日光國立公園位於本州栃木縣,依山而建,環境寧靜舒逸,山上仲建有唔少神社同寺廟,遊客可以喺呢度擁抱自然山色。日光嘅神社同寺院周圍嘅自然環境非常之優美,除咗壯麗山巒之外,仲有美麗瀑布同天然溫泉,有數之不盡嘅遊覽亮點,滿足虔誠信眾、自然愛好者、文青同歷史發燒友嘅不同需求。

    日光公園內嘅兩座神社「東照宮」同「二荒山神社」、仲有「輪王寺」一直被視為聖地,寺院同自然美景互相呼應,相映成趣。其中,輪王寺寺廟群橫跨日光嘅三大聖山—男體山、太郎山同女峰山,珍貴建築保存良好,更喺1999 年獲聯合國教科文組織列為世界文化遺產。此外,喺寺院範圍內嘅 103 幢建築物之中,有 9 座被列為國寶,90 幾座就被列為重要文化財產。

    日光嘅神社同寺院歷史

    日光嘅神社同寺院歷史可追溯至 18 世紀—當時,僧侶勝道上人成功攀上男體山山頂,並喺山坡上興建一間寺廟;自此之後,男體山被視為神聖之地。喺鎌倉幕府嘅支持下,日光喺 12 世紀蓬勃發展,成為關東地區最重要嘅宗教祭祀場地。

    東照宮始建於 1617 年,為日光寺廟群奠下重要歷史里程碑!按照德川幕府創始人德川家康嘅遺囑,佢嘅陵墓正正安放於東照宮。大約 19 年之後,東照宮應德川家康孫兒德川家光嘅命令,進行咗大規模嘅翻新工程,

    化身成華麗藝術品,而現存東照宮嘅大部分建築物都係喺呢個時期建成。時至今日,東照宮仍然係德川家族長達 250 年、至高無上之輝煌統治歷史嘅標誌。後來,德川幕府亦出資興建咗二荒山神社同輪王寺。

    19 世紀後期,明治政府採取措施,將寺廟群劃分為 3 個區域,交俾唔同宗教團體管理—東照宮同二荒山神社歸神道教管理,輪王寺就由佛教支派打點。

    日光嘅神社同寺院嘅亮點及特色

    日光嘅神社同埋寺院好大程度上反映咗江戶時代嘅建築風格。根據神道教嘅信仰,大自然至為神聖,亦都係世人崇敬嘅對象。為此,諸如東照宮、二荒山神社以及輪王寺等日本神社同寺院完美體現「天人合一」嘅日式傳統寺廟風格,寺外嘅漫山遍野都係源於 17 世紀嘅日本巨型杉樹,為寺廟群增添神聖魅力。

    東照宮採用咗當時最先進技術所建,除咗古色古香嘅五重塔之外,寺內仲有好多出色建築物、大門同燈籠;而雙層陽明門又稱為「日暮之門」,刻上超過 500 個巧奪天工嘅雕刻,值得參觀。

    「唐門」亦係另一個參觀賣點,上方雕塑描繪「竹林七賢」嘅傳說;而神月厩舍就刻有代表諺言「不見惡行、不聞惡言、不言惡語」嘅三不猴像,全長 220 米,放眼望去,你會望到典雅雕塑同晶瑩雕刻。

    二荒山神社佔地超過 3,500 公頃,覆蓋日光山脈同華嚴瀑布,神社內供奉咗 3 位神明:大己貴命、味耜高彥根命同田心姬命。喺二荒山神社範圍內,有趣嘅參觀亮點數之不盡,當中包括火焰飄拂迷離嘅「妖怪燈籠」、據說泉水能治眼疾嘅「二荒靈泉」、100 幾把劍,同埋只有將軍先至可以使用嘅「神橋」。

    日光山輪王寺喺 8 世紀由勝道上人興建,入面有 15 幢歷史建築物,包括供奉千手觀音、馬頭觀音同阿彌陀如來嘅主殿「三佛堂」,以及典型江戶時代建築風格嘅「大猷院」,而呢度亦係德川家光嘅陵墓所在。

    日光國立公園

    位置: 日本栃木縣日光市湯本 321-1662

    開放時間: 每日 08:00 至 16:00

    電話: +81 288-62-2321

    Stephan Audiger | 旅遊常客

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首