卡塔爾全年舉辦各種萬眾期待嘅節慶同活動。部分節慶反映咗呢個國家豐富嘅文化底蘊,亦有一部分展現佢井然有序的嘅現代性同國際視野。

    從奔騰嘅駱駝到廚藝高超嘅名廚,從阿拉伯帆船 (Dhow) 排列於岸邊嘅寧靜風景到令人眼花繚亂嘅煙花表演,呢度嘅節慶體驗實在多姿多彩。卡塔爾嘅活動既會頌揚宗教信念,亦會歌頌突破界限嘅藝術家。攞個日曆出嚟記低啲重要日子,睇吓下次去卡塔爾參加邊個精彩節慶啦。

    1

    志向國際風箏節

    喺風嬌日暖嘅花園中漫步

    每年 3 月,多哈嘅年度風箏節會喺多哈嘅志向公園 (Aspire Park) 舉行,五顏六色嘅風箏喺天上飛舞。世界各地嘅放風箏高手齊集,五彩繽紛嘅風箏喺空中飛舞,蔚為壯觀。

    風箏節會展出傳統設計嘅風箏,每日舉行嘅工作坊可以俾一家大細嚟磨練吓製作風箏嘅技巧。為期 3 日嘅節慶活動中,仲有學生組比賽、巡遊同文化表演。

    地圖
    2

    沙哈尼亞駱駝比賽

    終極沙漠運動

    • 拍照
    • 歷史文化`
    • 非一般行程

    卡塔爾嘅駱駝比賽已經發展咗幾百年,而家已經成為一項價值幾百萬美金、競爭激烈嘅競技運動。呢項運動運用遙控「騎師」騎駱駝,以獨特嘅方式將傳統與現代技術融合。

    10 月到 2 月逢星期五都有賽事,而主要賽事就喺 3 月同 4 月進行。喺 4 月嘅 HH 埃米爾大賽 (HH the Emir’s Main Race) 贏得冠軍嘅話,可以獲得金劍獎 (Golden Sword) 呢個全國榮譽。比賽喺多哈-杜漢 (Doha-Dukhan) 高速公路上嘅沙哈尼亞駱駝比賽徑 (Al Shahaniya Camel Racing Track) 舉行,距離多哈市中心約 1 小時車程。

    地圖
    3

    卡塔爾國際藝術節

    欣賞搶眼藝術品,與藝術家交流

    • 伴侶
    • 經濟實惠

    卡塔爾國際藝術節 (Qatar International Art Festival) 於 10 月下旬或 11 月初舉行,為期 6 日,為世界各地嘅藝術家提供表現自己同創意交流嘅平台。活動包括現場繪畫示範、工作坊、研討會、時裝表演同展覽,吸引超過 200 位藝術家參加。

    藝術節於卡塔拉文化村 (Katara Cultural Village) 舉行,有意參加嘅藝術家可以提前申請,而公眾可以免費參觀展覽同欣賞現場繪畫示範。

    地圖
    4

    阿賈爾電影節

    小朋友同樣盡興

    每年 11 月下旬,為期 1 星期嘅年度阿賈爾電影節 (Ajyal Film Festival) 都會喺多哈嘅卡塔拉文化村 (Katara Cultural Village) 舉行,以歌頌電影呢門藝術。「阿賈爾 (Aiyal)」喺阿拉伯文入面有「世代」嘅意思,所以呢個電影節希望可以吸引到任何年齡嘅人士。除咗電影放映會同論壇之外,仲有角色扮演活動、電子遊戲錦標賽同埋現代音樂表演。

    世界各地嘅電影製片人、音樂人同藝術家不惜遠道而來,喺多哈嘅卡塔拉文化村參與電影節。所有活動均免費入場。

    地圖
    5

    卡塔拉傳統阿拉伯帆船節

    標誌性嘅阿拉伯帆船同大家見面

    • 拍照
    • 歷史文化`
    • 經濟實惠

    幾個世紀以嚟,阿拉伯帆船 (Dhow) 帶領水手遊遍阿拉伯海域同其他地區,而卡塔爾每年都會喺多哈嘅卡塔拉文化村 (Katara Cultural Village) 舉辦傳統阿拉伯帆船節 (Traditional Dhow Festival),紀念呢種宏偉嘅帆船。帆船節通常喺 12 月舉行,

    展出大約 70 艘不同大小、採用傳統設計嘅帆船;參加者仲可以參觀藝術展覽,同埋欣賞以海洋為主題嘅煙花表演。到時嘅傳統市集亦會販賣海洋相關嘅產品、手工藝品同食品。只要俾少少錢,就可以坐上阿拉伯帆船出海 30 分鐘,前往卡塔爾之珠 (The Pearl),沿途欣賞如畫風光。

    地圖

    相片由 Alex Sergeev 提供 (CC BY-SA 3.0) 經修改

    6

    多哈文化節

    深入了解卡塔爾嘅習俗同歷史

    多哈文化節 (Doha Cultural Festival) 係卡塔爾一項重要活動,各種當地傳統同藝術百花齊放。呢個地區嘅文化同創意,通過音樂表演、舞蹈、攝影、藝術展覽等大放異彩。當中最受歡迎嘅表演節目就係唱歌同詩歌朗誦,由此可見呢個國家口耳相傳嘅傳統相當豐富。文化節嘅活動喺多哈多個地點舉行,經過精心設計嘅表演節目務求滿足一家大細嘅口味。

    卡塔爾王子殿下哈馬德 (Al Sheikh Hamad Ben Khalifa Al Thani) 每年都會親自主持活動。文化節每年 2 月或 3 月舉行。

    7

    開齋節

    齋戒月尾聲嘅節慶活動

    齋戒月係卡塔爾全國都會舉行嘅宗教慶祝活動,經過 1 個月嘅齋戒、祈禱同反思之後,以為期 3 日嘅開齋節節慶活動結束。開齋節係卡塔爾嘅公眾假期,等大家好好聚首一堂,一齊享用開齋餐。雖然有啲公司會暫停營業,但係全國各地都掛滿燈飾同彩旗,仲有晚間煙花表演,節日氣氛滿瀉。

    家庭通常都會喺自己屋企慶祝,同時好多當地餐廳同酒店為咗體現節日嘅慷慨精神,都會提供折扣、特別套餐同活動。伊斯蘭曆中閃瓦魯月 (Shawwal) 嘅第一日就係開齋節,每年嘅日子都唔一樣。

    8

    卡塔爾國際美食節

    創意美食,名廚坐陣

    各位為食貓同埋鍾意飲飲食食嘅遊客,一定要喺 3 月或者 4 月去卡塔爾旅行,去一年一度嘅卡塔爾國際美食節觀摩,品嚐由世界各地嘅廚師烹調嘅絕妙佳餚。活動包括著名廚師現場烹飪表演、健康食品工作坊、農貿市集,仲有親自到農場採摘嘅體驗。當地廚師同企業家當然亦會把握機會,喺美食節展現實力。

    美食節每年都有唔同主題,並配以貼題嘅現場表演同娛樂活動。美食節多年嚟曾經喺卡塔爾唔同地方舉行,包括多哈嘅卡塔爾之珠 (The Pearl) 同氧氣公園 (Oxygen Park)。

    9

    卡塔爾海洋節

    精彩活動包括潛水採珍珠、海洋主題話劇

    一年一度嘅卡塔爾海洋節係為咗慶祝卡塔爾悠久嘅航海傳統而設嘅。多哈嘅卡塔拉文化村 (Katara Cultural Village) 會有各種活動,主題圍繞海洋教育、文化、環境、娛樂及體育。其中一個重點節慶活動,就係一套精心製作嘅話劇—300 多位表演者喺高科技舞台上忘我演出,令人拍案叫絕。

    參加節慶活動嘅人士有機會更深入了解採集珍珠、編織漁網同埋建造阿拉伯帆船嘅方法,亦可以享受美食,另外有適合家庭嘅活動,例如迷您高爾夫球同沙雕藝術品。小朋友可以參加造紙、繪畫、陶瓷同其他手工藝品嘅工作坊。

    地圖
    10

    瓦吉夫傳統市集春節

    為市集增添魔力

    卡塔爾著名市集瓦吉夫傳統市集 (Souq Waqif) 喺每年嘅春節期間都變得更有活力。春節由 12 月下旬到 1 月初舉行,為期 15 日。到時市集裡面擠滿更多美食車同攤檔,而小朋友都忙住喺艾哈邁德廣場 (Al Ahmed Square) 騎馬仔、玩嘉年華機動遊戲,樂而忘返。

    呢度除咗購物之外,仲有好多體育活動俾您享受,包括排球比賽同撐獨木舟。遊客仲有機會觀賞馬戲團表演、雜技表演、魔術表演同藝術展覽。

    地圖
    Lana Willocks | 特約撰稿人

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首

    Maps