淺草寺係東京淺草區嘅熱門景點之一,更可能係東京最備受尊崇嘅佛寺!淺草寺又稱為「淺草觀音寺」,坐落於東京市中心嘅黃金地段,寺廟建築群莊嚴雄偉,令人大開眼界。淺草寺建於 7 世紀,唔單止係東京區歷史最悠久嘅寺廟,亦係日本最受歡迎嘅廟宇之一,每年吸引超過 3,000 萬信眾嚟到參拜。

    寺內供奉著大慈大悲觀音菩薩;相傳,觀音菩薩 1,500 年以來一直是人類的守護神。此外,淺草寺更不只是一座佛寺,寺內賣點超級多,叫人目不暇給!有機會遊覽東京嘅話,建議抽空參觀呢座恬靜、和諧又迷人嘅寺廟。

    淺草寺歷史

    淺草寺嘅歷史同建築物氛圍都係好引人入勝—628 年 3 月 18 日,檜前濱成同檜前竹成兩兄弟喺淺草隅田川用網捉魚果時,撈獲一尊初次出土嘅金色觀音菩薩像。神奇嘅係,即使佢地多次將菩薩像送返河裡面,佢都一次又一次返到身邊!

    最後,兩人將菩薩像交畀信奉佛教嘅村長土師真仲知;土師真仲知後嚟成為咗法師,又將自己嘅住所改建成為佛寺,供奉呢尊觀音菩薩像,更開放寺廟,畀附近各地、甚至係遠道而嚟嘅信眾參拜觀音菩薩。

    但係,法師勝海上人嘅夢裡面得到神諭後,就決定唔再畀信眾親眼睇座觀音菩薩像。淺草起初只係平凡漁村,由於參拜觀音菩薩嘅信眾絡繹唔絕,方開始迅速蓬勃發展。延曆寺嘅圓仁大師喺 9 世紀到訪淺草寺,同埋打造咗一尊同觀音菩薩金身像一模一樣嘅仿製雕像。由於好多顯赫人物都慕名到訪淺草寺,寺廟因而有資源進行翻新工程,又慢慢成為江戶文化中心。

    淺草寺嘅賣點同特色

    走入淺草寺之前,首先會見到氣勢震撼嘅「雷門」入口。雷門懸掛咗一個鮮艷搶眼嘅巨型紙燈籠,紅黑色調代表咗閃電同雷雨雲。

    從雷門走到寶藏門,要穿過長約 200 米嘅仲見世商店街,街道兩邊商店林立,售賣各種精緻嘅紀念品。走過寶藏門,就到咗觀音堂同古色古香嘅五重塔—五重塔喺 942 年由武將平公雅出資興建,用嚟供奉觀音菩薩,

    又喺 1973 年嘅一場大火後,進行重建。寺內必睇賣點包括江戶幕府第三代將軍德川家光興建嘅國寶級大雄寶殿;其他景點包括歷史追溯到 17 世紀嘅典雅「藥師堂」、被日本政府指定為重要文化遺產嘅「二天門」、「錢塚地藏堂」、供奉弁才天嘅「弁天堂」,同埋供奉同歌山縣神靈嘅「淡島堂」。寺廟內多數建築物都喺第二次世界大戰期間被摧毀,好在後嚟重建成功。

    淺草寺都係舉辦活動嘅熱門場所,精彩節目包括三社祭、錦燈籠市、淺草森巴嘉年華同東京時代祭。

    淺草寺實用資訊

    淺草寺旁邊就係淺草神社,裡面供奉咗 3 位重要人物:檜前濱成、檜前竹成,同埋淺草寺創辦人土師真仲知。明治時期,淺草神社從淺草寺本堂獨立咗出嚟,寺外嘅日式庭園經過精心打造,優美古雅,環境和諧安詳,好受訪客讚賞。

    遊客由淺草地鐵站行幾分鐘,就可以到淺草寺。淺草嘅交通系統方便快捷,連接以下幾條火車線同地鐵線:淺草線、銀座線、東武鐵道同埋築波快線。寺廟免費入場。

    淺草寺 (淺草觀音)

    位置: 111-0032 日本東京台東區淺草 2 丁目 3-1

    開放時間: 每日 06:00 到 17:00

    電話: +81 3-3842-0181

    Stephan Audiger | 旅遊常客

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首