卡塔爾博物館、建築同隱世古跡林立。仲唔快啲去卡塔爾展開冒險之旅,探索乾旱延綿嘅沙漠,喺波斯灣 (Persian Gulf) 漫長嘅海岸線上享受私隱度高嘅寧靜海灘,甚至參加沙漠飆沙!

    參考下我哋嘅多哈必做活動清單,睇下除咗欣賞壯觀摩天大樓同獨特建築、沙漠探險、購物同喺街上感受阿拉伯文化之外,仲有啲咩不可錯過嘅活動。

    卡塔爾最好玩嘅活動係乜嘢?

    1

    參加沙漠野生動物園之旅

    綿延嘅沙丘同壯觀嘅內海

    多哈現代城市四周係美麗嘅沙漠地帶,等你可以滿足一日嘅冒險之旅。南部嘅 Mesaieed 沙漠上以聳高嘅沙峰點綴,坐越野車或四驅車衝上沙丘絕對係刺激興奮嘅體驗。

    進一步向南進入內陸海豪爾艾阿戴德,你會欣賞到海洋與沙漠相交嘅超凡脫俗美景。你亦可以選擇騎駱駝,體驗一下傳統嘅交通工具。到沙漠探險嘅話,最好預定導賞團,由熟悉沙丘嘅嚮導帶領你參觀。多啲資料…

    • 家庭
    • 拍照
    • 遊歷
    2

    Al Zubarah 考古遺址

    卡塔爾近代歷史嘅真實例子

    如對卡塔爾嘅歷史感興趣嘅話,咁就絕對唔可以錯過 Al Zubarah 考古遺址。考古遺址中心堡壘建於 1938 年,但沿海城鎮 Al Shamal 嘅歷史可以追溯至 1760 年代。呢度展示咗卡塔爾喺早期珍珠交易中嘅豐富歷史。

    小鎮位於多哈以北 100 幾公里,要開車大約 1 個鐘先至可以到達呢個聯合國教科文組織世界遺產。當你穿越沙漠,風景優美嘅路線將帶你回到過去。漫步到 Al Zubarah 考古遺址旁邊嘅 Al Jumail 廢棄村莊,結束你嘅歷史堂啦!

    地點: 卡塔爾 Al Zubarah

    地圖
    • 歷史文化`
    • 拍照

    相片由 Vincent van Zeijst 提供 (CC BY-SA 2.0) 經修改

    3

    香蕉島

    喺呢個豪華度假島上享受陽光、大海同海灘啦

    香蕉島距離多哈中心只有 20 分鐘路程,係一個遠離市中心煩囂嘅世界。你可以訓喺豪華遊艇渡輪上穿越碧綠嘅海水,之後再探索令人感到寧靜幸福嘅私人海灘。私人島嶼歸安納塔拉連鎖酒店所有,但非住客可以買張一日通行證。

    從美味嘅阿拉伯美食到細心嘅員工,呢個小島嘅賣點係世界一流嘅服務。你可以選擇喺水上同水底進行各種活動,例如划船,水上電單車,又或者睇吓小朋友喺滑水梯上嬉戲。

    地點: 卡塔爾首都多哈,安納塔拉香蕉島度假酒店 23919

    地圖
    • 伴侶
    • 家庭
    • 豪華住宿
    4

    謝赫費薩爾博物館

    卡塔爾歷史相容並蓄嘅一面

    謝赫·費薩爾·本·卡西姆·阿塔尼博物館係最有中東味道嘅博物館之一。你可以喺度欣賞到大量唔同時期嘅文物。館藏之中,有嚟自全球各地超過 600 幾款老爺車,仲有外國嘅手織地毯。

    一張成人票大約 45 里亞爾,夠你玩足 2 個鐘!不妨去參觀吓謝赫·費薩爾 (Sheikh Faisal) 嘅個人收藏品,以及書法、蒸汽車、地毯同傳統服飾等私人收藏啦。

    地點: 卡塔爾 Al Samariyah

    開放時間: 營業時間:星期一至星期四 09:00 至 16:30;星期五 14:00 至 19:00;星期六 10:00 至 18:00;星期日 09:00 至 16:00。

    電話: +974 4486 1444

    地圖
    • 歷史文化`

    相片由 Lawrence WangLawrence Wang 提供 (CC BY-SA 2.0) 經修改

    5

    Al Dhakira 紅樹林

    喺呢個茂密沿海綠化區划船啦

    如果你已經忍受唔到城市嘅高,不妨前往紅樹林灣嘅 Al Dhakira 紅樹林。探索呢個阿拉伯叢林嘅最佳方法就係爬獨木舟啦。

    當你沿著東北海岸爬獨木舟嘅時侯,你可以欣賞到當地嘅野生動植物,從白鷺到燕鷗再到蒼鷺都可以見到。如果你好彩嘅話話,仲可能會見到一兩條飛魚添。達基拉 (Al Dhakira) 同時亦係一個受歡迎嘅釣魚地點,但最好早上或者傍晚去避免高溫。

    地點: 卡塔爾 Al Dakhira 紅樹林灣

    地圖
    • 家庭
    • 拍照
    • 遊歷

    相片由 Irshadpp 提供 (CC BY-SA 3.0) 經修改

    6

    世界一流嘅體育賽事

    觀看多項運動中嘅全球最佳運動員

    從足球、板球到賽馬,手球乃至駱駝比賽,卡塔爾全年都會舉辦多項大型體育賽事。2006 年亞運會可以話係卡塔爾運動賽事嘅,每年都會舉辦規模更盛大嘅比賽。

    無論你係喺 Khalifa 國際體育場觀看足球比賽定係喺 Doha Corniche 睇游水比賽,卡塔爾都有幾個世界一流嘅體育場同海濱地區,令其成為一流嘅運動場所。著名嘅比賽包括 2019 年世界沙灘運動會同 2022 年 FIFA 世界杯。

    • 品嚐美食
    7

    庫維烈海灘

    值得挑戰嘅旅程

    Fuwairit 海灘係卡塔爾最美麗嘅海灘之一,位於多哈以北約 100 公里。由於無直接交通到達呢個熱門景點,所以你必須要有越野駕駛經驗。當你搭好個營地後,不妨同家人朋友前往 Coral Hill 打卡啦。海水好淺,而海浪輕輕拍打著海岸,令 Fuwairit 海灘都適合初學者游泳。

    海灘上有啲比較崎嶇嘅位會難行少少,但係有好多地方可以俾你好好放鬆同曬太陽。請注意,海灘年中會有部分時間關閉 (通常 11 月),因為屆時就係海龜嘅築巢地點。

    地點: 卡塔爾 AlGhārīyah

    地圖
    • 拍照
    • 經濟實惠
    • 遊歷
    8

    Al Wakrah Souq

    喺夜晚時分沉浸喺卡塔爾傳統市場入面啦

    準備好穿越 Al Wakrah 迷人露天市場嘅鵝卵石小巷同閃閃發光嘅庭院啦。除咗傳統嘅阿拉伯建築,令人眼花瞭亂嘅清真寺同出售香料嘅紀念品攤位之外,你仲可以入去傳統餐廳坐吓。喺巴巴恰帕蒂亞 (Baba Chapatea) 品嚐傳統 Pizza,隨時隨地享用美食。

    喺 Souq Al Wakrah 嘅魔幻氣氛入面好容易會迷失方向,如果你想去個寧靜嘅地方好好反思,不妨去隔離嘅海濱放鬆身心同睇吓你買咗啲咩啦。你仲可以喺呢度欣賞傳統單桅帆船泊岸嘅景觀添。

    地點: 卡塔爾艾華卡拉

    地圖
    • 購物
    • 歷史文化`
    • 拍照
    • 品嚐美食
    • 晚間娛樂

    相片由 Mohamod Fasil 提供 (CC BY 2.0) 經修改

    9

    豪爾艾阿戴德

    衝沙丘同觀賞野生動植物嘅好地方

    中意冒險嘅你可以享受豪爾艾阿戴德(Khawr al Udayd) 嘅壯麗一日遊。豪爾艾阿戴德位於卡塔爾沙漠嘅壯觀景色中,有好多活動俾你揀,除咗可以沿住海灘騎駱駝,仲可以喺阿拉伯灣划船添。

    呢度又獲稱為「內陸海」,風景秀麗,絕對係打卡嘅不二之選。臨走之前,一定要試吓穿越金色沙丘嘅海濱駕駛體驗,欣賞畢生難忘嘅美麗海景。豪爾艾阿戴德係聯合國教科文組織認可嘅自然保護區,因此記得觀賞當地嘅動植物啦。

    地點: 卡塔爾 Khawr al Udayd

    地圖
    • 拍照
    • 遊歷

    相片由 Isabell Schulz 提供 (CC BY-SA 2.0) 經修改

    10

    Al Jassasiya 岩石雕刻

    有啲岩石雕刻已有 1000 多年歷史

    前往卡塔爾北部,觀你可以觀賞到、腳印同船舶標記啲獨特岩石雕刻。曾經係石灰石採石場嘅 Al Jassasiya 岩石雕刻,同卡塔爾嘅遺產同樣重要,地位就如清真寺、博物館同集市一樣。

    雕刻坐落喺多哈以北 60 公里,喺卡塔爾沙漠嘅開闊地帶之外,這而呢個遺址仍然未被開發。但是如果你參加當地導賞團,你會見到大約 900 幅雕刻,描繪卡塔爾傳統生活方式。

    地點: 卡塔爾 Al Jassasiya 岩石雕刻

    地圖
    • 歷史文化`
    • 拍照
    Kiri Nowak | 特約撰稿人

    開始計劃行程

    Maps