卡塔爾擁有多樣化景觀同宜人氣候,一年四季都適合進行唔同冒險運動。嚟到卡塔爾,當然唔可以錯過攀石、跳傘和沙漠飆沙 (Dune bashing) 等刺激性十足嘅極限運動,想悠閒啲嘅話都可以選擇潛水同玩帆船。不妨瀏覽我哋準備嘅資料,睇下喺卡塔爾觀光時可以參加邊啲好玩戶外冒險活動。

    1

    沙漠飆沙

    探索卡塔爾獨特景觀

    沙漠飆沙係體驗卡塔爾獨特沙漠景觀嘅好方法之一。你可以租架沙丘越野車,或者請司機駕駛四驅車帶你去霍爾阿爾阿代德 (豪爾艾阿戴德) 內陸海。呢個自然保護區獲聯合國教科文組織認可,以風景如畫嘅海灘、清澈嘅海水同金色嘅沙丘聞名。沙漠飆沙係一項好刺激嘅活動,自問膽小嘅你玩之前記得要三思。

    • 遊歷
    2

    潛水

    親近海洋生物

    碧綠嘅阿拉伯灣 (Arabian Gulf) 係各種海洋生物嘅棲息地,所以嚟到卡塔爾一定要去潛水。Old Club Reef 人造珊瑚礁係當地深受歡迎潛水熱點之一。你可以乘搭包船前往馬卡登 (Macadeen) 沉船殘骸點,享受一次愉快嘅潛水體驗。你亦可以喺卡塔爾搵到好多潛水中心,專為初哥同老手提供潛水課程。卡塔爾最受歡迎嘅潛水中心有 Poseidon Diving Center 潛水中心同 Qatar Scuba Center 潛水中心。

    • 遊歷
    3

    攀岩

    喺卡塔爾攀石

    鍾意刺激嘅你,可以喺卡塔爾體驗攀石嘅樂趣。比爾澤克雷特 (Bir Zekreet) 位於卡塔爾西岸,擁有奇岩怪石,絕對係攀石好地方。如果你想試下攀岩,咁就一定要去位於烏姆沙布魯姆 (Umm Al Shabrum) 嘅穆斯富爾天坑 (Musfur Sinkhole)。一家大細或者鍾意留喺室內嘅人,可以去位於加拉法 (Gharafa) 埃茲丹購物中心 (Ezdan Mall) 嘅 Galaxy Sports 運動店行下。

    • 遊歷
    4

    跳傘

    欣賞壯麗天色

    跳傘係卡塔爾必玩冒險活動。Skydive Qatar 跳傘公司擁有良好安全記錄,仲提供專業指導員教你有關跳傘嘅知識。喺多哈由飛機上一跳,未來感十足嘅城景同沙漠廣闊嘅景觀即映入眼簾。

    • 遊歷
    5

    風箏滑浪

    喺卡塔爾最受歡迎嘅海灘上乘風破浪

    風箏滑浪係卡塔爾必試水上運動,當地有好多地方適合進行呢項活動。富威里特 (Fuwairit) 距離多哈一小段車程,交通十分便利,同卡塔爾大多數海灘唔同,所以吸引好多風箏滑浪者。由多哈出發揸一小時車,就會到澤克雷特 (Zekreet) 潟湖,潟湖好大但水好淺。初哥可以喺呢個封閉嘅海灣練習風箏滑浪。卡塔爾其他受歡迎嘅風箏滑浪點有阿爾馬夫賈爾 (Al Mafjar)、蘇馬西馬 (Sumaysimah) 同艾莉亞島 (Al Aaliya Island)。1 月至 6 月係卡塔爾風箏滑浪旺季。

    • 遊歷
    6

    騎駱駝

    「沙漠之船」上欣賞風景

    世上有好多地方都可以近距離接觸駱駝,但卡塔爾嘅駱駝活動與眾不同。你可以喺卡塔爾觀賞駱駝比賽,或者騎駱駝穿越沙丘。亞沙哈尼亞賽馬場 (Al Shahaniya Race Course) 舉辦本土同國際賽馬比賽,為遊客提供觀賞珍貴駱駝比賽嘅機會,相當值得一去。如果你想一邊騎駱駝一邊欣賞迷人沙漠風光,可以選擇預訂套餐,通常套餐包含一小時騎駱駝時間、酒店接送服務,同埋阿拉伯咖啡或茶。

    • 家庭
    • 遊歷
    • 單人旅客
    • 團體
    7

    四輪電單車

    揸全地形車體驗海岸線海灘

    身處喺沙漠之中,咁就一定要揸四輪電單車。卡塔爾嘅沙漠飆沙同四輪電單車都適合老手同新手玩;不過,新手通常會留喺平地,而老手會挑戰陡峭嘅沙丘。海岸線海灘 (Sealine Beach) 係卡塔爾深受歡迎嘅四輪電單車熱點之一。你可以喺好多店鋪租到四輪電單車。

    • 遊歷
    8

    花式滑水

    挑戰花式滑水

    花式滑水係一項將雪地滑板同滑水二合為一嘅運動,近年來成為卡塔爾熱爆活動。未玩過?唔駛怕!花式滑水好易上手。Diplomatic Club 俱樂部位於卡塔爾之珠 (Pearl Qatar) 附近,係多哈玩花式滑水嘅最佳地方。多哈洲際酒店嘅私人海灘上面有間由水上運動發燒友開嘅 Qatar Water Sport,為旅客帶嚟耳目一新嘅滑水體驗。

    • 遊歷
    9

    帆船活動

    探索阿拉伯灣水域

    卡塔爾嘅地理位置令帆船可以全年航行。Regatta Sailing Academy 令你喺阿拉伯灣水域上揚帆變得輕而易舉。經驗豐富嘅教練為不同年齡同能力嘅學員,提供各種帆船認證課程。你都可以喺 Boat Lagoon Yachting 租船店租用各式各樣小船同帆船。

    • 伴侶
    • 家庭
    • 豪華住宿
    • 遊歷
    10

    水上電單車

    參加水上電單車之旅

    如果你想鍾意揸水上電單車,咁你一定要喺卡塔爾參加水上電單車團。你可以同一大班人一齊欣賞卡塔爾之珠同埋海濱大道等地方嘅壯麗景色,或者自己一個揸水上電單車四處探索。

    • 遊歷
    • 單人旅客
    • 團體
    Dejan Badnjarevic | 特約撰稿人

    開始計劃行程

    Maps