多哈時尚購物中心林立,設有唔同傳統市集,仲提供多種娛樂選擇,購物狂一定要嚟多哈盡情購物。當你喺縱橫交錯嘅露天市場入面,好似昔日貝都因遊牧人四處探索時,可能會搵到出乎意料嘅瑰寶!

    歡迎睇下我哋嘅指南,了解多哈購物熱點同必買商品。由地板到天花板都鋪滿金銀珠寶嘅商店、待售嘅兇猛獵鷹,同埋鋪滿雪嘅室內游樂園,呢啲喺多哈發現嘅有趣事物都只不過係冰山一角。

    1

    瓦奇夫市場

    猶如昔日貝都因迷宮嘅市場

    • 購物
    • 歷史文化`
    • 拍照
    • 品嚐美食

    遊覽多哈就一定要去瓦奇夫市場,喺入面好似迷宮咁嘅攤位穿梭,行下睇下布料、珠寶、香料以及當地手工藝品。瓦奇夫市場係當地最古老嘅市場之一,呢度曾經係貝都因人繁忙嘅貿易中心,呢啲以游牧方式生活嘅人會嚟呢度交易駱駝同埋必需品。

    最好就係朝早或者夜晚去瓦奇夫市場,因為可以避開日頭嘅高溫。進行另一輪探索之前,停一停享受一個煥發身心嘅小休時光啦。

    地點: Al Souq Street, Doha, Qatar

    開放時間: 星期六至星期四 07:30 到 12:30 同 15:30 到 22:00,星期五 12:30 到 22:00

    電話: +974 5551 9254

    地圖
    2

    黃金市場

    喺呢個黃金市場裡面訓練你嘅交易技巧

    • 伴侶
    • 購物
    • 豪華住宿

    如果想買金光閃閃嘅金飾,黃金市場就係一個好地方。市場裡面最吸引嘅就係一件件精製而成嘅黃金珠寶同珍貴寶石,但係市場另外都有一啲價格比較相宜嘅飾物可供選購嘅,包括以白金、銀以及鉑金製成嘅珠寶。

    如果你喺當地節日之前嚟到,就可能發現市場比平日繁忙,咁係因為根據當地傳統,男人係會買 22 開嘅金手鈪俾家中嘅女性成員做節日禮物架。

    地點: Al Ahmed Street, Doha, Qatar

    開放時間: 星期六到星期四 09:00 到 13:00 同 16:00 到 22:00,星期五 16:00 到 22:00

    電話: +974 4437 0258

    地圖
    3

    多哈節日城購物中心

    雪中放鬆身心

    • 伴侶
    • 家庭
    • 購物
    • 豪華住宿

    多哈節日城購物中心係一個大型商場,雖然當中擁有幾百間零售店舖,但係佢裡面嘅娛樂選擇先至係令佢不容錯過嘅地方。一家大細嘅就一定要去憤怒鳥樂園;公園裡面有碰碰車、彈床公園、卡丁車賽道、高空滑索同埋好似「憤怒過山車」同「木筏大作戰」等嘅刺激機動遊戲。

    逃離沙漠嘅熱力,走入 Snow Dune 嘅室內冰雪滑梯同雪山玩啦。入場費包括禦寒裝備嘅租借費。而如果購物同玩雪玩到餓,多哈節日城購物中心就有百幾間餐廳俾你揀。

    地點: Al Shamal Road, Umm Salal Muhammed, Doha, Qatar

    開放時間: 星期日至星期三 10:00 到 22:00,星期四至星期六 10:00 到 00:00

    電話: +974 4035 4444

    地圖
    4

    批發市場

    選購超新鮮嘅魚類、水果同蔬菜

    • 購物
    • 拍照
    • 品嚐美食
    • 經濟實惠

    就算你無諗住喺多哈買新鮮農產品,去批發市場逛逛都會係一個有趣嘅體驗。呢個熱鬧嘅市場係廚師嘅天堂,喺呢度,佢哋可以搜羅到價廉物美嘅魚類、肉類同農產品;佢哋亦可以大手買入,然後將食材用單輪手推車運去停喺外面嘅車上。

    素食主義者可能就會想迴避肉類區域,因為嗰度掛出咗好多新鮮屠宰嘅肉類,以及一個個山羊、羊同牛圈。你亦可以去距離批發市場只有 5 分鐘路程嘅 Omani 市場,探索更多抵買店鋪。

    開放時間: Wholesale Market Street, Doha, Qatar (喺 Haloul Street 同 Salwa Road 附近)

    電話: +974 5580 1057

    地圖

    相片由 Jnn 提供 (CC BY-SA 4.0) 經修改

    5

    Al Dira 市場

    眾多布料與裁縫店

    • 購物

    充滿繽紛色彩嘅 Al Deira 市場出售好多高質素布料,包括蕾絲、羊絨羊毛同埋真絲布料。花少少時間參觀吓呢個龐大嘅市場啦。嗰度無固定價格架,因為預左要講價,所以想買嘢千其就唔好心急喇。

    市場因為擁有一眾熟手裁縫而著稱,佢哋可以用巧手將你選擇嘅布料變做一件完美啱身嘅連身裙、外套或者服裝。嗰度亦都係當地人訂造罩袍同傳統阿拉伯服裝嘅熱門地點。

    地點: Al Ahmed Street, Doha, Qatar

    開放時間: 星期六至星期四 08:30 到 22:00 (星期五及星期日關閉)

    電話: +974 4441 3436

    地圖

    相片由 Preacher lad 提供 (CC BY-SA 3.0) 經修改

    6

    濱海大道魚類市場

    觀看漁民將全日嘅收穫拉上岸

    • 購物
    • 拍照
    • 品嚐美食
    • 經濟實惠

    嚟濱海大道魚類市場,睇下你喺多哈食緊嘅美味海鮮菜式食材源頭啦。市場位於風景優美嘅濱海大道長廊,喺清晨當漁民將當日嘅漁獲帶入市場嘅時候尤其繁忙。

    沿碼頭漫步,你就會見到用咗帳篷覆蓋嘅金屬枱面上排列住一排排海鮮,當中包括薩菲魚 (白斑兔魚)、海膽同埋哈末魚 (橙斑石斑魚)。感受一下海風,同時睇下當地漁民忙於修理漁網以及為第二日出海做好準備嘅景象啦。去濱海大道魚類市場會為你帶嚟多感官嘅愉快海邊體驗。

    地點: Corniche, Doha, Qatar

    開放時間: 每日 06:00 到 12:00 同 18:00 至 00:00

    地圖

    相片由 Salim Virji 提供 (CC BY-SA 2.0) 經修改

    7

    多哈市中心購物廣場

    樓高 5 層嘅購物天堂

    • 購物

    多哈市中心購物廣場係一個方便嘅購物場所,佢連接包括多哈香格里拉在內嘅 3 間多哈主要酒店。佢位於繁忙嘅西灣商業區,擁有數十間店舖同餐廳,可讓俾大多數人瘋狂購物幾個鐘。嗰度亦都有溜冰場、保齡球場、兒童遊樂區同戲院。

    作為多哈比較歷史悠久嘅購物廣場之一,儘管佢可能無市內其他購物中心嘅前衛風格,但係佢依然吸引到一批熱切嘅購物者嚟盡情購物。

    地點: West Bay Area, Doha, Qatar

    開放時間: 星期日至星期三 10:00 到 22:00,星期四至星期六 10:00 到 00:00,星期五 10:00 到 11:00 同 13:00 到 00:00

    電話: +974 4493 3355

    地圖

    相片由 Lawrence Wang 提供 (CC BY-SA 2.0) 經修改

    8

    MIA 公園市集

    喺 9 月至 4 月嘅週末舉行

    • 購物

    每個週末,MIA 公園市集就會喺伊斯蘭藝術博物館嘅空地開鑼。佢比傳統市場嘅形式更加新潮,展出咗由本地同國際匠人製作嘅藝術品、手工藝品同佳餚美食。嗰度仲有各式各樣嘅服裝、書籍同紀念品出售架。

    MIA 公園市集會喺冬季月份 (9 月至 4 月) 舉行,屆時會有多達 150 個攤檔,相當熱鬧。伊斯蘭藝術博物館入面收藏咗大量令人驚嘆嘅穆斯林世界藝術同手工藝品,將逛市集同去美術館結合,輕輕鬆鬆度過美好嘅一日。

    地點: South of Doha Corniche, Doha, Qatar

    開放時間: 星期五 14:00 到 22:00,星期六 12:00 至 19:00,星期日 12:00 至 18:00

    電話: +974 4422 4444

    地圖
    9

    Omani 市場

    位於多哈嘅低調當地市場

    • 購物
    • 品嚐美食
    • 經濟實惠

    雖然 Omani 市場係一個位於多哈嘅小市場,但相當值得一遊,喺嗰度,你可以見到色彩繽紛嘅香料、陶罐、香水同籃。同多哈一啲以遊客為中心嘅市場唔同,去 Omani 市場嘅大多數係當地人,他們會去買日用品或者一啲新鮮水果同蔬菜。

    喺雜踏嘅攤位之中,一定要揾吓好味嘅沙特椰棗同當地蜂蜜!想清爽一啲嘅話,就可以停落黎,飲返杯傳統嘅卡塔爾茶 Karak。

    地點: Salwa Road, Al Maamoura, Doha, Qatar

    開放時間: 每日 07:00 到 22:00

    電話: +974 6672 0259

    地圖
    10

    Lafayette Galleries Doha

    位於卡塔拉文化村嘅巴黎風格百貨公司

    • 購物
    • 豪華住宿

    Lafayette Galleries 位於卡塔拉文化村,其零售空間佔地大約 15,000 平方米。佢亦稱為 Galeries Lafayette,為本地同國際購物者帶嚟巴黎式嘅購物體驗,並擁有 400 個國際品牌同眾多餐飲選擇。你可以喺呢間多哈百貨公司入面搵到 Chanel、Berluti、Karl Lagerfeld 同 Marc Jacobs 等嘅品牌。

    如果你買嘢買到餓餓哋,就可以去 Musk,喺佢有遮陰嘅露台食返個下午茶,又或者品嚐吓 Café Pouchkine 種類豐富嘅俄羅斯同法國菜式。卡塔拉文化村入面嘅 Lafayette Galleries 位於西灣同多哈卡塔爾之珠中間。

    地點: 21 High Street, Katara PB No 75, Doha, Qatar

    開放時間: 星期四 10:00 到 00:00,星期五 13:30 到 00:00,星期六至星期三 10:00 到 22:00

    電話: +974 4447 3404

    地圖
    11

    Alhazm Mall

    位於多哈嘅文藝復興風格購物中心

    • 購物

    Alhazm Mall 擁有大約 125 間店舖,其中大多數都有出售高級設計師品牌。呢個具有文藝復興時期風格嘅建築群擁有托斯卡納雲石地板、拱門、露天廣場同橄欖樹夾道嘅行人路。喺購物中心外面,你仲可以見到類似巴黎羅浮宮嘅玻璃金字塔架。

    Magnolia Bakery、Café Pierre Herme 同 Guylian Café 都係 Alhazm Mall 裡面眾多時尚餐廳中嘅幾間。買完一日嘢,你可以喺 Alhazm Cultural Center (Alhazm Library) 入面放鬆一吓。佢收藏咗大量英文同阿拉伯文嘅珍貴書籍同雜誌。

    地點: Al Markhiya St, Doha, Qatar

    開放時間: 每日 09:00 到 00:00

    電話: +974 4411 1444

    地圖

    相片由 Alex Sergeev 提供 (CC BY-SA 3.0) 經修改

    Lana Willocks | 特約撰稿人

    開始計劃行程

    Maps