卡塔爾首都發展日新月異,但仍有唔少城鎮同村莊幾十年嚟仍未經開發。有啲甚至喺上世紀已經荒廢,房屋、清真寺同堡壘嘅廢墟述說該國歷史悠久嘅故事。

    如果你計劃去卡塔爾旅行,又想遠離多哈嘅喧囂,我哋建議你去參觀呢啲迷人嘅村莊同城鎮。有啲甚至係獨一無二嘅壯麗歷史地標,記得要影相打卡留念!

    1

    阿爾科爾

    喺島嶼或城市海灘上好好放鬆

    Al Khor 曾經係卡塔爾著名嘅珍珠產業中心。呢度嘅天際線由 3 個瞭望塔佔據,其中一啲瞭望塔已恢復原始外觀。Al Thakhira 海灘係 Al Khor 最受歡迎嘅海灘,你可以喺呢度感受微風吹拂,同埋喺陽光下放鬆身心。釣魚同划皮艇都係呢度最受歡迎嘅活動。如果你想要少少私隱,不妨去 Farkeh 海灘又或者前往 Al Khor 島,而紫色島海灘係呢個小島嘅主要景點。

    大自然愛好者可以喺 Al Thakira 紅樹林中欣賞風景同觀鳥。要睇最獨特嘅植物同鳥類 (包括火烈鳥),最好嘅方法就係喺紅樹林劃皮艇。Jazirat Bin Ghannam 係必遊之地,喺冬季嘅時候你會喺島上見到火烈鳥同蒼鷺等候鳥。Al Jassasiya 岩石雕刻就位於 Al Khor 以北約 50 公里,大約有 874 個杯形、船形、腳印同獨特符號嘅岩畫。

    地圖

    相片由 Vincent van Zeijst 提供 (CC BY-SA 3.0) 經修改

    2

    瓦克拉

    卡塔爾快速發展嘅城市

    如果你想描繪一個典型嘅阿拉伯城鎮,你可能會聯想到 Al Wakrah。即使呢個小鎮鄰近多哈,但都係逃離首都摩天大樓嘅絕佳之地。喺碼頭旁邊,你會發現 Al Wakrah 文化村,你可以喺度體驗卡塔爾嘅中世紀生活。

    當你漫步喺 Al Wakrah Souq 嘅小巷同庭院迷宮中嘅時侯,你可以感受捕魚同珍珠養殖嘅傳統,正正因為呢啲傳統,令呢個小村莊變身成大型港口城市。一場嚟到,記得要參觀 17 世紀清真寺同 Al Wakrah Fort。喺海灘上,你可以欣賞 Sheikh Ghanim Bin Abdulrahman Al-Thani 其別具歷史意義嘅大宅。

    地圖

    相片由 Alex Sergeev 提供 (CC BY-SA 3.0) 經修改

    3

    Mesaieed

    喺沙漠玩滑翔傘或衝沙丘

    Mesaieed 係位於多哈同 Al Wakrah 之間嘅一個小工業城鎮,但係衝沙丘活動令呢個小鎮成為卡塔爾越來越受歡迎嘅一日遊目的地。喺呢度,你可以喺日頭以 4x4 嘅高度喺沙丘之上滑翔或彈跳。如果你想喺一天嘅冒險之後放鬆一下,可以喺繁星點點嘅天空下享用燭光傳統晚餐,然後再返回多哈。

    鑑於 Mesaieed 嘅細規模同工業性質,呢個地區嘅住宿選擇唔多。即使如此,卡塔爾首都只係 40 分鐘路程嘅距離,好多旅行社提供嘅一日遊都包括酒店接送服務。建議你至少提前 48 小時預訂 8 個鐘嘅沙漠野生動物園。

    地圖

    相片由 Alex Sergeev 提供 (CC BY-SA 3.0) 經修改

    4

    祖巴拉 (Al Zubarah)

    探索聯合國教科文組織世界遺產

    Al Zubarah 自 2013 年以來就獲聯合國教科文組織列為世界遺產,係卡塔爾最壯觀嘅圍牆城市之一。呢個城市喺 18 同 19 世紀作為貿易中心繁榮發展,但就喺 19 世紀初珍珠貿易減少時被廢棄。好彩嘅係,從沙漠吹嚟嘅沙保存咗歷史建築嘅遺跡,例如宮殿、庭院房屋、漁民小屋同清真寺。

    參觀 Al Zubarah 時,記得參觀埋附近嘅 Qal'at Murair 堡壘,你可以欣賞到伊斯蘭建築精華,並了解如何保護同管理沙漠水源。

    地圖

    相片由 Steven Byles 提供 (CC BY-SA 2.0) 經修改

    5

    艾雷恩

    卡塔爾新舊相遇嘅地方

    Al Rayyan 嘅歷史中心擁有完整嘅防禦工事同清真寺,其歷史可追溯至 18 同 19世紀。呢個卡塔爾第二人口稠密嘅城市絕對可以令你買嘢買到手軟,你可以喺呢度嘅 Wathnan 商場同卡塔爾商場大掃名牌商品。

    國際音樂會同會議經常喺卡塔爾基金會旗下嘅卡塔爾國家會議中心舉行。喺呢個擁有 1,011 個區域嘅建築內,仲有 Sidra 醫院同卡塔爾科技園。到邊 Mathaf:阿拉伯現代藝術博物館展出 Al Rayyan 當代藝術作品。由卡塔爾基金會創立嘅 Al Shaqab 係一個馬術中心,你可以喺呢度了解如何通過導遊陪練訓練阿拉伯馬匹。

    地圖

    相片由 TravelingOtter 提供 (CC BY-SA 2.0) 經修改

    6

    Al Ruwais

    探索神秘嘅 Al Jassasiya 雕刻

    Al Ruwais 曾經係卡塔爾最重要嘅捕魚中心之一,歷史悠久嘅漁民小屋使帶你登上時光機回到過去。其同名 17 世紀清真寺被認為係卡塔爾最古老嘅清真寺。除咗歷史悠久嘅建築同大型港口外,大多遊客仲會參觀 Al Ruwais,前往附近嘅 Al Jassasiya 觀賞雕刻。

    Al Jassasiya 雕刻距離 Al Ruwais 約 20 分鐘路程。呢度約有將近 900 塊石灰石雕刻,一排排咁描繪杯子、輪船、蓮座叢同腳印等圖案。卡塔爾各地散佈好多雕刻,而 Al Jassasiya 雕刻可以話係最嘆為觀止,其歷史可以追溯到公元前 1500 年。

    地圖

    相片由 Alex Sergeev 提供 (CC BY-SA 3.0) 經修改

    7

    卡烏爾·烏代德

    前往卡塔爾嘅「內陸海」

    Khawr al Udayd 毗鄰沙特阿拉伯邊境。呢度又被稱為「內陸海」,係世界上少數幾個海洋侵蝕到沙漠深處嘅地方之一。卡塔爾自然保護區無車路進入,但係喺寧靜水域附近沙丘上開車特別放鬆身心。

    Khawr al Udayd 幾乎無人居住,令呢度啲生態系統得以蓬勃發展。喺衝沙丘、游泳同曬太陽嘅時候,記得留意注意龜同儒艮等稀有動物。如果好彩嘅話,你可能會見到島上瀕臨滅絕嘅魚鷹巢。

    地圖

    相片由 Isabell Schulz 提供 (CC BY-SA 2.0) 經修改

    8

    Al Shamal (Madinat ash Shamal)

    喺廢棄嘅民居參觀歷史建築同要塞

    • 歷史文化`
    • 伴侶

    Al Shamal 係歷史悠久嘅村莊,而且自然地區同考古遺址豐富,因此吸引越來越多遊客到訪。Al Shamal 人口只有 5,000 左右,又被稱為 Madinat ash Shamal 或卡塔爾嘅「北方城市」。Al Shamal 四周被阿拉伯海灣環繞,多個海灘海岸線綿延,但其主要遺跡係廢棄嘅民居同堡壘。

    Qalaat al Thaqab 係 Al Shamal 最迷人嘅荒蕪村莊之一,你可以探索伊斯蘭風格房屋、公墓同圍牆防禦廢墟。附近嘅標誌性 Al Zubarah 考古遺址自 2013 年以來已成為聯合國教科文組織世界遺產。

    地圖

    相片由 Alex Sergeev 提供 (CC BY-SA 3.0) 經修改

    9

    烏姆錫拉勒穆罕默德堡

    參觀卡塔爾最佳嘅自然保護區

    烏姆薩拉爾·穆罕默德 (Umm Salal Muhammed) 位於多哈以北 10 公里,係一座充滿歷史建築同 3 個受保護環境區域防禦要塞嘅地方。總體而言,蘇奈島、瓦迪蘇丹同烏瑪阿瑪德保護區面積近 10 平方公里,具有豐富嘅生物多樣性同埋廣闊嘅沙漠灌木叢景觀。大自然愛好者會欣賞民呢個世界上最大嘅人造森林。

    如果你對歷史比自然更感興趣,咁就唔好錯過歷史地標,例如 19 世紀嘅 Barzan 瞭望塔同埋 Umm Salal Fortress。喺 Umm Salal Ali,史前墓地已有 5000 多年嘅歷史。

    地圖
    10

    朱邁爾

    到訪傳統民居、清真寺同堡壘廢墟

    Al Jumail 係卡塔爾 Al Shamal 自治市嘅 Al Arish 同 Al Ruwais 之間嘅一個廢棄村莊。喺卡塔爾經濟繁榮之前,呢個國家好大程度上依賴珍珠養殖同漁業貿易。當呢類交易被時代淘汰時,沿海城市如賈梅勒 (Al Jamail) 因而荒廢,留低好多歷史建築寶庫供遊客參觀。

    通常只有鎮上房屋嘅牆壁同門道會被保留,但地面亦鋪滿陶器、珠子同家庭用品碎片。除了要塞之外,Al Jumail 最令人嘆為觀止嘅築係其仍然屹立嘅清真寺尖塔。當你參觀城鎮遺跡參觀到攰嘅話,不妨到白色沙灘好好放鬆一下。

    地圖

    相片由 Alex Sergeev 提供 (CC BY-SA 3.0) 經修改

    Joshua Saunders | 特約撰稿人

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首

    Maps