卡塔爾古今交融,傳統文化深厚而現代氣息十足。當你身處喺充滿異國情調嘅市集,或者喺日落騎駱駝穿越沙丘時,就會感受到於此地流傳萬世嘅阿拉伯傳統文化。未來感十足嘅多哈同埋卡達爾之珠 (The Pearl-Qatar) 人造島上,開設咗各式各樣嘅高級餐廳同豪華酒店,絕對係感受卡塔爾奢華生活嘅好地方。

    相比之下,卡塔爾算係阿拉伯石油國中較冷門嘅旅遊國家,但相信到 2022 年 FIFA 世界杯開幕時情況就會有所不同。想避開人潮?咁就要快啲參考以下旅程盡早去卡塔爾玩,當然少不了要去感受埋穿越沙丘嘅樂趣!

    1

    卡塔爾國際足聯 2022 年之路

    多哈世界杯瑰寶啲體育場之旅

    親眼目睹多哈令人難以置信啲新球場落成,倒數世界杯開幕啦!呢度係真正嘅足球狂熱者同建築狂熱者必到之地。你一邊全面了解呢個現代奇觀時,專家會向你解釋呢個建築物巨大嘅建造過程。

    行程安排喺前 4 個定制城市體育場中:水面嘅 Ras Abu Aboud 體育場將被閃閃發光嘅海濱所吞沒;結構複雜嘅 Al Thumama 體育場,就似傳統嘅塔吉亞帽;雄偉嘅哈里發體育場將成為體育城中心;仲有舉世聞名嘅 Al-Janoub 體育場 ─ 該體育場將配備有史以來首個全體育場範圍嘅冷氣系統。多啲資料…

    時長:4 個鐘頭

    • 團體

    相片由 Matt Kieffer 提供 (CC BY-SA 2.0) 經修改

    2

    多哈:5 個鐘野生動物園、騎駱駝、滑沙同參觀內陸海

    刺激十足嘅沙漠半日之旅

    參加呢個 5 個鐘嘅遊覽,盡享卡塔爾令人驚喜嘅沙漠景觀!當你坐四輪驅動車深入沙丘時,準備將多哈嘅超現代城市景觀操拋諸腦後啦。去到傳統嘅阿拉伯沙漠營地之後,你可以好似阿拉伯人咁騎住駱駝穿越沙漠。

    記得扣好安全帶,因為你嘅司機會帶你去衝沙丘。如果呢啲特技仲未夠得人驚嘅話,你仲有機會嘗試喺高聳嘅沙丘上滑沙。最後你可以喺豪爾艾阿戴德內海停留,呢度係放鬆身心同影沙漠相嘅理想好去處。多啲資料…

    時長:5 個鐘頭

    • 遊歷
    3

    卡塔爾伊斯蘭遺產探索之旅

    卡塔爾文化精華

    如果想要了解更多有關卡塔爾嘅文化,咁呢個導賞團就啱晒你;因為呢個團集多哈最受尊敬嘅宗教、文化同歷史遺跡於一身。卡塔爾信仰中心係一座宏偉嘅國家清真寺。呢個係全國最大嘅清真寺,佔地 19,500 平方米,面積龐大,祈禱時可以容納多達 30,000 名信徒。你仲可以參觀 Fanar 清真寺,雖然面積唔大,但呢個清真寺嘅尖塔呈螺旋形,同樣令人印象深刻。尖塔係卡塔爾最高嘅塔,係明信片打卡景點。

    你可以喺 Souq Waqif 市場如迷宮般嘅街道上漫步,品嚐異國風情嘅氣味同聲音。結束一日前,你可以參觀伊斯蘭藝術博物館,觀賞來自阿拉伯世界其中最靚嘅藝術品。多啲資料…

    時長:4 個鐘頭

    • 歷史文化`
    • 拍照
    4

    多哈與城市遊之樂趣

    一日參觀所有城市亮點

    你可以喺一個下午睇盡多哈最好嘅一面,因為呢個半日遊有齊所有重要景點。夢想作為金融精英嘅人都會想參觀 The Pearl-Qatar:呢度係一系列令人眼花瞭亂嘅豪華人工島。呢個獨家物業擠滿世界上最享負盛名嘅住宅同餐廳。

    你仲可以沿住濱海路嘅海濱長廊漫步,一邊欣賞閃爍嘅海灣美景,一邊欣賞城市高聳嘅天際線。之後你會參觀 Katara 文化村,文化村喺迷人嘅海濱環境中展示該國迷人嘅建築同歷史。最後,繞過巨大嘅國家清真寺 (National Mosque),欣賞卡塔爾最佳嘅伊斯蘭建築。多啲資料…

    時長:4-6 個鐘頭

    5

    全日沙漠野生動物園之旅

    應有盡有嘅沙漠冒險

    鐘意沙漠,仲想喺沙漠過夜?呢個導賞團就啱晒你!因為你會有充足嘅時間欣賞巨大沙漠嘅自然美景。旅程以刺激嘅活動掀起序幕,訓練有素嘅司機會帶你去衝沙丘。如果滑沙太刺激嘅話,你仲可以選擇騎駱駝。

    你仲可以享受喺同沙特阿拉伯接壤嘅豪爾艾阿戴德內陸海域嘅秀麗風景同寧靜之旅,該海域喺漲潮時仲會變成小小嘅綠洲。你仲有機會喺傳統嘅阿拉伯沙漠營地品嚐當地午餐或晚餐。參加下午導賞團嘅人仲可以觀看沙丘上嘅日落。多啲資料…

    時長:8 個鐘頭

    • 遊歷
    6

    日落單桅帆船巡遊與多哈濱海步道

    出海遊船同壯麗日落城市景觀

    喺濱海路嘅徒步旅行中欣賞多哈嘅主要海濱長廊,其中包括喺海灣巡遊嘅單桅帆船。呢條迷人的海濱步道沿海岸線延伸約 7 公里,係當地人喺晚上聚會嘅熱門地點,因為海濱氣溫相對較低。到咗夜晚,呢度仲係欣賞多哈超現代天際燈光 show 嘅好地方。

    跳上傳統嘅卡塔爾單桅帆船,體驗古代當地傳統啦。裝飾精美嘅船隻會喺日落時分沿住濱海路巡遊,確保俾你欣賞到城市最壯麗全景。多啲資料…

    時長:2 個鐘頭

    7

    多哈:日落沙漠野生動物園、騎駱駝與滑沙

    緊張刺激嘅沙漠冒險,仲有得睇日落添

    呢個導賞團下午出發,對於想喺沙漠欣賞美麗日落嘅旅行者而言係半日沙漠之旅嘅好選擇。但係如果你細膽嘅話,呢個團唔適合你啦。因為呢個動感十足嘅遊覽團始於衝沙丘之旅,訓練有素而且唔怕死嘅司機會帶你嚟一場超級刺激嘅衝沙丘。

    你仲會有機會嘗試從呢個沙漠最高最可怕嘅沙丘滑沙,又或者輕輕鬆鬆騎駱駝欣賞景點。最後,隨著太陽落山,你可以喺寧靜嘅豪爾艾阿戴德內陸海岸上欣賞豐富多彩嘅風景。多啲資料…

    時長:5 個鐘頭

    8

    過夜沙漠野生動物園之旅

    喺傳統沙漠營地過夜,享受難忘嘅阿拉伯體驗

    你係咪曾嚮往凝望星星嘅夢幻阿拉伯之夜?咁你就要預訂喺卡塔爾過夜嘅沙漠野生動物園啦 — 一次迷人嘅 2 天旅程,等你喺夜深人靜時體驗沙漠嘅寧靜。

    呢次旅行包括所有平常嘅日間沙漠旅行活動:滑沙、衝沙丘、騎駱駝,以及喺美麗嘅豪爾艾阿戴德內陸海睇日落。夜幕降臨時,你將會品嚐由遙遠嘅貝都因沙漠營地居民所烹製嘅美味燒烤晚餐。你仲可以喺篝火旁欣賞現場表演嘅傳統音樂,然後再喺星空下緩緩入睡。多啲資料…

    時長:19 個鐘頭

    9

    多哈卡塔拉文化村私人遊覽團

    探索卡塔爾迷人嘅歷史、藝術同文化

    想要體驗卡塔爾文化,你可以參加卡塔拉文化村嘅私人遊覽團。自 2010 年開業以來,呢個多哈中央機構已成為卡塔爾藝術、文化同歷史遺蹟嘅一站式目的地。呢度會有多種唔同精彩活動上演,例如展覽、嘉年華、音樂會同專題討論會等,等你每次嚟都會有唔同嘅體驗。

    呢個遊覽團帶你參觀令人印象深刻,而且結合了古老技術嘅建築。地標性建築包括融合古代伊斯蘭同希臘風格嘅卡塔拉露天劇場,以及具有亞洲影響力同 19 世紀歐洲設計風格嘅歌劇院。你仲有機會喺露天嘅卡塔拉廣場購物中心 (Katara Plaza Mall) 購買紀念品添。多啲資料…

    時長:2 個鐘頭

    10

    多哈同阿爾瓦克拉露天市場之旅

    具有傳統特色嘅購物之旅

    喺多哈繁華嘅集市購物特別有異國情調,喺呢個半日遊中,你會參觀最好嘅購物地點。Souq Waqif 坐落喺風景如畫嘅濱海海濱附近,以其迷宮般嘅小巷而聞名。身穿傳統服裝嘅商人兜售諸如香料、香水同紡織品之類嘅商品,而部份店舖則專門出售活獵鷹,因為卡塔爾統治階級中不乏狂熱嘅鳥類收藏家。

    市中心以南係 Al Wakrah Souq,呢度又叫做 Al Wakrah Heritage Village,因為承傳住古老卡塔爾文化而得名。呢個充滿獨特氣味嘅市場仲可以買到新鮮嘅魚同駱駝,亦令呢度成為拍攝傳統卡塔爾生活嘅絕佳地點。多啲資料…

    時長:4 個鐘頭

    Harry Stewart | 特約撰稿人

    開始計劃行程

    Maps