卡塔爾 7 大最佳公園

卡塔爾邊個公園最值得參觀?

    位於海灣嘅卡塔爾雖然天氣炎熱,但仍設有林木葱鬱嘅公園。公園對外開放,設有緩跑徑俾大家做運動,有啲公園甚至為小朋友提供一流設施同遊樂場。如果你鍾意休閒啲嘅活動,咁你可以去公園旁嘅咖啡室飲杯咖啡放鬆下。

    我哋精心挑選咗卡塔爾一啲令人輕鬆愉快嘅公園。每個公園嘅活動、景點、植物品種同設施都係獨一無二,一定會有個係啱你心水。

    1

    志向公園 (Aspire Park)

    探索卡塔爾最大嘅公園

    Aspire Park 佔地 88 公頃,係一個超級大嘅公園,為卡塔爾熱愛體育嘅人士提供廣泛活動。呢個熱鬧嘅地區位於卡塔爾首都多哈以西約 13 公里。你可以喺慢跑道上開始新嘅一天,然後喺酒店內嘅咖啡廳喝返杯新鮮嘅啤酒。到咗夜晚,民眾都中意喺魚池旁嘅公園長凳上放鬆身心,並喺漫長而炎熱嘅一日後享受微風。

    喺夜晚,你可以到大型草場燒嘢食,欣賞多哈嘅天際線,屆時公園真正充滿活力。唔好唔記得登上 300 米高嘅火炬塔 (Torch Tower),大樓上有天文台同旋轉餐廳,可以欣賞多哈嘅壯麗景色。

    地點: 卡塔爾多哈嘅沙道小徑

    電話: +974 4413 8188

    地圖
    • 伴侶
    • 家庭
    • 拍照
    2

    艾比達公園

    享受各式各樣嘅活動

    艾比達公園 (Al Bidda Park) 位於多哈濱海大道 (Doha Corniche),喺一個多功能公園,園內有跑道、7 個遊樂場同埋多個體育館俾你強身健體。除此之外,呢度仲有足球場同籃球場,令呢個公園嘅運動氣氛更加強烈。

    多哈大部公共場所同公園都唔可以帶寵物內進,不過艾比達公園就好歡迎寵物啦。不過記住帶寵物入去嘅話一定要用頸帶呀。公園內有好多燒烤爐、長椅同長枱,係度舉行燒烤派對絕對無問題。艾比達公園沿著多哈市中心嘅海岸線延伸,有時間可以參觀埋蘇艾華奇夫市集 (Souk al Waqif)。

    地點: Corniche, Doha, Qatar

    地圖
    • 伴侶
    • 家庭
    • 拍照
    3

    蘇華奇夫市集公園

    慶祝節日,感受花海

    蘇華奇夫市集公園 (Souq Waqif Park) 位於多哈市中心,園內種咗好多綠色植物,鐘意植物嘅旅客一定好鐘意呢個公園。海岸線附近嘅花園喺一遍色彩繽紛嘅花海,非常養眼。你可以係草地上玩遊戲,都可以鋪張毯輕輕鬆鬆咁野餐。而園內嘅大型噴泉可以幫你降降溫,又可以為小朋友帶來歡樂。

    呢個公園同附近嘅蘇華奇夫市集都會舉行好多活動,包括春節期間嘅雜技同舞蹈表演。7 月個陣你仲可以係「本地棗果節 (Local Dates Festival)」期間品嚐唔同嘅棗。

    地點: Corniche, Doha, Qatar

    地圖
    • 伴侶
    • 家庭
    • 拍照
    4

    伊斯蘭藝術博物館公園

    係公園同屋企人共度夜晚

    伊斯蘭藝術博物館公園全年都會舉辦各種活動。由 10 月到 2 月天氣涼爽嘅時份,草地上會有露天電影院同健身課程。夜晚沿著海濱長廊散步,欣賞多哈天際線照耀著嘅海灣,必定令你留下印象深刻。

    伊斯蘭藝術博物館公園既有大型彈床,又有一個配備繩索、樓梯同滑梯嘅奇幻城堡,精力充沛嘅小朋友一定鐘意。呢到仲有得租單車,俾你一邊乘著夜光微風,一邊踩單車,悠悠閒閒咁遊覽公園。

    地點: Doha Port, Doha, Qatar

    電話: +974 4422 4444 5

    地圖
    • 伴侶
    • 家庭
    • 拍照
    5

    喜來登酒店公園

    方便一家人去嘅公園

    喜來登酒店公園顧名思義就係多哈喜來登度假大酒店嘅後面嘅公園,位於濱海大道 (Al Corniche) 街北面。呢度嘅遊樂場非常寬敞,又有 24 小時保安,喺一家人嘅好去處。公園定期舉辦唔同活動,其中許多活動都為一家大細而設。呢個公園有個 4 層高嘅地下停車場,提供 2500 幾個停車位。

    喜來登酒店公園嘅總面積達 80,000 平方米,大約 34,500 平方米用於綠化。呢度有 5 個同水有關嘅景點,健身區有 12 個挑戰區,仲有祈禱室同埋各式各樣嘅餐廳同小食亭。

    地點: 1 Al Corniche St, Doha, Qatar

    電話: +974 4456 7665

    地圖
    • 家庭
    • 購物
    • 拍照
    6

    卡塔拉綠色山丘

    卡塔拉文化村附近連綿起伏嘅山丘

    卡塔拉綠色山丘 (Katara Green Hills) 佔地約 361,500 平方米,用涼爽嘅草地同樹木覆蓋卡塔拉文化村 (Katara Cultural Village) 周圍。花園係文化莊嘅兩側,分為北山同南山,又有幾條步道同娛樂消閒設施。

    公園因連綿起伏嘅山丘而得名,呢啲山丘種滿來自世界各地約 3,300 棵樹木,為卡塔拉增添咗唔少自然風光。卡塔拉綠色山丘坐享卡塔拉海灘 (Katara Beach) 嘅景色,喺享受平安同寧靜嘅好地方。

    地點: Al Moasses St, Doha, Qatar

    地圖
    • 伴侶
    • 家庭
    • 拍照
    7

    氧氣公園

    多哈嘅親子戶外健身房

    氧氣公園 (Oxygen Park) 喺多哈嘅運動好去處。多哈北部呢個公園佔地 13 公頃,專為喜歡做運動嘅人士而設,裡面有緩跑徑同排球場。係呢幾個多功能球場上,你可以決定同家人朋友想玩咩球類活動同遊戲。

    如果想避開炎熱嘅陽光,你可以揀係夜晚開咗燈嘅時候,先嚟使用呢度嘅緩跑徑同其他設施。跑完步之後,你可以到運動場周圍嘅花園同野餐區休息一下。呢個咁大嘅公園仲有小朋友好鐘意嘅人工瀑布同遊樂場。

    地點: Education City, Ar-Rayyan, Doha, Qatar

    電話: +974 4454 0000

    地圖
    • 伴侶
    • 家庭
    • 拍照
    Huub Lakerveld | 特約撰稿人

    開始計劃行程

    Maps