位於多哈西鄰嘅艾雷恩 (Al Rayyan) 雖然已經進化成卡塔爾最繁榮嘅都市區之一,但係佢嘅歷史魅力依然存在—世界一流嘅設施、高聳嘅摩天大樓同阿拉伯文化,散落於充滿活力嘅街道上;到處都有堡壘、博物館同歷史地標,將艾雷恩嘅精彩故事娓娓道來。

    如果您想喺卡塔爾體驗充滿自然奇觀嘅冒險之旅,就要請從城市邊界出發,去同名行政區嘅沙漠平原同異國風情嘅海灘。艾雷恩呢個行政區咁大,我哋只係精選當中嘅好玩活動俾大家。有啲地方要揸車先去到,但係如果您享受當地嘅精彩活動嘅話,就乜都抵返晒啦。

    艾雷恩最好玩嘅活動係乜嘢?

    1

    巴爾贊塔

    欣賞綠樹成蔭嘅 19 世紀瞭望塔

    宏偉嘅巴爾贊塔建於 19 世紀後期,當時用嚟保護多哈嘅水源。巴爾贊塔同城市其他保護設施嘅其他重要組成部分相連,塔樓面向大海,可以觀察到駛入嘅船隻。呢座塔有成 16 米高,位於的建築位於烏姆薩拉爾穆罕默德村 (Umm Salal Mohammed village),距離海岸約 25 分鐘車程。

    呢個強大嘅碉堡係卡塔爾建築嘅代表作,分層塔頂利用木桿、竹子同紅樹枝造成。木板砌成嘅排水溝可以將塔頂多餘嘅雨水排走。由塔頂望落水面可以清晰睇到周圍環境,以便調查撈珍珠嘅人。喺 2003 年,塔樓翻新之後重拾昔日風釆,建築內部更加裝咗現代化嘅便利設施。

    地點: 卡塔爾烏姆薩拉爾穆罕默德村

    地圖
    • 歷史文化`
    • 拍照
    2

    神秘村

    漫步於沙漠中少有人煙嘅村莊

    卡塔爾神秘村 (Mystery Village) 撲朔迷離,最適合探險者同自然愛好者嚟一場探險。呢條荒廢村莊位於荒蕪沙漠嘅中心點,距離艾雷恩車程大概 90 分鐘,不過呢段旅程都係探險樂趣嘅一部分。途中,你會穿越崎嶇不平嘅路面同廣闊浩瀚嘅沙漠,先可以去到 Zekreet Peninsula。想渣車嘅話,建議選用四驅車。

    呢條村莊係為咗拍攝一部阿拉伯電視劇集而興建,節目拍攝完畢後就未曾有人喺度住過。神秘村同附近嘅電影城 (Film City) 可以俾你體驗到卡塔爾源遠流長嘅傳統村莊情懷。

    地點: 卡塔爾布羅克 (Borooq)

    電話: +974 5043 4210

    地圖
    • 拍照
    • 經濟實惠
    • 遊歷
    3

    天坑

    探索卡塔爾其中一個最深嘅洞穴

    天坑 (Musfur Sinkhole) 距離多哈車程大概 45 分鐘,呢度係一個迷人嘅自然奇觀,可以驅走悶熱嘅天氣。卡塔爾各地都有好多可以參觀嘅洞穴,但天坑就獲譽為最深嘅洞穴。佢嘅實際深度無人知道,但據稱好可能超過 100 米。

    各種鳥類同小動物係呢個「黑媽媽」嘅地方築巢棲息,而岩石上留有文字刻記。攀爬巨石進入天坑最適合追求刺激嘅人,而鍾意靜靜地欣賞內部環境嘅亦都可以。

    地點: Salwa Road, Al Rayyan, Qatar

    地圖
    • 拍照
    • 經濟實惠
    • 遊歷
    4

    杜漢公共海灘

    欣賞阿拉伯海灣景色

    杜漢公共海灘 (Dukhan Public Beach) 位於艾雷恩以西約 75 公里,擁有一條美麗嘅海岸線。海岸金沙閃閃,仲係出名睇日落嘅勝地,最適合喺卡塔爾海灘他他條條玩返日。你可以喺海灣水域呼吸到清新嘅氣息,同一班親朋好友共度海濱氛圍。

    如果你想 BBQ 或者感受海灘露營滋味,杜漢公共海灘有好多適合嘅地點。後生仔可以喺海邊玩玩水過日神;鍾意玩浮潛嘅可以喺離海岸遠少少嘅岩石礁石探索一番,低但記緊著好沙灘鞋,避免俾鋸齒狀岩石刮傷。

    地點: 卡塔爾杜漢公共海灘

    開放時間: 全日開放 (星期五 06:30 至 00:00)

    地圖
    • 家庭
    • 拍照
    • 經濟實惠

    相片由 Mohamod Fasil 提供 (CC BY 2.0) 經修改

    5

    艾爾瓦札巴碉堡

    到訪卡塔爾其中一個最古老嘅碉堡

    艾爾瓦札巴碉堡喺 1893 年一場戰役嘅戰場,最終卡塔爾軍隊戰勝咗土耳其鄂圖曼軍隊。Sheikh Jassim Bin Mohammed Al Thani 帶領卡塔爾獲得勝利,呢一段歷史成為卡塔爾人每年大肆慶祝嘅紀念日。艾爾瓦札巴碉堡嘅歷史可以追溯番 18 世紀,至今成為咗卡塔爾最悠久嘅堡壘之一。

    由艾雷恩市中心出發前往艾爾瓦札巴碉堡相當方便,車程只需 10 分鐘。嚟到之後,第一件事必定要去標誌性嘅瞭望塔見識吓。由空間感舒適嘅塔裡面望出去,可以欣賞到周圍環境嘅迷人景致,而一路參觀亦會見識到好多戰爭時用過嘅武器。

    地點: 卡塔爾艾雷恩

    開放時間: 星期一至星期四 08:00 至 17:00 (逢星期五至星期日暫停開放)

    電話: +974 4406 9921

    地圖
    • 歷史文化`
    • 拍照
    • 經濟實惠
    Daniel Grenier | 特約撰稿人

    開始計劃行程

    Maps