由繁華都會﹑起伏草原﹑崎嶇山脈﹑野生森林﹑豪華海灘﹑灼熱沙漠以至北極寒風,北美洲都可以話應有盡有。作為世界文化大熔爐,北美洲就好似「濃縮版」嘅地球一樣,而且幅員廣闊,要一次過玩晒各大景點,絕對係一大挑戰!

    北美洲主要由加拿大同美國呢兩個國家組成,兩地嘅環境﹑文化同民族都獨具特色,肯定會為你帶嚟與別不同嘅旅遊體驗。其中,邁阿密同洛杉磯周圍都係潮爆嘅 Party 熱點;紐約同多倫多係人來人往嘅大城市;如果想去 Chill 啲嘅地方,魁北克同舊金山就啱哂你;想參觀獨一無二又古靈精怪嘅景點?你仲可以去埋奧斯丁同拉斯維加斯添!北美洲好玩嘅旅遊勝地數之不盡,不如就由呢度開始,探索呢片生機勃勃、多姿多彩嘅大陸啦!

    北美洲熱門目的地

    你接著會去哪兒?
    • 紐約

      貴為國際大都市,紐約絕對會為你開拓無盡可能,市內唔少地標都位於中心地帶,遊客可以喺帝國大廈 (Empire State) 嘅頂層睇靚景,又或者去百老匯 (Broadway) 劇院區欣賞精彩表演;而中央公園 (Central Park) 入面嘅蜿蜒小徑可能都已經夠你行足一日!除此以外,你仲可以去埋博物館區,細味畢加索 (Picasso) 同梵高 (Van Gogh) 嘅驚世傑作。

      難得嚟到時尚型格嘅曼哈頓下城區 (Lower Manhattan),點可以錯過格林威治村 (Greenwich Village) 以至蘇豪區 (Soho) 嘅潮流名店同 Café 呢?

      閱讀更多資訊

    開始計劃行程

    繼續探索