由於卡塔爾國土唔大,而且道路保養得當,所以交通相對方便。揸車係主要嘅交通方式,而卡塔爾嘅公共交通近年有極大改善,主要係因為巴士同地鐵服務擴展咗。

    遊客通常都會搭飛機到首都多哈嘅哈馬德國際機場 (Hamad International Airport),而卡塔爾各地大部分道路都可以來往多哈。揸車由卡塔爾一邊去到另一邊,只係需要幾個鐘頭嘅時間。卡塔爾有時會好塞車,所以駕駛人士要留意,而選擇搭的士或者豪華轎車嘅遊客亦都要小心,因為呢種交通方式方便得嚟,都可以好貴㗎。睇睇我哋嘅多哈及周邊地區公共交通指南,了解吓邊種方式符合您嘅預算啦。

    1

    的士

    短程車同前往市外旅行可以選擇搭的士 (需支付附加費)。Karwa 的士由國營 Mowasalat 運輸公司經營。公司除咗擁有最龐大嘅車隊,佢仲係唯一一間獲發牌喺哈馬德國際機場載客嘅的士品牌。你仲可以揀其他用 app 為主嘅服務,例如 UberCareem 的士

    Doha 的士收費最低要 10 利雅,日間收費係每公里 1.6 利雅,而夜晚每公里就要 1.9 利雅。除咗路邊嘅的士站,你仲可以係大大小小嘅酒店同商場門外截的士。如果唔想用的士 app,可以打去 Karwa 免費專線:800-TAXI (8294) 或者 +974 4458 8888 (另收 4 利雅)。

    相片由 Lawrence Wang 提供 (CC BY-SA 2.0) 經修改

    2

    豪華房車出租

    卡塔爾嘅豪華房車接送服務比的士稍貴,但對於想搵司機導遊嘅旅客,呢個係佢哋嘅理想選擇。價格會因應乘客需求而定,例如要唔要標準豪華房車服務、較大團體車輛或貴賓乘車。可以按小時或日數預約豪華房車。

    卡塔爾有好多間豪華房車經營者可供出租,包括政府經營的 Mowasalat 運輸服務。Mowasalat 提供 Impala、Passat、Audi 同 Mercedes Vitto (7 人車),你可以打電話去 800-LIMO (5466) 或 800-TAXI (8294) 預約。你亦可以用 Karwa 的士 app 預約豪華房車。

    3

    租車

    喺卡塔爾,租車係一種相對實惠嘅交通選擇。喺多哈國際機場可以搵到幾間營運商,你亦可以提前打電話或者上網預約租車。Hertz 同 AVIS 等國際品牌,仲有本地租車營運商都有提供租車服務。

    如果喺卡塔爾租車,外國司機都要出示護照,同持有國際駕駛執照或海灣合作委員會國家所簽發嘅駕駛執照。

    4

    巴士

    Mowasalat 交通服務喺多哈同卡塔爾各地開通現代冷氣巴士,其中包括多條路線由哈馬德國際機場出發。

    巴士路線將多哈連接至北部嘅 Al Shamal、Umm Salal 同 Al Khor 等直轄市;西部嘅 Dukhan 市;仲有南部嘅 Bu Samra 同 Mesaieed 市。多哈境內旅行票價由 3 利雅起,而首都以外旅行票價則由 4 利雅起。巴士服務每日服務時間由 04:00 至 23:00。

    乘客必須先買 Karwa 智能卡,呢張卡可以喺機場自動售貨機、多哈巴士站、卡塔爾明珠同幾十間商店買到。你可以上 Mowasalat 官網了解有關巴士路線同 Karwa 售賣商店嘅更多詳情。

    巴士智能卡選項包括可增值嘅傳統卡 (30 利雅),購買後 24 小時內最多兩程嘅限定卡 (10 利雅),同購買後 24 小時內無限搭嘅無限卡 (20 利雅)。乘客如果無帶智能卡上車,就要俾 10 利雅。

    卡塔爾最受歡迎嘅路線係多哈西灣班車服務。佢連接西灣同多個名勝古蹟,包括市中心、濱海路同 Al Bidda 街。穿梭巴由 06:00 開始服務至 00:00,班次每 15 分鐘一班。

    如果你搭乘卡塔爾航空 (Qatar Airways) 嘅航班,咁你可以享受一日私人巴士遊,例如多哈市之旅、沙漠之旅同停站購物之旅。

    相片由 Khalid Albaih 提供 (CC BY 2.0) 經修改

    5

    地鐵

    多哈地鐵係卡塔爾最新形公共交通工具之一。地鐵計劃包括 4 條線 (紅色、綠色、金色和同藍色),覆蓋大約 100 個車站,行走距離大約 300 公里。

    所有乘客都要購買旅遊卡先可以乘搭多哈地鐵。旅遊卡共有 3 種類型:單程紙卡 (大約 2 利雅) 設有限制使用。標準旅遊卡係可以重複使用嘅膠卡 (大約 10 利雅),不過就唔可以搭金色線,而黃金旅遊卡係可以重複使用嘅卡 (大約 100 利雅),可以進入地鐵黃金俱樂部 (Gold Club)。

    紅色線

    紅色線由 Al Wakra 向北延伸至 Lusail,全長 40 公里,沿途共有 17 個站點,包括 West Bay QIC、Katara 同卡塔爾大學 (Qatar University)。呢條線亦連接咗哈馬德國際機場嘅 1 號航運大樓同卡塔爾市中心。

    綠色線

    綠色線由 Al Mansoura 至 Al Riffa 嘅東西段。綠色線設有 11 個車站,包括哈馬德醫院 (Hamad Hospital)、艾爾莎卡布 (Al Shaqab) 卡塔爾國家圖書館等著名景點。

    金色線

    金色線係一條東西行線,設有 11 個站,由 Ras Bu Abboud 延伸至 Al Aziziyah。卡塔爾國家博物館同 Souq Waqif 係金色線嘅主要大站。

    藍色線

    第四條線係地鐵發展嘅第二階段。

    6

    電車

    多哈地鐵服務係一項大型國家交通計劃之一,當中包括西灣同 Lusail 的電車路線。

    Lusail 電車計劃將會喺 2020 年通車,當中覆蓋 4 條線路,合共 25 個地面同地下車站。Lusail 電車將會成為 Lusail 市嘅主要交通樞紐,位於多哈以北約 23 公里。

    Lana Willocks | 特約撰稿人

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首

    Maps