卡塔爾嘅阿拉伯灣沿岸地帶設有不同海灘,可以欣賞明媚陽光同碧綠海水嘅優美景致:卡塔爾半島嘅現代城景、繁華傳統市場同沙漠景觀更加係令人一見難忘。

    雖然一講起世界聞名海灘勝地,大家未必會即時諗起卡塔爾,但呢度嘅海灘其實都好靚,你可以玩完驚險刺激嘅活動之後去海灘嬉水。有啲海灘適合一家大細,有啲就環境輕鬆寫意,實有個海灘係適合你。

    1

    香蕉島

    距多哈市區只有 25 分鐘船程

    想去海灘嘅旅客可以係伊斯蘭藝術博物館附近嘅碼頭,登上豪華雙體船前往香蕉島 (Banana Island)。你可以期待一下喺泳池旁邊好悠閒咁過一日、去划獨木舟、坐香蕉船、滑水梯,以及進行其他親子水上運動同娛樂活動。

    香蕉島由多哈香蕉島安納塔拉度假酒店 (Banana Island Resort Doha by Anantara) 經營,一日通門票大約係 350 里亞爾,門票包坐船、去游泳池同海灘、同埋可以喺度假村嘅餐廳同玩休閒活動嘅時候用入面嘅積分。

    地點: Banana Island Resort Doha by Anantara, Doha, Qatar

    開放時間: 每日 08:00 至 19:00

    電話: +974 4040 5050

    地圖
    • 伴侶
    • 家庭
    • 豪華住宿
    2

    豪爾艾阿戴德

    探索內海之美

    豪爾艾阿戴德以美麗嘅風景同多樣化嘅野生動植物,吸引咗好多愛好大自然嘅旅客。連聯合國教科文組織都將呢個自然保護區稱為「非凡景觀」,到你前往呢個內陸海灘時,就知道一定會有美景作為打賞。

    你可以係沙丘嘅山頂睇日落,又或者睇下成群候鳥棲息係海岸之上。係呢個保護區,你仲可以野餐、露營過夜、觀星同釣魚。你只可以揸四驅車去豪爾艾阿戴德,因為普通嘅私家車征服唔到呢到嘅沙丘。

    地點: Inland Sea Off Road, Qatar

    地圖
    • 家庭
    • 歷史文化`
    • 拍照
    • 經濟實惠
    3

    艾德晞拉海灘

    係漫長嘅海岸線上欣賞紅樹林

    艾德晞拉海灘 (Al Thakhira Beach) 距離多哈以北 60 公里,喺一家人去旅行嘅熱門勝地。呢個度假勝地嘅海灘設有長椅,又有海濱散步長廊同為小朋友而設嘅遊樂場,好適合有小朋友嘅家庭。

    海灘有一片紅樹林沿海岸線延伸,更加令北卡塔爾海灘生色不少。你可以從海岸欣賞紅樹林嘅景色,不過參加橡皮艇遊覽之旅可能更加有趣。呢度嘅生物多樣性非常震撼,有多種鳥類係呢度棲息,令你難忘。

    地點: Al Dhakira, Qatar

    地圖
    • 家庭
    • 經濟實惠

    相片由 Irshadpp 提供 (CC BY-SA 3.0) 經修改

    4

    庫維烈海灘

    係風景如畫嘅海邊輕鬆游水

    庫維烈海灘 (Fuwairit Beach) 位於卡塔爾最北部,距離多哈以北約 100 公里。因為呢個海灘離首都好遠,所以好少會因為人太多而擁擠。海灘兩側有美麗嘅岩層,海水淺而平靜,絕對令好想跳入清涼嘅海水降降溫,同時欣賞風景如畫嘅景色。

    海灘上並無便利設施同餐廳,所以最好自己帶雨傘同準備嘢食野餐。庫維烈海灘於 4 月至 7 月期間關閉,屆時玳瑁會係呢片沙灘上卵產。

    地點: 卡塔爾 AlGhārīyah

    開放時間: 全天候開放 (4 月至 7 月關閉)

    地圖
    • 家庭
    • 經濟實惠
    5

    西格利海灘

    觀賞卡塔爾嘅野生動物同石灰岩

    西格利海灘 (Zekreet Beach) 位於卡塔爾西部半島上,好多人聽到就會話好「偏遠」呀。海灘位於多哈以西 100 公里外,需要租用四驅車先可以到達,係崎嶇嘅地形上享受風景優美嘅車程。

    你可以帶備浮潛泳鏡係海洋中浮潛,又或者留係內陸,欣賞瞪羚、鹿同鴕鳥自由漫步。西格利海灘上並無任何設施,所以如果想係卡塔爾西海岸進行冒險活動,記得帶齊所需嘅所有食物同裝備啦。

    地點: Film City, Qatar

    地圖
    • 家庭
    • 經濟實惠
    • 遊歷
    6

    烏巴海灘

    係棗椰樹蔭下放鬆身心

    烏巴海灘 (Umm Bab Beach) 位於西格利海灘以南約 35 分鐘嘅路程。吸引泳客嘅唔單止喺海灘水清沙幼,仲有大量棗椰樹可以遮擋陽光。呢度嘅海灘設施包括燒烤爐同兒童遊樂區,你可以輕輕鬆鬆係呢度渡過一日時光。

    走入內陸地區,仲可以睇下由開挖粘土採石場而產生嘅月球狀地貌。記得帶相機,因為你可以係呢個仍然運作緊嘅礦場拍攝荒涼而美麗嘅照片。參觀埋多哈以東 85 公里嘅採石場,就喺一個完整嘅一日遊。

    地點: Umm Bab, Qatar

    地圖
    • 家庭
    • 拍照
    • 經濟實惠
    Huub Lakerveld | 特約撰稿人

    開始計劃行程

    Maps