格蘭嘅悠久歷史之中;對於追求歷險嘅人嚟講,蘇格蘭更加係頂呱呱嘅遊樂場,你可以去凱恩戈姆山脈 (Cairngorms) 攀岩、遠足,甚至滑雪;亦可以去沿海地區 790 個島嶼探索豐富嘅野生動植物,又或者去僻靜嘅海灘放鬆身心。如果你係高爾夫球迷嘅話,就要去聖安德魯鎮 (St. Andrew’s) 嘅全球第一個高爾夫球場朝聖,打番一 round!

    蘇格蘭人普遍講嘢大聲,善於交際,擁有自成一角嘅塞爾特文化。遊覽蘇格蘭嘅時候,不妨放開懷抱,接受呢個地方有趣好玩嘅獨特元素—風笛聲、羊雜布甸 (haggis) 嘅味道,仲有任你放膽飲到盡嘅威士忌,肯定令你一試難忘!

    蘇格蘭熱門目的地

    你接著會去哪兒?
    • 愛丁堡

      愛丁堡自然流露舊世界風情,令初次到訪嘅遊客為之著迷!市內舊城區被列為聯合國教科文組織世界文化遺產,有小巷蜿蜒,形成一道道迷宮;而聖吉爾斯大教堂 (St Giles Cathedral) 嘅王冠尖頂,同埋雄偉嘅愛丁堡城堡 (Edinburgh Castle) 就喺天際線上各據一方。不過,喺壯麗嘅表面背後,愛丁堡其實係一座腳踏實地嘅現代首都,

      悠閒酒吧、趣怪精品店、綠茵公園隨處可見,本地人亦相當 nice。藝術迷去到蘇格蘭國家美術館 (Scottish National Gallery),會俾館藏傑作深深吸引,幾個鐘都唔願走;而大自然發燒友可以喺亞瑟王座山 (Arthur's Seat) 嘅青翠山坡上遠足,擺脫喧囂。

      閱讀

    開始計劃行程

    歐洲其他熱門去處

    繼續探索