阿姆斯特丹 10 個 Instagram 打卡勝地

值得向朋友「曬命」嘅阿姆斯特丹相片

    阿姆斯特丹風景如畫,有好多值得影相留念嘅地方,又以春天為最佳旅遊季節,記住帶相機定格繁花盛放嘅繽紛畫面喎!因為,荷蘭鬱金香花季正正喺呢段時間開始。阿姆斯特丹市中心嘅運河環形區 (Canal Ring) 林立船屋、山牆屋、中世紀建築,令人印象深刻。去完呢啲 Instagram 打卡勝地,梗係要影返幾張別具個人特色嘅靚相,Post 上 Instagram 洗版啦!

    1

    阿姆斯特丹皇宮

    阿姆斯特丹皇宮 (Royal Palace of Amsterdam) 建於公元 17 世紀,係水壩廣場 (Dam Square) 附近嘅地標,以砂岩建成,滿載獨樹一幟嘅特色,當中包括拱形圓頂,上面飾有仿似柯克船嘅風向標。而波賽頓 (Poseidon)、阿特拉斯 (Atlas) 等希臘眾神嘅雕塑喺阿姆斯特丹皇宮嘅立面建築上隨處可見,極具神話色彩。

    • 拍照
    2

    西教堂

    位於阿姆斯特丹市中心嘅西教堂 (Westerkerk) 高聳入雲,成幢建築高達 85 米,鐘樓更加係一大標誌特色。行入呢座公元 17 世紀嘅教堂,你會喺入口上方見到華麗樂器,周圍仲飾有出自佛萊明 (Flemish) 油畫家 Gerard de Lairesse 手筆嘅畫板添!

    • 拍照
    3

    老教堂

    位於哈倫 (De Hallen) 嘅老教堂 (Oude Kerk) 喺 1213 年落成,悠久歷史冠絕阿姆斯特丹 (Amsterdam),堂址佔地 3,300 平方米,飾有彩色玻璃窗配搭巨型木屋頂,滲透中世紀色彩。嚟到老教堂廣場 (Oudekerksplein),最「吸睛」嘅無疑係設計大膽嘅裸體雕塑,其中一個正正係女性單手遮胸嘅青銅浮雕。

    • 拍照
    4

    王子運河

    阿姆斯特丹嘅運河風景如畫,相當受歡迎,而王子運河 (Prince's Canal) 更加係當地人氣最旺嘅必到打卡位。不妨試吓拎住相機,聚焦行人天橋對面?運河獨一無二嘅建築物、樹木、盆栽同船仔都可以成為獨當一面嘅「Model」架!

    • 品嚐美食

    相片由 Zairon 提供 (CC BY-SA 4.0) 經修改

    5

    達姆拉克大街

    達姆拉克大街 (Damrak) 位於阿姆斯特丹中央火車站 (Centraal Station) 同市中心嘅水壩廣場 (Dam Square) 之間,可以全方位眺望阿姆斯特爾河 (Amstel River),同時將阿姆斯特丹山牆屋嘅絢麗風光盡收眼底。如果想用相機捕捉最精彩一刻,趁住晏晝河面反射繽紛房屋嘅倒影,你一定會得到最滿意嘅構圖!

    • 拍照
    6

    Zevenlandenhuizen

    Zevenlandenhuizen 係荷蘭名建築師 Tjeerd Kuipers 喺 1894 年設計嘅作品,成座建築由一排 7 間房屋並列而成,流露歐洲 7 個國家嘅建築風格,每間房屋各具特色,例如有以西班牙格拉納達 (Granada) 為靈感嘅別墅、法國盧瓦爾 (Loire) 城堡,仲有唔少得德國 18 世紀嘅拱形窗同塔樓。

    • 拍照

    相片由 Fred Romero 提供 (CC BY 2.0) 經修改

    7

    庫肯霍夫公園

    適逢春季,去庫肯霍夫花園 (Keukenhof Gardens) 玩番日,包保你會俾園內處處盛開嘅鮮艷鬱金香深深吸引!庫肯霍夫花園係全世界最大型嘅花園之一,種植咗超過 800 種鬱金香,映照獨一無二嘅藝術裝置;再加上廣闊舒適嘅亭園,啱哂舉辦花卉展覽。

    • 家庭
    • 拍照
    8

    NDSM Werf 造船廠

    嚟到 NDSM Werf 造船廠,你會發現周圍都瀰漫住濃厚嘅藝術氣息,除咗有新奇嘅藝術擺設俾旅客欣賞,仲有由當地藝術家開設嘅工作坊。由壯麗驚艷嘅壁畫,到用回收物料製成嘅雕塑,呢個公共空間嘅一切都令人眼前一亮!

    • 拍照
    9

    Sint Olofssteeg 運河

    喺阿姆斯特丹眾多運河之中,Sint Olofssteeg 一隅嘅規劃相當特別,區內建築物周圍居然完全無行人街道,設計獨到,令一幢幢建築物望落有種「河上漂浮」嘅錯覺,眼見未為實!

    • 拍照
    10

    贊瑟斯漢斯

    贊瑟斯漢斯 (De Zaanse Schans) 位於阿姆斯特丹西北 15 公里以外,保存咗好多 18 世紀遺留落嚟嘅風車,可以話係荷蘭嘅一大象徵!呢條充滿中世紀風格嘅村莊全年四季都歡迎旅客遊覽;不過,如果你想睇真啲區內風車,就要喺 4 月至 10 月光臨喇。

    • 拍照
    Penny Wong | 旅遊常客

    開始計劃行程

    Maps